^*frap/i ^UV

(tr)

1.

Bati¹: Moseo levis sian manon kaj frapis la rokon per sia bastono du fojojn [1]; li staras kvazaŭ frapita de fulmo [2]; pluvo frapadis la lapajn foliojn [3]; metu Urijan en la fronton de la plej forta batalo, […] ke li estu frapita kaj mortu [4]; ŝtono […] frapis la […] piedojn, kaj frakasis ilin [5]; [ili] prenis la kanon kaj frapis lian kapon [6]; la respektinda mastro frapis al si la bruston, tordis la manojn kaj premis sian kapon per ambaŭ manoj [7]; al tiu, kiu frapas vin sur la vango, prezentu ankaŭ la alian [8]; li frapis la birdon sur la bekon [9]; densa ondo da mucida, malseka aero frapis la vizaĝojn de ambaŭ enirantaj virinoj ^Marta .

a)

Forte puŝi ludilon ks por ĵeti ĝin al certa direkto: ludantoj de tabloteniso […] frapas la pilkon tien kaj reen [10]; [en flugpilkludo] la pilkon oni nur frapu, sed ne kaptu aŭ ŝovu [11]; aĉhumora, li piedfrapis plastan botelon, kiu [nun…] ruliĝis malproksime sur la trotuaro [12]. ŝoti, pafi^1.c

2.

Batante produkti sonon: li frapis ĉe la pordo [13]; iu frapis delikate la pordon ^IK ; kiu frapas, al tiu oni malfermas ^PrV ; la maro frapadis sur la rokon [14]; ŝia koro frapis forte kaj kun granda rapideco ^Marta ; oni kunfrapos pri li la manojn kaj oni fajfos pri li sur lia loko [15]; Marta frapis la lastan akordon de la sentimentala melodio […] ne levante […] la manojn de la klavoj ^Marta . aplaŭdi, bati², plaŭdi

3.

(figure) Subite kaj forte atentigi, mirigi: frapita de la majesta eksteraĵo [li] demandas lin, kiu li estas ^FK ; frapanta simileco kun la imperiestro Aŭgusto ^FK ; jen reale, vivanta viro, kiu frape similas al tiu mia elrevito ^SkandalJozef ; la reĝidino estis frapante pala kaj havis sur si karbonigran veston [16]; ĉio en tiu ĉi neordinara persono de longe profunde frapis ŝian imagon ^FK ; la saloneto […] ne estis vasta, tial des pli frapis la okulojn la eleganteco de ĝia aranĝo ^Marta ; [per] frapaj sloganoj (vd frapfrazo) allogi homojn [17]; frapantaj ekzemploj de lingva disfragmentiĝo [18]; frapa argumento pri kosto [19].

4.

(figure) Malmilde trafi, subite tuŝegi: kvazaŭ tiuj vortoj frapus ŝin per ia subita, ordona rememoro ^Marta ; penso pri la malĝojo en tiu ĉi domo […] frapis ŝian molan koron ^BdV ; teruro lin frapis [20]; li antaŭ la portreto de la formortinta sinjoro subite haltis, kvazaŭ frapita de tondro [21]. emocii, fali sur, kapti, skui.

5.

Punbati, puni: Efraim estas premata, frapita de la juĝo, ĉar li memvole sekvis homan ordonon [22]; la Eternulo frapis la popolon per granda frapo [23]; la Eternulo frapos vin per frenezeco kaj per blindeco kaj per senkapableco [24]. bati³, plagi, vipi.

(sonimito)

Sono de frapo; bat: signalo estis trifoja frapo sur plej alta ŝtupo […] - frap! - frap! - frap [25]! „bonan matenon, sinjorino, mi reprezen...“ ― „ne, dankon!“ frap ^KrM !

Tia, ke ĝi frapas: li elpensos por la cezaro ion ne nur grandiozan, sed ankaŭ frapan [26]; en genia cerbo de junulo disvolviĝis tiu bildo kun precizo frapa [27]; frapa kontraŭekzemplo [28]; frapa sceno, spertita dum trajnvojaĝo [29]; la ora ĉokolado havas esceptan guston, estas iomete pli acida, havas frapajn fruktajn kaj florajn gustojn [30]. abrupta, akra^2.b, drasta, energia², okulfrapa, radikala

Ago de frapanto, aŭ rezulto de tiu ago: malsaĝulineto! diris Fanny, donante al sia amikino nefortan frapon per la ventumilo ^FK ; mi aldonos sepoble da frapoj laŭ viaj pekoj [31]; neniam lia kredo je homoj, je ilia honesteco ricevis tian fortan frapon ^FK ; mi ricevus tian pugnofrapon en la ventron, ke la lango elirus [32]; jen la fiŝkaptistoj saltas en la akvon, tiras la boaton al la tero, kaj ĉiu frapo de la ondoj ilin helpas [33]; oni aŭdis frapojn de hakilo [34]; [subite] kvazaŭ laŭ sorĉa frapo, ĉio mutiĝis [35]; grekaj taĉmentoj, kies egalaj paŝoj similis frapojn de pezaj marteloj [36]; ĝi kun etenditaj flugiloj malleviĝis ĉiam pli kaj pli malalten, faris ankoraŭ kelke da frapoj per la flugiloj [37]; ne doloras frapo sur fremda kapo ^PrV .

Ago frapi: almozula frapado ĉe multaj pordoj ^Marta ; aliĝis al ili ĉiam pli laŭta frapado de homaj piedoj, kiuj kuris sur la ŝtonoj de la trotuaro ^Marta ; de malproksime [aŭdiĝis] piedfrapado de ĉevaloj ^Fab3 ; muziko ne konsistas en sola frapado de klavoj ^FK ; eksonis fluto kaj frapado de l' pokaloj [38]; interfrapado de la glasoj [39].

Ĉio por frapi: en la fino de la koridoro estis pordo, la veninto trovis palpe frapilon kaj ekfrapis trifoje [40]; [li] pendigis kiel insignon super sia tendo sonorilon, kiu […] estis gudrita kaj ne havis frapilon [41]; en la bilardejo gravaj konkursoj okazas, [tie] sidas eble dudek maljunuloj, kiuj neniam prenis frapilon en la manon sed tiu fakto ne malhelpas ke ili ĉiuj faru konsilojn ^KKl . batilo, rakedo, svingilo

Esti trafata de frapo, puŝiĝi kontraŭ io: ĉu vi falis aŭ frapiĝis? ŝi demandis mallaŭte kun okuloj fiksitaj sur la malluma makulo ^Marta ; ŝia kapo fortege frapiĝis kontraŭ la tualettablon, la doloro rapide ŝin eltiris el sia sveno ^KPr ; desuper liaj genuoj, ligite per ĉenoj, pendis du pezaj kupraj kuboj, kiuj ĉiupaŝe dolorige frapiĝis al liaj kruroj ^VaK .

Esti malmilde trafita, malmilde intertuŝegiĝi: liaj genuoj tremante kunfrapiĝadis [42]; aŭdiĝis bruo de la flugiloj de la kreitaĵoj, kiuj kunfrapiĝadis unuj kun la aliaj [43]; la du metaloj interfrapiĝinte donis sonon puran kaj daŭran ^Marta ; ambaŭ potoj interfrapiĝis tiel, ke en la ĉambro ekflugis potpecoj, fajro kaj cindro [44].

(frazaĵo)

Laŭ sia aspekto atentokapta, kiun oni nepre rimarkas: kiaj gustoplenaj kaj samtempe okulfrapantaj ringoj ornamis tiujn dikajn fingrojn ^Marta ! kun silenta admiro [li] rigardis la okulfrapan vidaĵon ^Iŝtar ; ĉiuj estis senbarbaj – okulfrapanta kontrasto kun la ĝenerala kutimo de la lando ^Iŝtar ; tre malmultaj atentis pri „Vanessa polychloros“, iu […] ne tre okulfrapa taga papilio [45]. rimarkinda, spirkapta

Kiun oni rimarkas pro ĝia aparta, rimarkinda sono: regis stranga silento, ia orelfrapa silento, kian oni rimarkas, kiam longedaŭra kaj forta bruo subite ĉesas ^InfanTorent2 ; dum parolado ŝia „s“ iom orelfrape sonas [46]; la alilandano superŝutis Anjon per ceremoniaj salutoj kaj emfazaj dankoj, riverencis, forte premis ŝian manon kaj diris kun orelfrapa eksterlanda prononco […] ^MkM ; Espo Despo estas internacia muzikgrupo kiu kreadas kaj prezentas proprajn ritmajn – ofte dancigajn kaj orelfrapajn kantojn [47]. abrupta, drasta, rimarkinda, orelŝira, subita

(x)
frapi per piedo: Ramzes malpacience piedfrapis la teron [48]; la popolamaso komencis piedfrapi kaj kriegi [49]; li piedfrapis tiel forte sur la plankon, ke la mebloj ekdancis [50]; li ne povis sin deteni kaj perforte piedfrapis la senkulpan ŝtupon, sur kiu li staris [51]. treti, stamfi

1.

Kolapso kaŭzita de troa korpovarmiĝo en suna varmego: se mi estus la sunradio, tiam mi farus al ĉiu el ili sunfrapon, ― sed tio farus ilin plej efektive frenezaj, kaj tiaj ili sen tio fariĝos [52]; Ivano, ĵus min preskaŭ trafis sunfrapo, mi eĉ kvazaŭ haluciniĝis ^MkM .

2.

sunbrulumo

Bato, kutime permana, sur la vango: se vi ankoraŭ unu fojon vekos min, vi ricevos vangofrapon [53]; vi rekompence donis krakantan vangofrapon [54]! vangobato, survango