^*traf/i ^UV

(tr)

1.

(iu, io konkreta) Atingi per ĵetita objekto aŭ per sia propra moviĝanta korpo ion celitan; tuŝi: li prenis ŝtonon kaj trafis la birdon, kiu falis teren [1]; la bovo […] saltis antaŭen, trafis la lanciston [2]; en mia vagado mi trafis la monaĥinejon pli-malpli ĉe la vesperiĝo [3]; [ŝi] ĉirkaŭirante la disputantojn, ree trafis la vojon en loko, kie ili ne povis ŝin vidi ^Iŝtar ; vidas okulo, sed mano ne trafas ^PrV ; trafi du celojn per unu ŝtono ^PrV ; (figure) trafi per la parolo rekte en la vizaĝon ^PrV . rendevui, renkonti²

2.

(figure) (io abstrakta) Atingi, frapi: la mateno trafis ilin en Ĥebron [4]; la loto trafis Saulon [5]; kvieta morto ŝin trafis [6]; tondro trafis mian dormetantan orelon [7]; mi ne hontis konfesi la trompiĝojn kiuj […] min trafis ^Marta ; malfeliĉo […] trafis lin [8]; stranga okazo min trafis [9]; liaj okuloj tute mirigite trafis la pentritan bildon de la patrino [10]; neniu scias, kio morgaŭ lin trafos ^PrV . kapti⁵, surprizi²

3.

Renkonti ian konkretan baron; fali⁷: la veturilo […] trafis en kavon ^FK ; li trafis tripiedon kaj vundis brovon ^Ifigenio ; kelkaj el tiuj libroj […] trafis ankaŭ en la manojn de la imperiestro [11]; trafis falĉilo sur ŝtonon ^PrV ; trafi per la vizaĝo en koton ^PrV ; li trafis el sub pluvo en riveron ^PrV ; celi anseron, trafi aeron ^PrV . kolizii

4.

(figure) (iu, io) Sperti, renkonti ion abstraktan: povus trafi min malfeliĉo kaj mi mortus [12]; por trafi tian rezultaton, oni suferas tiom da moralaj kaj fizikaj doloroj ^KPr ; tian taskon ne tiel trafe kaj sukcese povas plenumi organizoj samcelaj ^Lanti ; la verko de la filo trafis pli favoran akcepton kaj estis plurfoje represita [13].

Trafanta, ĝuste atinganta la celon: kiel trafaj ofte estas liaj respondoj ^Hamlet ; per trafaj ŝercoj ili ofte elvokis ĉiuflanke koran ridadon ^Iŝtar ; post ĉiu trafa pafo ŝi [montras…] triumfantan rigardon ^Metrop ; la rimarko ŝajnis tiel trafa, ke li ekrigardis [14]; kiam lia kolero atingas sian kulminon, tiam fariĝas plej trafaj […] liaj juĝkapablo, argumentado kaj batalrimedoj ^Lanti . ĝusta²

En tute taŭga kaj alcela maniero: trafe ĵeti sagojn [15]; [li] malvarme kaj trafe juĝas la aferon [16]; ĉion strangan kaj malbelan Kay povosciis kopii tre trafe [17]. akurate, precize

Ago de io aŭ iu trafanta: perei pro iu ajn trafo ^QuV ; ofte plej terura, ĉar malplej antaŭvidebla kaj antaŭkalkulebla influo de la blinda trafo ^Marta ; erara trafo [kiun] nek sendinto nek ricevinto rimarkas [18]. akcidento, incidento, koincido

Laŭhazarde, laŭŝance, blinde je l' trafo: mi jam provos, kiel ajn ĝi iros! kio estos, tio estos, mi provos trafe-maltrafe [19]; la kompaso ne funkcias kaj, trafe maltrafe, ni ŝanceliĝas serĉante la vojon [20].

Precizeco de tio, kio trafas la ĝustan lokon: aliaj, frapitaj per la trafeco de lia rimarko, komencis rigardi lin kun miro [21]; ili ofte celas frapi la atenton de la aŭskultantoj per siaj originaleco, ĝusteco, trafeco ^Ret ; malmultaj homoj […] kapablas juĝi la trafecon de la tradukoj el la hungara [22]; unue ili parolis pri la „trafeco“ de la ŝparado sed baldaŭ montriĝis, ke ili intencas preni la monon de malriĉuloj [23].

(ntr)

Iĝi trafita: trafiĝi de la variolo [24].

(tr)

Kontraŭvole ne atingi la celitaĵon: ili povis ĵeti ŝtonon kontraŭ haron, kaj ne maltrafi [25]; kiu tro rapidas, tiu maltrafas la vojon [26]; ĉi tiu okazaĵeto ne maltrafis la atenton de la ĉirkaŭstarantoj ^Iŝtar ; ĉiuj rigardas, por ne maltrafi la momenton de l’ disŝiro ^ChV ; malsaĝa besto, pensis la reĝa filo kaj pafis, sed maltrafis la vulpon [27]; ĉiuj pekis kaj maltrafis la gloron de Dio [28]; kiu rigardas ĉielon, maltrafas sian celon ^PrV . disreviĝi, fiaski, malsukcesi, preteri, preterpasi

Distanco ĝis kiu povas atingi ĵetilo aŭ ia ajn pafilo: [li] maljuste tropagigas la barkojn pasantajn en la trafpovo de la [fortikaĵo] [29].