^*preciz/a ^PV

Klare kaj detale determinita: lia multjare ellaborita projekto jam ricevis precizajn, difinitajn formojn ^FK ; tiuj ĉi horloĝoj iras tute regule kaj ĉiuj en preciza konsento ^FK ; mi deziris havi precizan klarigon [1]; oni metis lin en malliberejon, ĝis oni ricevos precizan decidon [2]; montriĝos, ke la afero estas preciza vero [3]; ju pli precizaj la kalkuloj, des pli fortika la amikeco ^PrV . akurata, detala¹, ekzakta, ĝusta, neta, strikta²

En preciza maniero: mi ekzamenis precize, ĉu ĉio estas en ordo ^FK ; vi observu precize kaj plenumu ĉion, kion instruos al vi la pastroj [4]; tia estas precize la sonĝo kaj ĝia ĝusta klarigo [5]; Herodo sekrete venigis la saĝulojn, kaj precize sciiĝis de ili [6]; la pasintaĵon vi konas precize ^Ifigenio ; precize laŭ la tempo kaj la loko ^Hamlet ; mi ne memoras tute precize, en kiu jaro de mia vivo mi perdis la religian kredon ^VivZam .

Klara, detala kaj severa difiniteco: matematika precizeco ^FK ; ni povus jam nun kun plena certeco kaj precizeco antaŭvidi, […] ^FK ; la vorto „krom“ povas iufoje kaŭzi neprecizecon aŭ malkompreniĝon [7].

Igi preciza: la Bulonja deklaracio precizigis la oficialan, de ĉiuj sendispute akceptitan esencon de la Esperantismo [8]; en la tre maloftaj okazoj de neklareco ni povas ja precizigi nian parolon, dirante […] [9]; precizigante la signifon de „aĵ“ nur aktive aŭ nur pasive [10]; povas esti utile, precizigi, ĉu oni parolas pri unu, ĉu pri la alia [11]; li simpligis kaj precizigis la ĉeĥan ortografion per enkonduko de supersignoj [12]. determini¹, difini², fiksi³, specifi

Kiu ne klaras aŭ ne enhavas sufiĉan detalecon: elparolo malfacila, ortografio malpreciza, sed kia forto kaj rapido en la frazoj! ^VivZam ; se estas nur malpreciza informo pri dokumento, ĝi apenaŭ estas retrovebla inter la miloj da dosieroj [13]; „spirita“ estas iom malpreciza koncepto [14]. ambigua, nebula², svaga