^*renkont/i ^UV

(tr)

1.

Trovi iun irante kontraŭdirekte al li: hieraŭ mi renkontis vian filon [1]; la unua renkontita tre malmulte lerninta bubo rigardas ilin de alte [2]. kruciĝi.

2.

Kunpuŝiĝi kun, ektuŝegi, kolizii, trafi: la ŝipo renkontis ŝtonegon.

3.

Trovi, ricevi, sperti iun okazaĵon, trafi: oni ne renkontas en tiu libro la necesan unuecon; la unua objekto, kiun renkontis lia rigardo, estis Vasilij Ivanoviĉ [3]; la pioniroj de novaj ideoj renkontas nenion krom mokoj kaj atakoj [4]; kelkaj samcelantaj antikvaĵistoj renkontis multe da malfacilaĵoj kaj malhelpaĵoj kaŭze de malfidemo [5]; lokaj artistoj proponis partopreni, sed ili renkontis du obstaklojn [6]; Se ĉi obstaklojn venkus kuraĝ’ homsupera, ⫽ Ĝin renkontus ankoraŭ baro pli danĝera [7]; tiuj ĉi provoj renkontis plenan fiaskon [8]; renkonti atenton, aprobon, simpation ĉe iu; liaj klopodoj ne ĉiam renkontis bonan komprenon.

4.

Opinii iamaniere pri iu aŭ io, rigardi el ia vidpunkto: la samtempuloj renkontas ilin […] kun rimarkinde obstina malkonfido [9]; [ili] malamike renkontis nian aferon [10]; multe ni jam devis suferi de tiu malvasta pseŭdopatriotismo, kun kiu diversaj personoj renkontis nian aferon [11].

1.

Kunveno de pluraj personoj: [li] transloĝiĝis […] por eviti renkonton kun Herhor [12]; ĉiumomente ŝi pensis pri la hieraŭa renkonto [13]; pasas dudek jaroj, plenaj de vojaĝoj, ventegoj, renkontoj, aventuroj [14]; Internacia Flosista Renkonto en Karintio [15]; oficialaj renkontoj de la lingvanaro [16]. rendevuo²

2.

Ago renkonti²: [li] ree ektremis kiel je la renkonto de ŝia rigardo [17]; pasis multaj jaroj post tiu ĉi unua renkonto al la lando [18]; unu el la plej fruaj sindemandoj de lernanto ĉe renkonto kun esperanta vorto estas: de kie Zamenhof prenis ĝin [19]? la renkonto kun la universitata vivo konfuzis min [20].

Loko, kie oni renkontiĝas: ekster la pordo […] estas ilia renkontejo dum iliaj liberaj horoj [21]; Padar [estas] grava renkontejo de karavanoj [22]; gastejo nomita „La Ankradejo“ [estis] renkontejo por malnoblaj ŝarĝpramistoj, ŝtelistoj kaj aliaj [23]; la urbo Komárno […] malfermiĝas kiel internacia renkontejo [24]; la uzo de preĝejoj kiel temploj de rezonado dum la franca revolucio kaj la renkontejoj funkciigataj de humanistoj en Londono estas pasintaj ekzemploj [25]. kunvenejo, lokalo

1.

Intervidiĝi kun, hazarde aŭ nehazarde kuniĝi kun: irante de tie, mi renkontiĝis kun Pjotr Ivanoviĉ ^Revizoro ; la amantoj subite renkontiĝis kaj tuj sin ĵetis unu en la brakojn de la alia [26]; ŝia rigardo renkontiĝis kun la rigardo de la libristo ^Marta ; sur la vojo renkontiĝas multaj konatuloj ^Metrop ; [ili] trapasis la erikejon kaj denove senvojan arbaron, kaj vespere ili renkontiĝis kun rabistoj [27]; oni permesis al pli famaj luktistoj renkontiĝi en serio de duopaj bataloj [28]; renkontiĝas pri neologismoj situacio simila [29]; ni renkontiĝis de tempo al tempo [30]; ĉiujare la esperantistoj renkontiĝas en grandaj kongresoj [31]. kunesti, rendevui²

2.

Kunokazi, koincidi: tie la realo kaj la fabelo renkontiĝis en iu sorĉa maniero [32]; domo kun vasta kaj libera panoramo al ĉifona periferio de la urbego, kie renkontiĝis kamparo kaj urbo, pinaretoj, krevigita granito, fabrikaj fumtuboj [33]; la unuaj blovoj de kapitalismo en Rusio renkontiĝis kun la restoj de la juda mesiismo kaj kun la pacista, anarkisme utopia penso de la kristanismo de Tolstoj [34]; la mallumaj kaj helaj fortoj renkontiĝis en obstina batalo pri la korpoj kaj animoj de homoj [35].

1.

Interrenkonto, kunveno: ĉe la renkontiĝo ili rekonadis sin reciproke [36]; la fraŭlineto videble ne estis malkontenta de la renkontiĝo ^Marta ; varmigi en ni per reciproka renkontiĝo kaj kunvivo la amon kaj entuziasmon por la ideo, kiun la Esperantismo en si enhavas [37] [mi] tuj penos aranĝi en ia maniero renkontiĝon inter li kaj mia filino [38]; Laerto en dekdu renkontiĝoj (kp maĉo, raŭndo) inter vi kaj li ne venkos pli ol tri fojojn [39]; la subita renkontiĝo kun lia respekteginda avo […] vivece revokis al li memorojn [40]; tiu unua renkontiĝo inter la oratoro kaj la publiko estas tre grava por la plua sekvo de la parolado [41].

2.

Kunokaziĝo, koincido: stranga renkontiĝo de la cirkonstancoj [42].

(prepoziciaĵo)

Irante en kontraŭa direkto kaj proksimiĝante al: renkonte al li iras virino [43].