^*spert/a ^UV

1.

(iu) Posedanta sciojn kaj lertecon akiritajn per praktikado kaj venkado de realaj malfacilaĵoj en iu kampo: via patro estas sperta militisto [1]; eĉ se mi estus plej sperta, mi ne povus regi sen fidelaj servistoj kaj saĝaj konsilistoj [2]; sperta maristo ne batalas kontraŭ la fluo, nek kontraŭ la vento, sed li permesas al ili, ke ili portu lin en la elektita direkto [3]; sperta en la regado [4]; Maziero, kiu estis sperta ĥemiisto, lokis en la grenejo de la kampodomo malgrandan laboratorion: kaj la infanoj miregis, vidante ĥemiajn eksperimentojn [5]; [li] ne estas tre sperta en la terkulturado, sed li estas bonulo [6]; li estis tro sperta konanto de la homa naturo, por ne diveni, ke sole amo povis esti la kaŭzo de tia obstino [7]; ne demandu scienculon, demandu spertulon ^PrV ; pasero sperta ne bezonas averton ^PrV ; mizero faras lerta, mizero faras sperta ^PrV . kapabla, kompetenta, ekspertizisto

2.

(io) Spertula, montranta lertecon akiritan per praktikado: sperta gvidado; [ili] masonis la truon, tiel ke eĉ la plej sperta okulo, ne trovus la eniron en la tombon [8]; grandegaj tondiloj […] senĉese estis movataj de la spertaj manoj ^Marta ; okulo sperta en legado sur homaj vizaĝoj povus rimarki postesignojn de longa kaj ankoraŭ ne finita historio de vivo ^Marta .

1.

(ntr)
Esti sperta pri: Andreo, kiu tre spertas pri similaj situacioj, restis nevidata [9]; la nova prezidanto spertas pri ekonomio kaj financoj [10]; oni jam spertas pri la elimino de morbilo sur vastaj teritorioj [11].

2.

(tr)
Travivi, suferi aŭ ĝui, senti, konstati: kiu plenumas la ordonon, tiu spertos nenion malbonan [12]; [mi] spertis suferon sub la vergo [13]; tia izoliteco, kiun ŝi neniam antaŭe spertis [14]; tiu tertremo ne estas novaĵo, […] la urbo Lima en Ameriko spertis la samajn skuojn lastan jaron [15]; li rakontis ĉion, kion li spertis depost la momento de ilia disiĝo [16]; mi spertis ŝiprompiĝon sur la malkvietega maro [17]; vi ne […] spertu novan seniluziiĝon, eble ankoraŭ pli doloran ^Marta . trapasi, trafi

1.

Scioj kaj lerteco akiritaj per praktiko kaj travivado de malfacilaĵoj: la plej saĝa el ili havas sperton de kelkdeko de jaroj [18]; la antaŭzorgemo malkovros al vi la malsanon kaj la sperto montrus la rimedon [19]; mi do petas vin, dividi kun mi iom da via sperto [20]; laŭ mia sperto la triumfanta malamiko estas plej malforta [21]; la juna princo, malgraŭ la manko de sperto, komprenis, ke li devas esti singarda [22]; parolis la maljunulino kun la tuta prudento, kiun donas la aĝo kaj la sperto [23]; por sperto kaj lerno ne sufiĉas eterno ^PrV ; sperto saĝon akrigas ^PrV .

2.

Travivaĵo: el la ĉiutaga sperto ni ĉiuj ja scias tre bone, ke […] [24]; estado sentempa, sed tamen plenplena de grandaj okazoj kaj spertoj, de pensoj kaj sentoj [25]; la maljunulo […] foje rakontis al la rondanoj pri siaj spertoj kiel forĝista helpanto en la malnova tempo [26]; ni forgesas averton, ni memoras la sperton ^PrV ; eĉ malsaĝulon sperto instruos ^PrV .

Travivaĵo: la aŭtoro vane provas kompreni la strangajn spertaĵojn [27]; la edzoj raportis feliĉe pri siaj spertaĵoj [28]; kiam mi fuŝis statistikojn, tuj ekvibris la komputileto en mia poŝo […], por mi, nova kaj, sincere, iom timiga spertaĵo [29].

1.

Fariĝi sperta, akiri sperton: ni spertiĝis kaj lernis pli bone helpi unu la alian [30]; ni spertiĝis tiel, ke Zila rapide nomis la kartojn en seninterrompa vico [31]; [ili] rete korespondas kun la kursanoj por ke ili spertiĝu en la lingvouzo [32].

2.

Esti travivata: neniam antaŭe spertiĝis tiom da malcerteco en vivsekureco [33].

Stato de iu ne havinta spertojn, ne konanta per propra travivado: ĝuste pro nia sensperteco, iuj malsimplaj aferoj ŝajnis al ni tute simplaj [34]; unu el la pneŭmatikoj trapikiĝis kaj pro la malsperteco de la veturigisto, prokrastado okazis [35]; mi laboru kaj tamen ne malkaŝu al ili mian senspertecon, ne donante bazon al ilia […] fiereco [36]; la interparolon, se konsideri mian senspertecon, oni povas diri sufiĉe glata [37].

Sperta pri aparta fako: ŝi priklis [rizplantojn] tiel rapide kaj lerte kiel iu ajn faksperta terkulturisto [38]; la Plena ilustrita vortaro, 1300-paĝa, aperis en 1970, post multaj jaroj da [laboro kaj] kaj multa helpo de multaj – sindonaj fakspertaj kunlaborantoj [39]; vera revuo […] ne povas sukcese ekzisti sen faksperta ĵurnalisto dediĉanta horojn kaj tagojn al la redaktado kaj korespondado [40]. kapabla, kompetenta¹