^*grup/o ^UV

1.

Aro da samspecaĵoj:

a)

Kunestantoj, uloj, kiujn io komuna kunigas: grupo de laboristoj [1]; grupo da personoj [2]; grupo de junaj elegantuloj [3]; grupo da infanoj kune ludantaj; jen grupo da profetoj iras al li renkonte [4]; aranĝu vin laŭ […] viaj grupoj [5]; dividita en grupojn [6]; el ĉiu oazo iris grupo post grupo de tiaj mizeruloj [7]; la taga grupo (vd skipo) de la laboristoj [kaj] la laboristoj de la nokta grupo [8]; grupo politika [9] (da deputitoj samopiniaj); etnografia grupo [10]; religia grupo [11]; grupeto [12]; kunvenis amikaro lia ĉe l' amata grupestro ^VivZam ; grupa egoismo [13]; marŝi pogrupe; ĉiuj sidiĝu laŭgrupe sur la verda herbo [14]; staru grupe [15]! kunularobando, brigado, ensemblo, grego, hordo, karavano, kolektivo, partio, roto, taĉmento, teamo, skipo, svarmo, k.a.

b)

Objektoj kunestantaj aŭ servantaj por sama celo: grupo da pentraĵoj, da dokumentoj, da argumentoj; grupo de blankaj domoj [16]; la laŭenhave dividitaj grupoj da proverboj ^PrV ; grupo da aromaj laŭrarboj [17]; ili atingis grupon da salikoj, kiuj kreskis ĉe la rando de la arbaro [18]; sub soleca grupo de iaj arboj larĝbranĉaraj [19]. arĥipelago, kategorio, kolekto, menaĝerio, serio, ktp. aranĝo, kombino

c)

Ofta sinsekvo de sonoj: la grupoj „br“, „kv“.

2.

Specaro, genro³, tribo²: bambuo estas grupo de lignecaj plurjaraj ĉiamverdaj plantoj el la herba familio de Poaceae [20].

3.

[21] Tia grupoido `(bb E,†)`, ke ĝia operacio `†` estas asocieca, ke ekzistas neŭtra elemento en `bb E`, kaj ke por ĉiu elemento en `bb E` ekzistas ĝia neŭtriganto: adicia grupo (komuteca grupo, kies operacio estas adicie signata) ^MatVort ; multiplika grupo (grupo, kies operacio estas multiplike signata); grupo estas monoido, kies ĉiuj elementoj estas neŭtrigeblaj. algebra strukturo; Specifaj grupoj: grupo de n-modulaj restoklasoj, alterna grupo, fundamenta grupo, galeza grupo, simetria grupo, kvocienta grupo; substrukturo: subgrupo; Atributo de grupo: ordo ^7.c; specifaj ecoj de grupo: abela, arĥimeda, cikla, komuteca, orda, simpla, topologia, transitiva.

Maltaŭga aŭ malŝatinda grupo; bando⁴: la viktimoj, ĝenerale, ne apartenas al la menciitaj figrupoj [22]; ni […] veturis al la oficejo de Scientologio […], Elvis eliris kaj diris „fi al tiuj uloj! nepre neniam mi aniĝos al tiu grupaĉo“ [23]; grupaĉoj konkurencantaj por kontrolo de la aŭtokomerco [24].

Arigi en unu aŭ plurajn grupojn: la fotografisto grupigas la klientojn; oni grupigas la ekzamenitojn [25]; ili grupigas sin, kunparolas, kelkaj krias aŭ ridegas [26]; la belga, franca kaj brita armeoj retiriĝis sud-okcidenten kaj regrupigis sin malantaŭ la rivero [27]; grupigitaj po du kaj tri, kompareble kun […] la nigraj klavoj en klavaro [28]; la Plena Verkaro […] grupigas la zamenhofajn verkojn laŭ kategorioj [29]; la urbo […] estas grupigita en la unua kategorio de banlokoj [30]; la enloĝantoj ŝatis aligrupigi siajn domojn de tempo al tempo kaj nove loki stratojn kaj placojn [31]; la disgrupigo de samfamiliaj lingvoj vekas fortajn diskutojn inter fakuloj [32].

Ariĝi en unu aŭ pluraj grupoj: la tero estis kovrita de konstruaĵoj, kiuj en kelkdeko da punktoj grupiĝis pli multenombre kaj formis urbetojn [33]; ĉirkaŭ vi komencas grupiĝi la plej grandaj sekretoj de la ŝtato [34]; grupiĝi en geometriajn figurojn [35]; la tuta cetera esperantistaro en plena harmonio forte grupiĝis ĉirkaŭ sia konstanta standardo [36]; regrupiĝo ^VivZam .

Asocieca grupoido: naturaj nombroj [estas] duongrupo rilate al multipliko kaj adicio ‐ do duonringo [37]. monoido

1.

Grupo ene de alia grupo: ene de subgrupo la diferencoj povas esti konsiderindaj: povas 60-jarulo balbuti, dum 80-jarulo povas flue diskuti [38]; la gaela (skota, irlanda kaj manksa) subgrupo apartenas al la tiel nomata „Q-kelta” kategorio, dum la kimra kaj la bretona apartenas al la „P-kelta” [39].

2.

^MatVort (de grupo `(bb E,†)`) Tia grupo `(bb A,†_A)`, ke `bb A sub bb E` kaj `x †_A y = x † y` por ĉiuj `x, y in bb A`: nemalplena subaro estas subgrupo nur, se al ĝi apartenas rezultoj de la operacio inter kiu ajn unua elemento kaj neŭtriganto de kiu ajn dua; geometria simetria grupo […] estas subgrupo de la izometria grupo de la koncernita spaco [40].

Homgrupo dediĉita al pripenso, priparolo, interŝanĝo de opinioj pri iu temo: la konferenco konsistis el dekoj da prelegoj kaj diskutgrupoj [41]; ekzistas diskutgrupoj, en kiuj eblas peti kaj interŝanĝi informojn kaj iĝas kutimo aperigi sian genealogion en retpaĝo [42]; la diskutgrupoj […] esperantlingvaj, forigitaj de Yahoo, reaperis frue la 20-an de decembro [43]. forumo⁴

[44]

kvociento-grupo.

Homgrupo komisiita pri difinita taskaro aŭ celo: li iniciatis laborgrupon kun reprezentantoj de sciencaj institutoj [45]; laborgrupo de la Eŭropa Parlamento alvokis la Eŭropan Komisionon listigi tabakfumon […] kiel kancerigan [46]; kunordiga laborgrupo [47]; en 2000 laborgrupo malfermis pacmuzeon [48]; la restarigo de la laborgrupo de UEA ĉe Unuiĝintaj Nacioj estas taŭga paŝo en la […] strategio kiun UEA entreprenu [49]. komisiono, studgrupo

Kunludantaj muzikantoj profesiaj aŭ amatoraj: en koncertsalono okazis koncerto de eŭropaj ĥoroj kaj muzikgrupoj [50]; um alilandaj povas vendi nur en loka merkato, germanaj muzikgrupoj povas vendi al la tuta mondo [51]; la nuntempe eble plej populara muzikgrupo de Esperantujo aperigis sian trian albumon: „ĉiamen plu“ [52]; la muzikgrupo Kajto […] prezentos koncerton dum la 3a Novjara Renkontiĝo [53].

Homgrupo kun komuna celo, provanta influi aŭtoritatojn aŭ publikan opinion favore al sia afero: mondaj financaj premgrupoj [54]; premgrupoj subtenantaj la reformojn [55]; pro kreskanta antisemitismo en Eŭropo pluraj judaj premgrupoj malfermis reprezentejojn en Bruselo [56]; granda premgrupo en Irlando, la tiel nomata Forumo, postulas, ke la irlandgaela […] estu akceptita kiel laborlingvo de la unio [57]. reprezentanto

Homgrupo, en kiu la ŝancoj por iu malsano pli altas ol en la cetera socio: riskogrupoj estas diabetuloj, personoj pli aĝaj ol 60 jaroj kaj personoj kun malbona trasangado [58]; inter la riskogrupoj de hepatito B oni kalkulas la sangoricevantojn [59].

Iu el la diversaj bioĥemiaj sangospecoj, precipe tiuj, kiuj karakterizas grupojn de homoj, inter kiuj transfuzo eblas: sangogrupoj A, B, AB, 0...: pri la mikso li eksciis en 1997, kiam lia „patrino” enhospitaliĝis kaj kontrolataj estis la sangogrupoj de ambaŭ [60]; en Japanujo […] babilado pri karakteroj laŭ sango-grupoj estas denove treege moda [61].

Homgrupo dediĉita al studado kaj plej ofte raportado pri iu temo: volontuloj-kunlaborantoj de la universitata studgrupo pri minacataj lingvoj [62]; la teknika studgrupo de UEFA [63]; dum studgrupaj vesperoj ni dividos nin en malgrandaj grupoj laŭ diversaj temoj, ekzemple: gramatiko, la legado de „Marvirinstrato“ kaj kvizoj [64]. komisiono, laborgrupo

Sinsekvo de vortoj, kiuj konsistigas gramatikan aŭ sencan tuton: „ankaŭ mi“ kaj „por la situacio“ estas vortgrupoj [65]; prepozicio […] staras antaŭ alia vorto aŭ vortgrupo [66].

(por entjero `n gt 1`) Kvocienta grupo de la adicia grupo de entjeroj per la subgrupo de `n`-obloj; alidire: aro de ĉiuj n-modulaj restoklasoj, provizita per la adicio `(p+n ZZ)+(q+n ZZ) = (p+q)+n ZZ`: la grupon de `n`-modulaj restoklasoj oni signas per `ZZ_n` aŭ `ZZ / (n ZZ)`. cikla.

[67]

(de finia aro `bb E`) Subgrupo de ties simetria grupo, konsistanta el la paraj permutoj: la alternan grupon de `n`-elementa aro oni kutime signas per `A_n`; por `n >= 5` la alterna grupo `A_n` estas simpla.

a)

(de superkorpo `hat bb K` de korpo `bb K`) Grupo de ĉiuj aŭtomorfioj de `hat bb K`, kiuj lasas la elementojn de `bb K` senŝanĝaj: la galezan grupon de superkorpo `hat bb K` de `bb K` oni foje signas per `Gal(hat bb K / bb K)`.

b)

(de polinomo, aŭ algebra ekvacio) Galeza grupo ^1.a de la radika korpo de la polinomo.

Galezo.

^PIV2

(de grupo `bb G` rilate al invarianta subgrupo `bb H` de ĝi) La aro de ĉiuj flankaj klasoj de `bb G` rilate al `bb H`, provizita per la operacio `(a bb H)*(b bb H) = (a*b) bb H`; simb. `bb G / bb H`.

Rim.: Ni preferas tiun terminon al la sinonima, malpli travidebla faktorgrupo. Notindas, ke troviĝas ankaŭ „kvocientogrupo“ en [68].

[69]

(de finia aro `bb E`) Grupo, konsistanta el la aro de ĉiuj bijekcioj super `bb E`, provizita per la operacio kunligo; alidire: grupo de ĉiuj substituoj super `bb E`: la simetrian grupon de `n`-elementa aro oni kutime signas per `S_n`;

Vortgrupo kies ĉefvorto estas substantivo aŭ pronomo, kaj kiu rolas en frazo samkiel substantivo: {Ĉi tiu propozicio} entenas {du substantivajn grupojn}; En substantivaj grupoj kun adjektivo nur la adjektivo ricevas difinan finaĵon (t.e. la difinan artikolon) [70].