¹svarm/i

1.

Moviĝanta kaj interpuŝiganta, konstante renoviĝanta kaj ŝanĝiĝanta amaso: svarmo da papilioj ^Marta ; ili venis kiel granda nubo, kiel svarmo da akridoj [1]; ŝi puŝis sin svarmo da virinoj [2]; li kondukis ŝin tra la homa svarmo de la bordo [3]; la gaja svarmo da multaj diverskolore flagitaj ŝipoj [4]; el inter la arbetaĵoj elvenis tuta svarmo da belegaj grandaj birdoj [5]; svarmoj da glitveturiloj flugis en diversaj direktoj ^Marta ; ĉirkaŭ la buŝo […] ludis svarmo da ridetoj jen plaĉivolaj, jen petolaj, jen ŝercemaj ^Marta . formacio², grego

2.

Tre multnombra amaso: nekompetenta pri tiu svarmo da ĉiutagaj detalaĵoj ^Marta ; la preĝturo pikiĝas supren, kiel ekkrio el la svarmo de multkoloraj domtegmentoj [6]; ne indas ĉi tie taksi la enhavon de la verkoj: ili estas neĝueblaj pro tiu svarmo da fuŝoj [7]; ili vojaĝas en svarmoj de multaj centoj [8]. miriado², multo, legio²

3.

(en skoltismo) Grupo da skoltetoj: kompleta grupo konsistas el: svarmo – por skoltetoj malpli ol 11 jaraj, trupo – por knaboskoltoj, 11 - 17 jaraj, bando – por roveroj, 17 ĝis 23 jaraj. [9]. lupidoj

(ntr)

1.

Movetiĝi kaj skuetiĝi ĉiuflanken pro amaseco da interpuŝiĝantaj eroj: miloj da kuloj svarmas ĉirkaŭ la malgranda tendo [10]; jen svarmas la blankaj abeloj [11]! sur placo […] svarmis multe da homoj [12]; jen […] elmontriĝis verda placeto, kie tuj eksvarmis paseroj [13]; eksvarmos la rivero per ranoj [14]; sur Nilo svarmis etaj ŝipetoj [15]; sur la ŝoseo jam svarmis la armeo kaj ĝiaj servistoj [16]; sur la tuta areno eksvarmis febra agado [17]; (figure) li eĉ kun plezuro revis pri agronomia agado, sed nun aliaj pensoj svarmis en lia kapo [18]; (figure) ĉe la fino de la malluma tunelo svarmis la lumo al mi per reĝa brilego [19].

2.

(figure) Esti tre multenombra: velurmola verdaĵo, en kiu svarmis amasego da floraĵoj [20]; levante la okulojn al la ĉielo, kie jam svarmis kaj briletis la steloj [21]; mendoj alsvarmis [22]; ŝi batalis […] forpuŝante de ĝi la svarmojn da rememoroj kaj ondon da revoj ^Marta .

Ago svarmi: zumadis […] abeloj dum svarmado [23]; tiu gaja svarmado similis al la fajreroj en la cindro de forbrulanta papero [24]; proksime de la urbo […] estis svarmado de homoj kaj bestoj [25].

(tr)

Ĉirkaŭi svarmante: [la kuloj] ĉirkaŭsvarmis la reĝon kaj pikis al li la vizaĝon kaj la manojn [26].

(x)

Amase, vigle moviĝante eniri kaj ekesplori: tineoj […] ensvarmos viajn tapiŝojn, remburaĵojn, vestaron [27]; la policanoj fine rompis la pordon kaj ensvarmis [28]; la ofendita kaj insultita publiko ensvarmis tra la antaŭa pordo, rompante meblojn kaj fenestrojn [29].

Densa amaso da abeloj ĉirkaŭ abelreĝino, en serĉo de nova nestejo: la tuta abelsvarmo brue enflugis [30].