^*opini/i ^PV

(tr)

Havi opinion, iel juĝi, pensi pri iu aŭ io, iel taksi, rigardi iun aŭ ion: mi ne volas, fratoj, ke vi ne sciu ĉi tiun misteron, por ke vi ne opiniu vin saĝaj [1]; mi opinias, ke vi havas tre ŝatindan ideon, sinjoro [2]; la jura konsilisto opiniis, ke la plej bela kaj plej feliĉa estis la tempo de la dana reĝo Johano [3]; la publiko kutimas opiniadi ĉiun atakanton bravulo kaj ĉiun atakaton kulpulo [4]; kio, kiel ili opiniis, tre bone alaspektis al ili [5]; senĉese preterflugetadis figuroj, el kiuj kelkajn, kiel ŝi opiniis, ŝi rekonis [6]; ili estis opiniataj fidindaj [7]; ĝi prezentas sin simile al tio, kiel la landoj de la 17a jarcento prezentis sin al la angla filozofo Thomas Hobbes, kiu opiniis ilin esti senbridaj, ĥaosaj, senleĝaj kaj tro perfortemaj [8]. konkludi, konvinkiĝi, kredi

Tio, kion oni supozas aŭ kredas vera pri iu aŭ io: mia opinio estas: prenu mem akvon, se vi volas trinki [9]; [li estis] invitita doni sian opinion [10]; Vi diras: Mia opinio estas ĝusta [11]; vi trovos favoron kaj bonan opinion ĉe Dio kaj homoj [12]; nun nenio helpos, oni devas nur kuraĝe resti ĉe sia opinio [13]! li ne kuraĝis eldiri sian opinion pri la propono ^Metrop ; neniu havis la rajton esprimi sian opinion, antaŭ ol la tri estos parolintaj [14]; vi neniam aŭdis, ke virino ŝanĝis sian opinion [15]? en ĉiu kranio regas aparta opinio ^PrV ; kiom da kapoj, tiom da opinioj ^PrV ; propra opinio ne estas leĝo por alia ^PrV . juĝo², vidpunkto, konkludo, konvinko, kredo

Ema al opiniado, al asertado de siaj opinioj, al disputo: [en SAT] ĝenerale la homoj estas opiniemaj [16]. partieca, subjektiva, tendenca

(ntr)

Havi malsamajn, diversajn opiniojn: mi traktos pri punktoj, pri kiuj homoj disopinias [17]; plenkreskuloj diskutas kaj malsamopinias [18]; tamen ĉiu partio disopinias pri kio estas la patrujo [19]. diferenci, disputi, malakordi, malkonsenti

Laŭ la vidpunkto de la parolanto: laŭ mia opinio ŝi estas pli feliĉa, se ŝi restas samstate [20]; ili estas, laŭ mia opinio, homoj de malforta inteligento [21]; ni nun disponas lingvon, antaŭ kiu, miaopinie, la plej konvena sinteno estas respekti ĝin ^BonaLingvo ; la intelekta mondo siatempe varme bonvenigis la filozofion de […] profesoro Hegel, kiu estas, miaopinie, la plej malfacila, preskaŭ, el ĉiuj pensosistemoj [22]; ni deziras nur krei ligantan ponton inter la gentoj, tia, laŭ mia opinio, estas la devizo de la verda standardo [23].

(ntr)

Havi saman opinion: [mia amiko] tute samopiniis kun mi [24]; ĉiuj samopiniis, ke la ekzekutado estu terura [25]; ĉu via patrino samopinias kun mi [26]? aliaj aŭtoroj samopinias kaj akcentas la similaĵojn inter la hejdelberga makzelo kaj tiu de la antropoidaj simioj [27]. akordi^1.b, harmonii, konsenti¹

Stato de personoj same opiniantaj: la ideologia debato inter komunismo kaj kapitalismo okazis surbaze de plena samopinieco pri la moderna estonteco de l' homaro [28]; estas do fakte sufiĉe da malsamopinieco inter tiuj diversaj difinoj [29]. akordo, konsento¹

Oficiala deklaro de ano de kolegio pri malkonsento kun la decido de la plimulto: unu el la juĝoj prezentis apartan opinion. ekscepcio, kontraŭdiro¹, protesto

Plimulta opinio de la socianoj, rigardata kiel atentinda politika premo: oni ne povas kontraŭbatali la supermezuran premadon de la publika opinio [30]; honoro estas tiel ŝanĝiĝema, kiel publika opinio, per kiu ĝi sin nutras [31]; la potenco de registaroj jam delonge tenas sin nur per tio, kio estas nomata ĝenerala opinio [32]; ili iom post iom aliĝis al la ĝenerala opinio [33]; la publika opinio ankoraŭ ne sufiĉe komprenas kaj subtenas la ideon [34].