¹tendenc/o

1.

Daŭra inklino al io difinita: en la cerbo de l' homo la mistika tendenco batalas kontraŭ la racia; la reformemaj tendencoj de unu partio [1]; [lia] juredukita, analizema kapo ofte fariĝis utila kontraŭpezo je tro imagemaj, fantaziemaj tendencoj, kiujn montris kelkaj [2]; la diversaj socitavoloj havas ofte la tendencon amasiĝi en apartaj kvartaloj [3]; inter la studentaro regis tiam plej noblaj tendencoj de virta vivo, diligenta laboro [4]; venkis la tendenco plej profunde radikanta: li ridis [5]; li havis iajn samseksemajn tendencojn [6]; kia ajn estu la origino de la lingvo, ĝia unua tendenco devis celi al senfina varieco [7]; tiuj tendencoj kaŝi sian personecon kreskis ĉe Zamenhof kun la jaroj [8]; unuflanke troviĝas la tendenco al universalismo kaj aliflanke la tendenco al egoisma regionismo [9]. kutimo¹, strebo

2.

Daŭra emo disvastigi iun ideon rekomendante ĝin pli aŭ malpli malkaŝe en sia verko: la poemo vekis grandan entuziasmon, ne sole pro la politika tendenco patriota [10]; reveninte Parizon li fondas la gazeton „La tribune de peuples“ kun tendenco demokrata [11]; la juĝista kaj preskriba tono de multaj eroj en PIV kaj PAG apartenas al la sama tendenco [12]. dekliniĝo², devio, influo, fluo², misio, modo

3.

Preferata direkto de iu evoluo, de statistiko ks: en la lingvoevoluo estas klare rimarkeblaj du kontraŭaj tendencoj: la tendenco al disfalo kaj la tendenco al unueco [13]; min interesas la tendenco en evoluo de nia proksimeco ^Metrop ; analizoj pri la evoluo de lingvoj rivelas, kien kondukas la naturaj tendencoj de lingvouzado [14]; financ-ĵonglistoj tutmonde jam longe antaŭe flaras estontajn tendencojn [kiuj] promesos novajn gajnojn [15]; la garantia nivelo de mineralaj riĉaĵoj al la ĉina ekonomio kaj socio ekhavos falantan tendencon [16].

Strebanta al io specifa; partieca, neneŭtrala: tendenca dramo; tendenca raporto. al ĉio aliri kun la tendenca vidpunkto ^Metrop ; regis la ideo, ke Esperanto estas en si mem politike tendenca [17]; la rakonto ne celas esti tendenca en la kutima senco de la vorto [18]; serioza pritrakto de tia temo ne bezonas tendencajn ilustraĵojn tiajn [19]; serbaj amasinformiloj […] nomis la verdikton tendenca [20]; la kvalifikon de kritiko ankaŭ ne meritas la tendencaj kaj ofte skandalemaj komentoj kaj intence misgvidaj interpretoj [21]. objektiva¹

Montri tendencon, strebi al io: la samo koncernas […] ideojn bazitajn nur sur specifaj naciaj aŭ pli vastaj regionaj konceptoj, se ili tendencas altrudiĝi kiel ĝeneralaj [22]; la lingvo, kiun ni unue akiras kiel infanoj, tendencas gvidi niajn pensojn laŭ siaj reloj [23]; la membronombro daŭre tendencas malgrandiĝi [24]; la japana politiko tendencas al kreo de du grandaj blokoj koste de pli malgrandaj partioj [25]; en medio fojfoje iom sekteca, en kiu individuoj tendencas diigi siajn elstarajn personojn [26]; esploroj montras ankaŭ, ke loĝantoj tendencas fuĝi el urboj kamparen [27].