^*inklin/a ^PV

Modere volanta kaj anime preta, altirata al io: mi ne mirus, se vi komencus disrompi spegulojn kaj vitrojn de fenestroj […] — mi estus sufiĉe inklina por tio ĉi [1]; eĉ la plej bona homo ne povas esti en ĉiu momento […] inklina por plenumado de bonaj faroj ^Marta ; ĉu vi estas inklina atenti mian konsilon [2]? Hamadan estis […] pli inklina sekvi aliajn ol konduki mem [3]; inklina al la belaj kaj noblaj aferoj [4]; inter la aŭskultantoj troviĝas personoj pli aŭ malpli inklinaj al la oratoro [5]. emafavora, libervola, prefere, volonte

(ntr)

Esti inklina, havi, senti inklinon al: ĉiam pli mi inklinas al virtuloj [6]; ekzistas ankaŭ oratoroj, kiuj, ĉu pro ekscitiĝo ĉu pro alia kaŭzo, inklinas paroli per la plej altaj tonoj de sia voĉo [7]; ekzistas du profesioj, al kiuj angla homo jam denaske inklinas: la navigado kaj la teksindustrio [8]; la funda idealismo ne tiel komplete forputris, kiel li mem inklinus pensi [9]; la franca junularo malmulte inklinis lerni la internacilingvon [10]; vulkankratero inklinas al ŝtopiĝo, estiĝas premo, kiu fine kaŭzas pli aŭ malpli spektaklan eksplodon [11]. emibonvoli, favori, preferi

1.

Modera volo kaj anima preteco, altiro al io: la popolo havas inklinon al malbono [12]; ni, sentante por vi koran inklinon, volonte tiam dividus kun vi [13]; mi certe havas la inklinon freneziĝi! [14]! terura estas via inklino al la milito [15]; mi neniam sentis inklinon sidiĝi sur randon de puto [16]; la idilia paŝtistino havas […] magnetan inklinon al la monujo de sia paŝtisto [17]; mi sentas en mia koro inklinon por vi [18]; kiam mi zorge sondas [mian koron] mi apenaŭ trovas en ĝi ian restaĵon de riproĉinda inklino [19]; deziro kaj inklino ordonon ne obeas ^PrV ; infana inklino restas ĝis la fino ^PrV . emo, instinkto, tendenco, volonteco

2.

[20] (de rekto, rilate tian ortan ununorman koordinatsistemon `(O,bb i, bb j)`, ke `bb j` ne direktas la rekton) La konstanta rilato de la diferenco de ordinatoj de du punktoj de la rekto al la diferenco de iliaj abscisoj; simb. `a=(y_2-y_1) // (x_2-x_1)`: la kartezia ekvacio de rekto kun inklino `a` estas de la tipo `y=ax+b`; la inklino egalas al la tangento de la angulo inter la abscisa akso kaj la koncerna rekto. angula koeficiento

(tr)

Igi inklina: ĉiu, kiun inklinigis lia spirito, alportis la oferdonon [21]; via orelo atente aŭskultos saĝon kaj vian koron vi inklinigos al komprenado [22]; la knabo koncerne akvon estis eĉ tia timemulo, ke estis ne eble inklinigi lin preni en somero banon ĉe la marbordo [23]; lia seka kaj komika maniero […] inklinigis lin esti malkovrita kaj pli parolema [24]; ŝi komencis inklinigi ŝin al ripozo, necesa post la sendorme pasigita nokto [25]. klini, tiri.

Iĝi inklina: mi inkliniĝas sekvi vian konsilon; ilia koro inkliniĝis al Abimeleĥ, ĉar ili diris: Li estas nia frato [26]; la prefero inkliniĝis al la tute nova lingvoprojekto Ido [27].

Sentanta naturan movon de la animo forpuŝantan de io: Omar aspektis malgaja kaj enpensa, kaj videble malinklina paroli [28]; li estis malinklina malkaŝi siajn plej internajn sentojn al iu el ili [29]; malinklina por plenumado de kompatemaj faroj ^Marta ; mi […] tute ne estas malinklina ekscii ion de la misteroj de supera mondo [30]. abomenanta, malema

(ntr)

Esti malinklina: mi malinklinis prisilenti aŭ vuali ion ajn min kulpigantan [31]; kohera, sed fakte malĝusta rezonaĵo, kiun homo senkonscie uzas por klarigi al si ion, kion li malinklinas vidi ekzakte [32]; la konservativa burokratio ankoraŭ malinklinis komplete frakasi la tutan Movadon [33].

Spontanea malemo, nedeziro: mi neniam pli sentis mian naturan malinklinon al mensogado, ol dum mi verkis la Konfesojn [34]; la juvelisto en tiu ridado videble trovis konfirmon de siaj timoj kaj malinklinoj ^Marta ; li ne povis dubi, ke ekzistas inter Lemuel kaj Zalmuna reciproka malinklino, aŭ eĉ efektiva malamikeco [35]; konsiderante tamen la rifuzon de Vinicius kiel momentan malinklinon […], li turnis sin al la sklavino [36].

Havi aman, teneran, kore bonvolan inklinon al...: tiutempe mi tiom inklinis al vi, sed vi ne akceptis mian amon [37].

Ama inklino: tiel same ni, sentante por vi koran inklinon, volonte tiam dividus kun vi [...] niajn proprajn animojn, ĉar vi fariĝis por ni tre karaj [38]; mi estus aminta la homojn spite ilin mem, nur ĉesante esti [amemaj] ili povis elŝoviĝi el mia korinklino [39].

(ntr)

Senti korinklinon, aman bonvolon al...: ili korinkliniĝis unu al la alia [40]; tiuj, al kiuj mi komplezis, korinkliniĝis al mi eĉ pli pro dankemo, ol pro intereso [41].