^*volont/e ^UV

Konsente kaj kontente, laŭ volo kaj plaĉo: mi volonte plenumis lian deziron [1]; ŝi […] volonte laboras per siaj manoj [2]; li estas viro justa […] kaj [li] aŭskultis lin volonte [3]; ili volonte ricevis lin en la ŝipon [4]; nun mi volonte mortos, vidinte vian vizaĝon, ĉar vi vivas ankoraŭ [5]; kiom multe el sia riĉeco li plej volonte fordonus, por posedi ankoraŭ siajn infanojn [6]; matene ŝi volonte restadis pli longe en la lito [7]; sata stomako ne lernas volonte ^PrV ; ju pli frue, des pli certe ― ju pli volonte, des pli lerte ^PrV . bonvoli, ema, inklina, libervola, prefere, preta

Volo agi kompleze laŭ ies deziro: kun volonteco mi faros al Vi oferdonon [8]; kie ekzistas la volonteco, ĝi estos akceptita laŭ la havo, ne laŭ la nehavo [9]; ĉiu ellernadus tiun internacian lingvon kun la plej granda volonteco kaj fervoreco [10]. preteco, komplezemo, konsentemo, obeemo, servemo

(x)

Bonvoli, esti favore humoranta por io, sin proponi por ĝi: praavo Abraham, […] – obea al la ordono de Eternulo – volontis ofermortigi sian propran fileton [11]; volontu ekspliki al mi […] [12]; mi volontas – tute volontas – demeti ĉiujn miajn ĝojojn en tiu ĉi vivo, por helpi konservi tiun ĉi Registaron [13]. inklini

(tr)

Inklinigi, taŭge humorigi iun por io.

Servi kiel volontulo, propravole kaj senrekompence: mi volontulas en antropozofia lernejo [14]; multaj irlandanoj volontulis kaj militservis en armeoj kaj sanservoj britaj [15]; du policistoj volontulis fariĝi atestantoj kaj oni plenumis ĉiujn paŝojn de la geedziga proceduro [16]; ŝi venis al Eŭropo por volontuli ĉe Universala Esperanto-Asocio [17].

Iu, kiu faras ion propravole, sen devigo aŭ rekompenco; memvolulo: volontula komsomola ripoztaglaboro ^Metrop ; taĉmento da pretorianoj, romane vestitaj, konsistanta ekskluzive el italaj soldatoj-volontuloj [18]; organizo serĉas volontulojn partopreni porinfanan tendaron [19].

Kontraŭvole, sen emo aŭ plezuro: malvolonte obei; li ankaŭ patroprenis en la milito kontraŭ la revoluciaj francoj sub Napoleono, kompreneble nur tre malvolonte, ĉar lia princo devigis lin. [20].