¹protest/i ^PV

1.

(ntr)
(komune) Akre esprimi malakcepton aŭ malkontenton pri io per kontraŭdiro aŭ nepretervidebla signo: ili ŝiris al li la haregojn, suriris ĝian dorson, […] la urso tute ne protestis [1]; kiam la faraono anoncis sian intencon eliri en la ĝardenon, ili ne protestis [2]; mi ne komprenas ĉion, kion vi al mi diras [sed] mia prudento […] protestas kontraŭ tiuj multaj neeblaĵoj ^Marta ; kontraŭ tiu ĉi mensoga, malnobla kaj kalumnia kulpigo ni protestas plej energie, ni protestas per ĉiuj fibroj de nia koro [3]! [tiuj] eble protestis kontraŭ la enkondukado de arta alfabeto ^EE ; kiam ilia prudento kontraŭ tio ĉi ekprotestis, ili devis tute defali de ĉia religio [4]; kontraŭ tio ĉi protestus la vivo mem ^EE ; mi tamen tuj forĵetis tiun formon, kontraŭ kiu protestis mia lingva sento [5]. indigni, nei, refuti, rifuzi

2.

Kontraŭdiri per formala deklaro ion, kion oni opinias nevera aŭ nejusta: iri al la magistrato kaj protesti, ke la kanajlo tiel profanas mian nomon [6]; mi esprimas proteston kontraŭ ĉia farita juĝa decido, respondis Chassié kaj forlasis triumfe la salonon de juĝo ^FK .

3.

(tr)
(evitinde) Kontesti, rifuzi³: mi pov[u]s protesti tiun riĉaĵon, ĝin redoni al ĝia vera posedanto kaj poste pafi kuglon en mian kapon ^KPr .

protestant·o

1.

Ago protesti: [ili] akceptis la verdikton sen protesto [7]; en liaj vortoj estis sentebla ia protesto kontraŭ ĉio suferita, eble longe kaŝata malamo kontraŭ la aristokrataro, kiu fine eksplodis ^IK ; provu nur diri unu vorton de protesto, li tuj sendos al vi en vian domon tutan regimenton [8]; kun energia protesto ni forĵetas tiun ĉi postulon [9]; la movado […] planas organizi denove sidprotestojn (vd blokado^2.b) sur la centra placo de la ŝtata ĉefurbo [10]; en Latinameriko, pro grandskalaj popolprotestoj (kp popolribelo, tumulto), pluraj prezidantoj rezignis pri sia posteno [11]; kontraŭ neesto ne helpas protesto ^PrV ; sendemanda ekprotesto estas ofte kulpatesto ^PrV .

2.

Laŭleĝa konstato de nepago de kambio.

(evitinde) Nekontestebla: neprotesteblaj pruvoj montras, ke […] Valentino same loĝis en tiu domo ^KPr ; Dume Piramo, ĉar li pli malfrue eliris, rimarkas | Neprotesteblajn postsignojn de besto sur sablo markitajn [12].

Rim.: Tiu uzo aperas foje ĉe francaj aŭtoroj. La vorto „nekontestebla“ esprimas pli trafe la celatan sencon.

Senprotesta tolerado, rezignado: plurlingveco estas plurproblema, sed kun toleremo kaj malprotesto […] la problemoj povas esti solvataj [13].

Publika protesto de tre multaj homoj; manifestacio: la opozicio okazigis amasprotestojn, dirante, ke la voĉdonado estis falsita [14]; klopodoj de la apartisma registaro por enkonduki la afrikansan kiel ĉiesan instrulingvon kondukis al amasprotestoj [15].

Formo de publika protesta opiniesprimo fare de unu aŭ pluraj homoj, staranta(j) ĉe objekto rilata al la protesto aŭ en publika loko, kutime kun protesta afiŝo: malkiel ĉe mitingo, dum starprotesto oni ne rajtas uzi ilojn (laŭtparolilojn k.s.) [16].