^*kaŝ/i ^PV

(tr)

1.

Forigi ion de ies okuloj (aŭ aliaj sensoj), metante ĝin en sekretan lokon, aŭ kovrante ĝin per io: la malfeliĉa infano forkuris kaj kaŝis sin en la plej proksima arbaro [1]; oni kaŝis lin for de Atalja, kaj li ne estis mortigita [2]; ili kaŝis la monon [3]; ŝi hontis siajn larmojn kaj deziris kaŝi ilin ^Marta ; [li] senbrue fermis post si la pordon, kaŝitan malantaŭ la pordokurteno ^Marta ; ŝi penis kaŝi la tremadon de sia voĉo ^Marta ; de tempo al tempo li ĵetadis kaŝitan (sekretan) rigardon en sian libron de geografio [4]; ŝi eksilentis kaj kaŝis sian vizaĝon sur la brusto de la maljuna homo [5]; fremdan vundon kaŝas vesto (ni ne scias pri la suferoj de proksimulo) ^PrV ; neĝo kaŝas nur ĝis printempo (nenio restas longe sekreta) ^PrV . kamufli, maski, vuali

2.

(figure) Malhelpi scion pri io, ne dirante aŭ ne esprimante tion: saĝa homo kaŝas scion [6]; mi decidis kaŝi por ĉiam mian nomon [7]; neniam ni kaŝis nian ideon, […] ĉar ĉiu parolis pri ĝi [8]; kaŝi estintaĵojn malmulte honorindajn [9]; mi devus por eterne kaŝi lian malhonoron, ĉar li estas mia frato [10]; saĝulo [siajn] altajn pensojn, sentojn kaj dezirojn kaŝas sur la fundo de sia koro [11]; mi ne intencas ion kaŝi antaŭ vi [12]; pli bona estas riproĉo nekaŝita, ol amo kaŝita [13]; [li] kaŝitajn donacojn akceptas [14]; tuso kaj amo ne estas kaŝeblaj ^PrV . forsilenti, sekreti¹, sufoki

Malmontre, kaŝante sin, iun agon, iun aferon: kial vi forkuris sekrete kaj kaŝe de mi [15]? [ĉar] en tia okazo vi ne povas kaŝe viziti min, vi loĝos ĉe mi [16]; Arne kaŝe rigardis lin [17]; ili kaŝe englitigis en mian malliberejon tiom da cigaroj [18]; la ŝtuparo […] estis kaŝe farita interne de la murego mem [19]; [mi] kaŝe kelkfoje kisis la nukon de Alice ^Metrop . sekrete

Loko, kie oni kaŝas sin aŭ ion: eksciu ĉiujn kaŝejojn, kie li sin kaŝas [20]; ĉiu havos en la kaverno sian kaŝejon [21]; kiam oni ekbruligis lampon, oni metas ĝin ne en kaŝejon […] sed sur la lampingon, por ke la enirantoj povu vidi la lumon (t.e. oni montru sian kredon, sian enlumiĝon) [22]; eltreni uron el ĝia kaŝejo [23]; kiom da fojoj li vizitis la solecajn kaŝejojn inter rokoj kaj arbegoj [24]. embuskejo, rifuĝejo

Havanta inklinon por kaŝi siajn pensojn; sekretema: ŝi devis esti pli forta, pli kaŝema, pli sindetenema ^Marta ; montru al mi […] homon ― miraklon, kiu ne konas ŝajnigon, kaŝemon, koketecon, flatemon [25]! kaŝemulo, ci ne diris al mi, ke cia edzino estas graveda [26]! amindumadis lin kvazaŭ kaŝeme la sinjorinoj, kaj li, ankaŭ kaŝeme, malestimadis ilin [27]; liaj rigardoj kaŝeme serĉas iun signon de sekreta interkompreno en la okuloj de la knabinoj [28]; tie kaj tie grupetoj da junuloj kaŝeme nestas post arbetoj [29]; Joĉjo havis karakteron kaŝeman kaj li ĝenerale nevolonte lasis scii iun pri siaj sekretoj [30].

Objekto, malantaŭ kiu oni kaŝas sin aŭ ion: ŝlosiltruo [kun] klapeto (la tiel nomata kaŝilo) [31]; la lingvo estis denuncita kiel „kaŝilo de nepermesita propagando de politikaj ideoj“ [32]. ekrano, kamuflilo, kovrilo, masko, preteksto

(tr)

Kaŝi en si: la titolo enkaŝas iomete da mistero [33]; mi ĵetis min […] en tiun putrantan sukon de la internaj hororaĵoj […], kiajn tiuj pestaj abismoj povus enkaŝi ^Sol .

1.

(figure) Ne kovranta la proprajn pensojn, agojn kaj sentojn; ne retenanta sekretojn: ŝi faris al sia edzo pri lia estinta vivo tre malkaŝan kaj tre klaran demandon, al kiu li respondis sen embaraso [34]; ŝi rigardis lin kun dolĉa rideto kaj malkaŝa admiro [35]; [li] montris malkaŝan surprizon [36]; kio devigis ŝin peni akiri la malkaŝan konfeson de Bazarov, […] ĉu ŝi ne suspektis ion [37]? [ŝi] rigardis la alveninton kun preskaŭ malkaŝa malplezuro [38]; la ĉefpastroj ne kuraĝos ofendi la direktoron per malkaŝa atako kontraŭ lin [39]; ni publikigas niajn dogmojn por tio, ke ili povu servi al ni kiel malkaŝa standardo kaj por ke […] ni ne devu sur ĉiu paŝo donadi senfinajn klarigojn [40]. sinceraruza, trompafidinda, honesta¹, lojala, malfermita³

2.

Malkaŝita, diskonigita: kiam ŝia malĉastado kaj ŝia hontindeco fariĝis tro malkaŝa, [mi] tediĝis de ŝi [41]. fama

(tr)

Diskonigi, klare sciigi kaŝitaĵon: ŝi malkaŝos ilian perfidon [42]; Johano forprenis la fojnon por malkaŝi la kamaradon [43]; oni ne ĉion povis malkaŝi al mi, kaj el tiu malmulto, kiun mi scias, vi ekscios nur malmulte [44]; sian intencon Li malkaŝas al la piuloj [45]; kiu malkaŝas sekreton, tiu estas kiel kalumnianto [46]; lia fratino el kompato jam longe iom post iom malkaŝis al li la veron ^BdV ; Selma […] malkaŝis siajn monajn manipulojn [47]; la tempo ĉiam malkaŝas la veron ^PrV . aperigi, malkovri, manifesti, montri, publikigi, revelacii, senmaskigi

Ago malkaŝi: min teruras tiuj malkaŝoj, kies cinikismon ci ne ŝajnas konjekti [48]; en ŝia pala vizaĝo batalis decidemo kaj maltrankvilo pro la malkaŝo, kiun ŝi volis fari [49]; malkaŝo de Via vorto klerigas [50]; la predikado de Jesuo Kristo [estas] malkaŝo de la mistero, silentigita tra eternaj tempoj [51]. revelacio

Infana ludo, en kiu unu ludanto serĉas aliajn, kaŝiĝintajn ludantojn: [ili] kaŝludis en mallumaj lokoj [52]; la suno brilis kaŝlude malantaŭ branĉoj kaj trunkoj, oblikvaj radifaskoj penetris sub la arbokronojn [53]; la celo de niaj deziroj […] ludas kaŝludon kun ni [54].