^*mask/o ^PV

1.

Arta vizaĝo per kiu oni kovras la vizaĝon en teatra rolo, de mortinto, por fariĝi nerekonebla...: [mi] ekvidis gracian virinan figuron en nigra domeno kun nigra masko antaŭ la vizaĝo [1]; sur la kapo li havis teruran maskon kaj frizitan flavruĝan perukon [2]; Alfieri, ornamita per laŭroj, liro kaj maskoj [3]; oni riĉe vestis la reĝajn restaĵojn, metis oran maskon sur la vizaĝon [4]; purpuraj lipoj […] vidiĝis inter la puntoj de la masko [5]; estis amuzante vidi la malgrandajn demonetojn kiuj, vestitaj en fantaziaj multkoloraj vestaĵoj kaj kun grandaj ruĝaj aŭ bluaj maskoj, svingis sin unu kun la alia [6].

2.

Vizaĝoŝirmilo, ofte kun spirilo, uzata en speciala medio: sub akvo, en varmego, en asepsa operaciejo: oksigena masko [7]; [por] prepari la loĝantaron kontraŭ la epidemio, [ili] rekomendis, ke ĉiu sviso akiru 50 higienajn maskojn [8]; 43 % de la japanoj suferas pro polenalergio, […] por defendi sin, multaj surportas maskojn, eĉ naĝ-okulvitrojn [9].

3.

(figure) Trompa ŝajno: la masko de hipokritulo [10]; for do tiun ŝarĝan maskon de kvieteco kaj virto [11]! la plej bona masko por la kronprinco antaŭ la suspektemaj altranguloj estis la moviĝemo de lia karaktero [12]; sub la masko de poeto sidas aĉa komedianto [13]; supermezure troigi la gloron de siaj patrioj sub la masko de scienca priskribo [14]; la ideo devi surhavi maskon de normaleco promesis streĉon ne aparte agrablan [15]. mantelo^1.b, preteksto, vualo²

(tr)

1.

Kaŝi per masko: virino […] alta kaj forta, kvazaŭ ŝi estus maskita viro, sidis ĉe la fajro [16]; Sur la postaĵo larĝan truon ⫽ Vi honte maskis per ĉapel' [17]! fumo pika kaj densa duone maskis la flamojn [18]; ora kadreto de la haroj maskas la difektojn ^Metrop .

2.

(figure) Kaŝi per trompa ŝajno: maski la veron; submetiĝo nur ŝajna […] maskis la mastron jam pretan por postuli [19]; litoton oni precipe uzas por maski modestecon [20]; neniel maskita plezuro [21]; maskitaj paroloj [22].

kovri², vuali

Masko², spiraparato kiu kovras la nazon, la buŝon eventuale la tutan vizaĝon, kaj filtras malbonan aeron: oni portas eĉ gasmaskon [23]; Margarita rigardis internen kaj vidis viron, kiu en la paniko estis surmetinta gasmaskon [24]; ili […] revenis en tendaron kun manoj plenaj de gasmaskoj kaj grenadoj [25]

(tr)

1.

Demeti maskon de iu.

2.

(figure) Montri la veran karakteron de iu aŭ io: mi senmaskigis […] vian plej danĝeran kontraŭulon […] – la kredemon [26]; la tuta blufo estus senmaskigita [27]; la Moskvaj komunistaj esperantistoj entreprenis nenion por senmaskigi la intrigon [28].