^*fervor/o ^UV

[fervor.0o.PSI]

Diligenta agemo, ardo por iu aŭ io: fervoro pri Via domo min konsumis [1]; kun granda fervoro li laboris por la ideo de lingvo internacia [2]; [ili] en tro granda sed ne prudenta fervoro faris ian falsan paŝon kaj ridindigis [la…] tutan aferon [3]; sankta fervoro [4]; blinda fervoro [5]; ĵetataj en la kirlon de senbrida fervoro [6]; kiel aranĝi tiamaniere, ke la estraro vidu mian fervoron [7]? per pacienco kaj fervoro sukcesas ĉiu laboro ^PrV . ekzalteco, entuziasmo, fajro², febro², flamo², pasio, varmego², vervo, vigleco

(ntr)

[fervor.0i.PSI]

Esti fervora: tro fervori ofte estas danĝere [8]; mi ĉiam estas preta fervori en servado al la patrujo [9]; Zamenhof fervoris por muziko, li ludis fortepianon, kaj li ŝatis kanti [10]; nek lingvistoj nek politikistoj fervoris identigi la nunan Esperanton kun la estonta mondlingvo [11]; Karlo fervoris ĉirkaŭ li kun profesia komplezemo [12]; senĉese vi ion strebas, klopodas, aktivas kaj fervoras, dum ĉia ĉi via penado celas nenien [13]. ardi ⁴, boli ³, bruli ⁴.

[fervor.0a.PSI]

Varmege, pasie diligenta: la Levidoj estis pli fervoraj en la sinsanktigado, ol la pastroj [14]; en la postuloj ili estis tre fervoraj kaj postuladis la plej delikatan silkon [15]; komenciĝis fervora demandado [16]; vi ŝajnas senti al via parenco tre fervoran amemon [17]; la plej fervoraj partianoj komencis lin malŝati [18]; eĉ la plej fervoraj Volapukistoj nature timis, ke morgaŭ aperos nova lingvo [19]. entuziasma, ĝisosta

(tr)

[fervor.0igi.PSI]

Fari iun fervora: kapabla fervorigi homojn al kunlaboro [20]. entuziasmigi

[fervor.0ulo.PSI]

Pasia kaj diligenta aganto por iu afero: ili ĉiuj estas fervoruloj por la leĝo [21]; dekkelke da junaj fervoruloj kure eskortis lian veturilon, jen superŝutante lin per laŭdoj [22]; Omar […] estas unu el la plej danĝeraj fervoruloj [23]; mia granda filo […] estas fervorulo, kiel pri elektroniko, tiel ankaŭ pri spionromanoj [24]; [la sukceso] rezultis el la konstanta laborado de multaj fervoruloj [25]. adepto, entuziasmulo, fanatikulo, fano, zeloto

[fervor.mal0a.PSI]

Malhavanta fervoron, senpasia, indiferenta: ili rigardadis indiferente, rigardadis per malfervoraj kaprinokuloj [26]; tion pruvis ŝia malfervoro al la edziniĝo kun Gastono [27]; tiu malfervora akcepto tre surprizis kaj konfuzis Zalmunan [28]. apatia, malema, malinklina