^*esting/i

(tr)

1.

Ĉesigi bruladon: estingi brulegon [1]; [ili] paŝis en la fajron, disĵetis la karbojn kaj volis estingi ĝin [2]; la sklavoj komencis rapide estingi la torĉojn [3]; Paŭlo estingis sian cigaredon [4]; la vento estingis la alumeton [5]; ni estingis la skoriojn per akvo, kiun mi prenis el la ligna kuvo [6]; la incendion estingis la fajrobrigado [7]; ne estingu la fajron, kiu vin ne bruligas ^PrV .

2.

Ĉesigi lumadon: kiam la muzikistoj finis, ili estingis la lumon kaj serĉis lokon por la dormo [8]; [ili] estingis la lucernojn [9]; la suno ankoraŭ ne estingis la aŭrorostelon [10]. malŝalti

3.

(figure) Ĉesigi kaj kvietigi la ardon aŭ eksciton: la soifon li estingas per eksterlandaj vinoj [11]; kiom da fojoj ekflamis en li kolero kontraŭ ĉi tiuj homoj, tiom da fojoj estingis ĝin la sento de l' honto [12]; li paciĝis […] kaj en la propra koro estingis la malnovan malkonfidon al ili [13]; ŝi kokete logas sian edzon, por ke li estingu ŝiajn dezirojn [14]; per volstreĉo ŝi provis estingi la tremon de siaj genuoj [15]; ili volas estingi al ili malagrablan debaton [16]; mi ne volus blovi sur vian entuziasmon por ĝin estingi [17]. dronigi, malfortigi, trankviligi

4.

(figure) Ĉesigi, malaperigi: la malliberejo kaj la malsano estingis parte ŝian belecon [18]; estingi […] prudenton per sensencaj galimatioj [19]; la Unua Mondmilito estingis preskaŭ ĉiun agadon [20]; kiu ŝuldojn estingas (kp amortizi, repagi), riĉecon atingas ^PrV ; fajron estingas akvo, pekon pardono ^PrV . ekstermi, forigi, neniigi, sufoki

(ntr)

Ĉesi bruli, ardi, lumi; iom post iom malaktivi, malaperi: la fajro sur la altaro restu brulanta sur ĝi kaj ne estingiĝu [21]; ĉu la kandelo estis estingita, aŭ ĝi estingiĝis mem [22]? ŝia voĉo estingiĝis [23]; tie supre estingiĝis la ruĝaj koloroj, dum la suno iom post iom malaperis [24]; ekflamas kaj tuj estingiĝas ruĝaj signalaj fajroj de aŭtomobiloj ^Metrop ; lia revado estingiĝis ĉe la brilo de nova […] pasio [25]; li malgrasiĝis kaj kliniĝis, la brilo de la okuloj estingiĝis [26]; kun mi la Prelonga familio estingiĝos: mi estos la lasta idino [27]; ĉiutage estingiĝis tie multe da homaj vivoj per batalado politika [28]. elvaporiĝi, foriĝi, forviŝiĝi, morti, neniiĝi, pasi, velki

(arkaismo)

Fajrobrigadisto: fajroestingistoj sukcesis savi nur la apude starantan lignan sonorilejon [29].

Rimedo por estingi fajron, ordinare ujo de fajrestinga substanco kun ŝprucilo: mankis indikiloj kien fuĝi okaze de danĝero, ankaŭ ne funkciis fajro-estingilo [30]; sonaj ondoj [kun] frekvenco inter 30 kaj 60 hercoj […] povus esti en hejmaj kuirejoj […] efika kaj pura alternativo por estingiloj, kiuj ofte uzas toksajn kemiajn ŝaŭmojn [31]; abao servas [foje eĉ] kiel fajr-estingilo [32].