^*salt/i ^UV

(ntr)

1.

Rapide sin levi tutkorpe de tero per puŝo de kruroj (aŭ vosto) kaj refali sur saman lokon aŭ pli malproksimen: salti kiel bovidino sur herbo [1]; subite la ĉevaloj saltis flanken, la glitveturilo haltis [2]; hundeto […] saltis sur la tablon kaj komencis saltadi antaŭ la malgranda knabo [3]; [li] prenis la malgrandan knabon sur la genuojn [sed tiu] saltis malsupren sur la plankon kaj komencis danci [4]; Rozulino ekkriis kaj saltis posten [5]; sur la vojo saltadis [...] infanoj [6]; la fiŝoj saltis super la akvon de la torento [7]; birdoj saltadis de branĉo sur branĉon [8]; pulo, akrido kaj cerambiko volis iam vidi, kiu el ili povas salti plej alte [9]; kiu tro rapide saltas, tiu baldaŭ haltas ^PrV ; salte leviĝi de la kanapo [10]; saltleviĝi [11]. hopidanci

2.

Rapide sin movi per unu aŭ pluraj tiaj movoj; kuregi: el la apoteko li saltis rekte en la veturilon [12]; ŝi laŭte ekkriis […] kaj ŝi saltis en iliajn brakojn [13]; la hundo, ne tenata [plu] saltis en la teatron [14]; la knaboj devis salti en la domon kaj alporti ovon [15]. transkuri¹

3.

(io) Rapide moviĝi diversflanken: la ondoj saltis furioze sur la krutaĵon [16]; en malproksimo li vidis ŝipojn, kiuj […] saltis kaj dancis sur la ondoj [17]; ŝia mantelo saltadis en la aero kiel granda velo de ŝipo [18] saltanta lumo [de fajro] faladis sur la mallumajn foliojn ^BdV ; fajreroj saltas ĉirkaŭen [19], ili saltas kiel pufmaizo [20]. ruliĝi

4.

(figure) Rapide senpere pasi de iu afero al neproksima alia, de unu stato al distanca alia sen interpaŝoj: oni saltas de unu penso al alia pli bela ^Rabistoj ; plenajn paĝojn kun nur teksto legantoj kutime transsaltas [21]; post la 90aj jaroj saltis la nombro de sinmortigoj, certe pro ekonomiaj problemoj [22]; la komputila erao signifas por la homaro similan salton, kian havis la kombino de transportevoluo kaj la invento de la vapormaŝino [23]; akcioj de ĉiaj tiuspecaj entreprenoj antaŭ kelka tempo saltegis supren, sed ĝuste nun ili falegas [24]. abrupta, drasta, subita

Ago salti: sin prepari por salto [25]; Aleĉjo per kelke da saltoj transpasis la ŝtuparon ^Marta ; pro raviteco li faris transkapiĝan salton [26]; la ĉevalo ektrotis rapide, post kelkaj saltoj deĵetis sian rajdanton en foson [27]; la paŝo estas tiel facila, […] kiel la salto de publikulino al bigotulino [28]; estas mirinde, kiajn pensajn saltojn oni povas fari [29]; ne diru hop antaŭ la salto ^PrV . saltomortalo

Deklivo finiĝanta per ramplo de kies fino oni saltas per skioj, neĝtasbulo, biciklo k.a.: neskiantoj dimanĉe vizitis lagon Štrbské kun ties skicentro kaj saltejoj [30]; ni iris tra Zakopane kaj eĉ vizitis la saltejo[n…], sed nia semajno tie estis preskaŭ tute senneĝa [31]; (figure) TEJO estas saltejo al la Internacia Esperanto-socio [32].

(ntr)

Salti de io, de ie: [ŝi] desaltis de la kamelo [33]; [li] transrampis la muron, desaltis sur la dua flanko ^BdV ; li kuris tiel rapide, ke unu pantoflo desaltis [34]; subite desaltis la kovrilo de la flartabakujo [35]. forlasi

(ntr)

(io) Rapide disrompiĝi: kelkaj fenestrovitroj dissaltis [36]; [tio] deĉenigis eksplodon, kiu dissaltigis la supran protektoplaton [37]; dissaltos la obstinaj baroj [inter la popoloj] [38]; dissaltis eternaj montoj [39]. frakasiĝi, krevi

(ntr)

Subite salti: eksalti de ĝojo [40]; eksalti de surprizo [41]; jen sur la neĝo […] eksaltis granda korniko, kiu jam antaŭe tie sidis [42]; ŝi, tremante de malvarmo, eksalte leviĝis [43]; la infaneto eksaltis en ŝia ventro [44]; la lamulo eksaltos kiel cervo [45]; hoko eksaltis, afero haltis ^PrV ; muelejo haltas, muelisto eksaltas ^PrV .

(ntr)

Subite kaj rapide eliri aŭ eliĝi: Niko elsaltis tra la pordo [46]; li elsaltis el la lito [47]; fiŝoj kun arĝentaj kaj oraj skvamoj […] elsaltis super la akvon [48]; la korko brue elsaltis [49]; se elsaltas la okazo, ĝi rompiĝas kiel vazo ^PrV ; kio el la dentoj elsaltas, en la lipoj ne haltas ^PrV ; (figure) vizitantoj preskaŭ elsaltas el sia haŭto, kiam ni faras tiun bruon ^KKl . eliri, forlasi

(tr)

Salti al la interno de...: tra la fenestro […] ensaltis malbela bufo [50]; la homoj ensaltis en la boaton [51]; plaŭ! ŝi ensaltis en la akvon [52]; ekkonu antaŭe la profundecon de la abismo, antaŭ ol vi ensaltas en ĝin [53]! tiu viro, kiu ensaltis la kanalon por savi infanon, ne unue demandis sin, al kies familio ŝi apartenas [54].

(ntr)

Rapide fuĝi: hu!, li ekkriis kaj forsaltis [55]; la leono nur unu fojon ekblekis, kaj ĉiuj forsaltis [56]; laboro ne estas leporo ‐ ĝi haltos, ne forsaltos ^PrV ; (figure) metu kelkan ordon en vian paroladon kaj ne forsaltu (rapide deviu) de mia komisio ^Hamlet .

(ntr)

Salti aŭ esti rapide resendita de iu loko al alia: bastono batas, bastono resaltas ^PrV ; la sago ĉi tiun fojon ekbatis la akvon kaj resaltinte kelke da fojoj de ĝia supraĵo, malaperis [57]; (figure) la potenca metala sono trakuris la kortojn, resaltis de la dikaj muroj de l' templo kaj forflugis [58]; mi estas nur la centra punkto, en kiu kolektiĝas ĉiuj gratuloj por resalti de tie al ĉiuj flankoj de la mondo [59]. reflektiĝi, repuŝiĝi

(tr)

Transpasi saltante: mi transsaltas muron [60]; mi punos […] ĉiujn, kiuj transsaltas la sojlon [61]; la grandaj nigraj okuloj de la knabineto transsaltadis jen sur la lumitan profundon de la kameno, jen sur la pecon da pano ^Marta ; nu, la sekvantan tagon ni povas transsalti (preterlasi) [62]; transsalte senhalte (nur pasante) ^PrV .