perturb/o ^PVEF

(tr)

Kaŭzi malordon, malbonan funkciadon: li ilin insultis kaj kriaĉe perturbis la kunvenon [1]; la morto de ŝia ĉefo ŝin profunde perturbis [2]; la abundeco de la lasta vespermanĝo tute perturbis lian intestaron kaj vekas lin meze de la nokto [3]; ili zorge atentis, ke neniu perturbu la bonan interrilaton [4]; neniu pli perturbas la pacon, neniu pli molestas la homojn […] ol la polico [5]; kiel eblas ke Vin, Giganton de la Penso, tiom perturbas la artikoletoj kaj misrecenzoj de memproklamita goljato [6]? la parfuma odoro de lia haŭto iom perturbis min [7]; fia vermo Sasser penetris en mian komputilon, perturbis ĉion kaj kaŭzis damaĝojn, tiel ke dum multaj tagoj mi ne povis normale uzi ĝin [8]. disturbiembarasi, ĝeni, iriti², konfuzi, malekvilibrigi, malfunkciigi, malhelpi, maloportuni, maltrankviligi

Misfunkciado pro ia malordo: la militajn perturbojn sekvis en 1922 periodo de vigla aktivado por Esperanto [9]; lia ĵusa diro kaŭzis perturbon en reto de rilatoj [10].

a)

Malordo en maŝino, sistemo: dum jardekoj oni profitas de bone sekurigita elektra reto, kiu apenaŭ konis perturbojn [11]. incidento, paneo

b)

Malordo en la homa korpo pro malbona funkcio de iu organo: alergiajn perturbojn kaŭzas al ŝi laktuko, cepoj kaj multaj aliaj legomoj [12]; subite la skribo fariĝis malregula, ateste pri fortega psika perturbo [13]; dupolusa perturbo [14]; aflatoksino […] kaŭzas hepatajn malsanojn, digestajn perturbojn [15]. anoreksio, dispepsio, fobio¹, neŭrozo, psikozo

c)

Anima ĝeno, malagrablaĵo pro iu penso aŭ imago: liaj esprimoj estas ĝuste kalkulataj por veki en mi perturbon [16]; sub ĉio estis sento de perturbo: estis ia malagrablaĵo, kiun mi ne volis pripensi [17]. afekcio

Havi perturbojn: mi perturbiĝis, konsiderante la danĝeron [18]; [tiel] la normala monkonsumo en ĉiu tereno perturbiĝus [19]; civitanoj tra la unio neniel perturbiĝos, se la kverelemaj, postulemaj britoj retiriĝos [20]; mi komencas forgesi aferojn, kiujn mi malkovris aŭ lernis antaŭ multaj jaroj, [sed] mi rifuzas tro perturbiĝi [21].