^*membr/o ^UV

1.

Ĉiu el la moveblaj pecoj de la korpo ― krom kapo ― kunigitaj kun la trunko per artiko: la superaj (brakoj) kaj malsuperaj (kruroj) membroj de homo; ŝafon, kiu havas tro longajn aŭ tro mallongajn membrojn, vi povas alporti kiel oferon [1]; la pupo […] povis mem movadi ĉiujn siajn membrojn, oni tute ne bezonis plu tiri la ŝnuron [2]; du belegaj virinaj bildoj! la belajn ne vualitajn membrojn ili etendis sur la molaj kusenoj [3]; malbonegan veteron de ekstere li longan tempon antaŭe sentis en siaj membroj [4].

2.

Ĉiu movebla parto de korpo, krom kapo: kiu havas dispremitajn testikojn aŭ detranĉitan seksan membron, tiu ne povas eniri en la komunumon de la Eternulo [5]; ni havas multajn membrojn en unu korpo, kaj ne ĉiuj membroj havas la saman funkcion [6]; la lango estas malgranda membro, kaj fanfaronas grandaĵojn [7].

3.

(figure) Ano de societo, partio, familio kc: ĉiuj membroj de tiu familio havis akrajn orelojn, ili aŭdis ĉiun vorton [8]; la princo estis […] membro de la plej alta aristokrataro [9]; la faraono aŭskultis la opiniojn de la membroj de la privata konsilantaro [10]; la membroj de la kunveno konsentis [11]; verda eksmembro de la Eŭropa Parlamento [12].

4.

(figure) Aparta difinita ero de tutaĵo: membro de frazo, frazmembro;

5.

[13] (de egalaĵo, neegalaĵo aŭ ekvacio) Ĉiu el la du esprimoj, situantaj ambaŭflanke de la signo de egaleco aŭ neegaleco: ŝovu la konstantan termon de la unua membro de la ekvacio al la dua, ŝanĝinte ties signon; dividi ambaŭ membrojn de la neegalaĵo per la nekonato. termo

Rim.: Kvankam tiu tre fakeca termino troviĝas ankaŭ en modernaj fontoj kiel [14], ne estus absurde preferi la pli ordinaran kaj klaran flankon.

Esti membro en io; aparteni³ al iu grupo: li membris kaj aktivis en la dekstrega Progresa Partio, sed mem eksiĝis [poste], ĉar li trovis ĝin tro modera [15]; en tiu ĉi epoko ekzistis piedpilka teamo kies nomo est[i]s Esperanto F.C., en kiu membris studentoj de Universitato de Ĉilio [16].

Aliĝi al iu organizaĵo kiel membro³: membriĝi en Eŭropa Unio [17]; homoj maldekstremaj preferis membriĝi en SAT anstataŭ en aliaj Esperanto-asocioj [18]; ŝi bedaŭrinde ne volas membriĝi en nia nove fondita junulara Esperanto-grupo [19]; se la ekssovetiaj respublikoj kaj satelitaj landoj sukcesos membriĝi en NATO, ili eble konstatos, ke ili liberiĝis de unu hegemonio sed subiĝis al alia [20].

Dividi laŭ difinitaj partoj: dismembrigi beston, frazon, vorton; mi aranĝis plenan dismembrigon de la ideoj en memstarajn vortojn ^FK ; per tiu dismembrigo de la lingvoelementoj Zamenhof donis al nova lingvo karakteron aglutinan [21]; la dismembrigo de Ĉeĥoslovakio kaj la posta invado de tiu lando fare de nazia Germanio ĉesigis […] gravan atingon en la sfero de perradia teatro [22]; la kvar damaĝitaj reaktoroj estas plu malvarmigataj, sed ilia dismembrigo ankoraŭ ne komenciĝis [23].