^*aparten/i

(ntr)

1.

Esti ies propraĵo aŭ posedaĵo: la domo apartenas al li ― li estas mia onklo [1]; la gratuloj apartenas (estas merititaj de) […] al la tuta batalantaro [2]; (figure) la estonteco apartenas al ni [3]; (figure) jam la morgaŭ ne apartenis al ŝi ^Marta ; eĉ […] rimenon de ŝuo mi ne prenos el ĉio, kio apartenas al vi [4]; ĉiu lando apartenas ne al tiu aŭ alia gento, sed plene egalrajte al ĉiuj ĝiaj loĝantoj [5]; el tiuj nomoj unu apartenis al persono, kiun ŝi iam konis ^Marta ; vorto dirita al la mondo apartenas kaj neniam revenas ^PrV ; al ĉiu konvenas, kio al li apartenas ^PrV . disponi¹, havi², posedi, proprieti

2.

Esti afero de iu, dependi de: tiuj ĉi demandoj apartenas […] ekskluzive al la Lingva Komitato [6]; ni neniam devas paroli en niaj kongresoj pri aferoj speciale politikaj, kiuj apartenas al la diplomatoj, aŭ pri aferoj speciale religiaj, kiuj apartenas al la ekleziuloj kaj filozofoj [7]; pardonu la knabon, kiu volis sin enmiksi en viajn aferojn, — nur al vi apartenas la venĝo [8]; ni kvar estas ligitaj multaj agrablaj rememoroj […], sed tio ne apartenas tien ĉi [9]; ĉio, kio kondukas al rompado de la muroj inter la gentoj, apartenas al nia kongreso [10]. koncerni, tuŝi³

3.

Esti parto de io, iu el...: [tiu] sinjoro […] apartenas al la plej varmaj amikoj de ni [11]; jes, ĝi estas eraro, sed ĝi devas resti netuŝebla, ĉar ĝi apartenas al la fundamenta dokumento, en kiu neniu havas la rajton fari ian ŝanĝon [12]; ĉio, kio estas kontraŭ tiu ĉi libro, devas esti rigardata kiel malbona, se ĝi eĉ apartenus al la plumo de la aŭtoro de Esperanto mem [13]; al tiaj ideoj apartenas ankaŭ la ideo de enkonduko de komuna lingvo por la komunikiĝoj inter diversaj popoloj [14]; ankaŭ mia patro apartenas al la estraro [15]; la simptomoj, kiujn ci priskribis, ne apartenas al nekuracebla malsano [16]; ŝi troviĝis en kuirejo, kiu apartenis al vasta kaj bonhava loĝejo ^Marta ; vi apartenas al la personoj, kiuj ne penas konscii siajn proprajn agojn ^Marta . aliĝi, membri, partopreni

4.

[17] (al aro) Esti elemento de ĝi: la nombro `2` apartenas al la aro de entjeroj; la fakton, ke elemento `a` apartenas al aro `bb E`, oni signas per `a in bb E` (legu: a apartenas al e, aŭ: a (estas) en e), aŭ per `bb E ∋ a` (legu: e enhavas a), ĝian malon per `a notin bb E`. enhavi

Ago, stato aparteni al io: lingvo […] plifortigas la senton de aparteno al la grupo [18]; devas malaperi ĉiuj privilegioj, bazitaj sur rasa, nacia, lingva aŭ religia apartenoj [19]; li malestime kapmontras mian jungŝturman bluzon, – […] ĝi estas kontraŭleĝa vesto, vi demonstras per ĝi apartenon al la krima organizaĵo ^Metrop .

Propraĵo, posedaĵo, dependaĵo: tio, kion oni prenis por natura leĝo de ĉiuj lingvoj, estas nur okaza apartenaĵo de kelkaj lingvoj [20]; nun li estas apartenaĵo de sinjoro vermo, sendenta kaj batata sur la vangojn per la fosilo de tombisto ^Hamlet ; du kozakoj portis la duone senkonscian virinon, alia prenis ŝian apartenaĵon ^VojaĝImp ; la scienco kaj arto […] ĝis antaŭ nelonge estis apartenaĵo de fermitaj rondoj ^Ret . havaĵo, posedaĵo, propraĵo, proprietaĵo