¹fenomen/o

1.

Perceptebla per la sentumoj apero; natura okazo: ni kunmetas la kalendaron kaj antaŭkalkulas la estontajn fenomenojn sur la ĉielo [1]; montriĝis la Fatamorgano, tiu belega aera fenomeno de la dezertoj, kun ŝvebantaj ĝardenoj kaj naĝantaj arbaroj [2]; ĉiu, por klarigi la fenomenon, elpensis sian teorion [3]; oni klarigas tiaspecajn aerajn fenomenojn per norda lumo, […] kredeble ili naskiĝas per la elektra forto [4]; por bone kompreni la fenomenojn en la naturo kaj en la socio, oni devas rigardi ilin ne kiel senmovajn statojn, sed kiel evoluprocezojn [5]. procezo¹

2.

(figure) Malofta, eksterordinara, stranga afero³: jen la arbetaĵo brulas en la fajro, kaj tamen la arbetaĵo ne forbrulas […] mi iros kaj rigardos tiun grandan fenomenon [6]; apud la piramido Koĥom oni rimarkis miraklajn fenomenojn [7]; mistera murmureto eksonis kaj la lumo ekbrilis, la fenomeno daŭris tri sekundojn [8]; ŝi estas […] fenomeno de la plej alta moraleco [9]. evento, monstro², miraklo, mistero, sensacio, strangaĵo

Malofta, stranga, eksterordinara: jen mi staras kun miaj fenomenaj kapabloj [10]! fenomena spektaĵo [11]; samtempuloj aprezis ankaŭ la fenomenan memorkapablon de sia reganto [12]. fantasta, mirinda, nekredebla, originala³, rara², unika²