rar/a

1.

Altvalora pro sia malabundo: plej rara poŝtmarko [1]; li posedis la raran econ ne sentigi al subulo lian subecon ^KrM ; vasta lando kun almenaŭ 25 urboj kaj raraj belaĵoj [2]; ĝi estas plisita per rara maŝino, kiu helpas la laboriston dum la plenumo de tiu malfacila tasko [3]; la ekzistanta manĉura estas rigardata de la fakuloj kiel rara primara materialo por esploro, vivanta fosilio [4].

2.

Malofte trovebla: li sidas en rulseĝo hodiaŭ; povas mem iri, sed devas ne tro vigli pro iu rara sindromo [5]; la traduko ne uzas neologismojn, kaj obskuraj vortoj raras [6].

eksterordinara, sporada, unika

Malofte, malabunde: rare emas kune kreski en unu persono […] kapablo facile lerni, memori, esti lerta, rapide reagi ^Rsp ; „ĉu vi trinkas alkoholon?“ – „tre rare“ [7]; la rare bela „Banejo de Mirzo“, konstruita de Ulugbek, funkciis dum pli ol 500 jaroj [8]. apenaŭ, escepte

Valoraĵo malabunda, malfacile akirebla aŭ trovebla: ambaŭ poŝtmarkoj jam elĉerpiĝis kaj iĝis raraĵoj intertempe [9]; jes, tio estas raregaĵo, la obstetriko mencias nur sep aŭ ok tiajn kazojn de vira gravedeco ^KrB ; la biblioteko enhavas 30 000 raraĵojn el entute 300 000 posedataj libroj [10]; antaŭ nur 10 - 15 jaroj tiaspeca literaturo estis raraĵo en la rusa [11]. unikaĵo