procez/o ^PV

1.

Natura sinsekvo de fenomenoj disvolviĝanta sen ago de ekstera forto kaj konsiderata en sia tuteco, en sia iompostioma progresado kaj en siaj rezultoj: la procezo de diferenciĝo devis komenciĝi [1]; inversaj procezoj [2]; unueciga procezo [3]; mensa procezo [4]; digesta procezo [5]; pruvojn de la kompara anatomio kaj de la antropologio pri la origino de la homo kaj pri la evolucia procezo de homiĝo konfirmas la embriologio [6]; la reprodukta procezo de la specio [7]; tiaj procezoj estas asimilo, elizio, sinerezo, vokalharmonio [8]. proceso (arĥ.)

2.

Sinsekvo da antaŭplanitaj okazoj, dependa de objekto aŭ fenomeno, kaj realiĝanta en determinitaj kondiĉoj: enketo ĉiam konsistas el la sama procezo: oni malkovras vojon, ĝin eniras espere, kaj subite troviĝas antaŭ muro [9]; el la tuta loĝantaro, per ia elimina procezo montriĝas, ke nur 100 personoj respondas al ĉiuj kriterioj [10]; la procezo de monerstampado devas komenciĝi minimume 18 monatojn antaŭ ĝia enkonduko [11]; post la kvalit-procezo necesas kontroli, ĉu restis signifa kvanto […] por liveri [12]. procedo

3.

Sinsekvo da operacioj (komandoj) estiĝanta dum plenumo de programo aŭ de parto de programo kaj konsiderata kun la datumoj uzataj kaj produktataj de tiuj operacioj. taskoprocesoro