^*implik/i ^PV

(tr)

1.

[implik.0i.movojn]

Malfaciligi aŭ malhelpi la movojn de iu aŭ io, senorde ĉirkaŭvolvante fadenojn aŭ ĉirkaŭplektante malliberigilojn: la vento implikis lian barbon kun la ŝnuro [1]; ŝi havis cindron en la implikitaj haroj [2]; buloj da interimplikitaj fadenoj ^Marta ; La krimulino tiam sur lin ĵetis // Teksaĵon faldoriĉan kaj implikan [3]; ĉirkaŭvolvis lin la fatalaj ŝnuroj, en kiuj ĉe ĉiu movo li pli implikis la manojn kaj la piedojn [4]. bridi, ĉirkaŭtordi, ĉirkaŭvolvi, ĝeni, ligi, obstrukci, vindi

2.

[implik.0i.aferojn]

Malfaciligi, malhelpi la agadon de iu aŭ la efikon aŭ solvon de io per komplikaĵoj, senordaĵoj kaj konfuzaĵoj: per sia pekado malbona homo sin implikas [5]; la Fariseoj […] konsiliĝis, kiel ili povos impliki lin per interparolado [6]; mi intencis impliki [la novelon] en interplekton da intrigoj, en kronon da epizodoj ^Marta ; [vi] implikas lin en batiĝojn kaj en friponaĵojn, ĝis li […] pri sia bona nomo fariĝas tute bankrota [7]; mi ne dubis, ke f-ino Martin, kiu videble malamas min […] min implikos [8]; oni min aĉetas kaj implikas en plej dubindan aferon kiu al mi kare kostos [9]; la asertoj […] implikus proceson [10]; li implikis sin en kontraŭdiroj [11]. bari, bridi, embarasi, ĝeni, kompliki, konfuzi

(ntr)
Embarasiĝi pro kaptiloj, pro konfuzo, pro malhelpaĵoj.

1:

[Mankas mrk por aldoni tradukojn]

virŝafo implikiĝis per la kornoj en la arbetaĵoj [12]; birdoj implikiĝintaj en kaptilon [13]; ĝia petolo faligis teren la volvaĵon kaj la kato mem implikiĝis en la fadenoj [14]; lianoj, ĉirkaŭpreninte unu la alian, implikiĝis en la propraj tigoj ^Metrop .

2:

[Mankas mrk por aldoni tradukojn]

malvirtuloj implikiĝas en (ne povas eliri el) la malfeliĉo [15]; staru fortike, kaj ne reimplikiĝu en jugon de sklaveco [16]; sed tie ĉi li implikiĝis, konfuziĝis kaj estis devigata iom silenti [17]; Ramzes volis konjekti la direkton, sed tuj liaj pensoj implikiĝis [18].

Ago impliki aÅ­ ties rezulto.

1:

[Mankas mrk por aldoni tradukojn]

volvaĵo de lanfadeno […] plena de nodoj kaj implikoj, kaj en la mezo la katido [19].

2:

[Mankas mrk por aldoni tradukojn]

ĉu li mem amas ŝin? […], kia impliko! malbela afero! [20]; subaĉeto de altranga prokurora amiko […] kaj impliko de la buĝeto-ministro [21]; sentigi al li la implikojn de tia situacio [22].

intrigo, konfuzo¹, nodo²

[implik.0ajxo.KOMUNE]

Io implikita: implikaĵo […] preskaŭ senelira [23]; rektaj kaj harmoniaj linioj, liberaj de ĉiaj implikaĵoj [24]. labirinto

(tr)

[implik.mal0i.KOMUNE]

Ordigi, klarigi konfuzaĵojn: rompopecoj tinte ŝutiĝis malsupren, […] „mi devos esti ankoraŭ pli atenta“ ŝi pensis, „“tie pendas tiom da ajnaĵoj, ke oni apenaŭ povos sin malimpliki“ [25]; furiozante kontraŭ si mem, Levio sin malimplikis el la amaso kaj kuris reen al la urbo [26]; li kapablus elpensi sistemojn tiel makiavelajn ke neniu ilin iam ajn malimplikos [27].