^*dom/o ^UV

1.

[dom.0o.konstruajxo]

Tuta konstruaĵo, destinita por homa loĝado (domo kun unu aŭ pluraj loĝejoj), por oficejoj (urbodomo) aŭ publikaj servoj (stacidomo, Esperanto-domo): antaŭ la domo staras arbo [1]; niaj fratoj eliris kun la gastoj el sia domo kaj akompanis ilin ĝis ilia domo [2]; la domo, en kiu oni lernas, estas lernejo, kaj la domo, en kiu oni preĝas, estas preĝejo [3]; kamparana domo [4]; ĉe tagiĝo [ili] venis al la patra domo [5]; antaŭ la sojlo de la domo [6]; ĉu en la domo de via patro estas loko por ni, por tradormi la nokton [7]? la administranto de mia domo [8]; (figure) li renkontis malplenan limakan domon [9]; domfasado [10]; plenokupaj dommastrinoj [11]; domplantoj [12]; bona estas domo nova kaj amiko malnova ^PrV ; apud propra domo ŝtelisto ne ŝtelas ^PrV ; dronanto domon proponas, savito eĉ brikon ne donas ^PrV ; tolaĵon malpuran lavu en la domo ^PrV . ĉaleto, kabano, palaco, vilao-ejdombesto

tegmento

kamentubo

enirejo

(porĉo)

fenestro

muro

kelo

ĉambro

kuirejo

ŝtup- arejo

desegno de sveda loĝdomo
PD  [13]

2.

[dom.0o.GEN]

Nobela, eminenta familianaro: edzoligiĝi kun domo de nobelo [14]; ni gardis honeste la honoron de nia domo, ni povas kun pura konscienco partopreni en la komuna festo de nia familio [15]. dinastio

3.

[dom.0o.hejmo]

(arkaismo) Hejmo: mi restos hodiaÅ­ dome [16]; jam estas tempo iri domen [17].

[dom.0acxo.KOMUNE]

(komune) Malbona domo, maloportuna, malsolida aŭ iel difektita: kiel longe ankoraŭ tiu malnova domaĉo staros ĉi tie ĉe la strato [18]? barako, dometo, kabano

1.

[dom.0ano.ajna]

Loĝanto de domo: la fajrogrigado savis ĉiujn domanojn.

2.

[dom.0ano.subulo]

Kunvivanto en iu hejmo, samhejmano, eventuale kontraste al la dommastro: Esav prenis siajn edzinojn kaj siajn filojn kaj siajn filinojn kaj ĉiujn siajn domanojn […] kaj foriris en alian landon [19]; Abram diris: al mi Vi ne donis ja idaron, kaj jen mia domano estos mia heredanto [20].

[dom.0anaro.KOMUNE]

La tuto de loĝantoj en unu domo, anoj de kunloĝa familio: Adaha tuj gajnis la sinceran korinklinon de la tuta domanaro per sia natura amindeco [21].

[dom.0ego.ARKI]

Granda domo ofte entenanta multajn loĝejojn aŭ oficejojn: princa domego [22]; kampara domego en la graflando York [23]; mi havas komision desegni domegon en angla stilo por sinjoro bankiero Brockhaus [24]; magazenoj, fabrikoj kaj laboristaj domegoj [25]. kortego, palaco, vilao

Domposedanto aŭ ekonomo (domzorgisto): se ili akiros posedaĵojn kaj domojn […], ili fariĝos domestroj kaj kultivistoj [26]; la domestro de […] mia sinjoro, humile petas vin enveni [27].

[dom.0eto.KOMUNE]

Malgranda domo kun malmultaj etaĝoj, malmultaj ĉambroj: ni vidas Doroteon, sin direktantan al sia kaduka dometo [28]. kabano

Multetaĝa, tre alta domo: ekfunkcii[ĝ]is la unua […] pasiva oficeja turdomo, kiu estas la plej granda pasiva domo en la mondo [29]; en 2004 simbole ekkonstruiĝis nova turdomo nomita komence Turo de Libero [30]; Unicredit-altdomo, Milano, 231 metroj [31]. nubskrapanto, ĉielskrapulo

[dom.ban0o.ARKI]

Domo aŭ dometo aranĝita kiel banejo: la „bandomo“ estis plej eble primitiva, konstruita el maldikaj vergetoj kaj kanoj, kaj havis lokon por maksimume du aŭ tri personoj [32]; kiam […] la princino iris en la bandomon, li saltis al ŝi [33]. saŭnejo

[dom.cxas0o.CXAS]

Domo en sovaĝejo, por restado dum plurtaga ĉasado aŭ plezurekskurso: ŝi eltrovis, ke la vojo […] kondukas nur al reĝa ĉasdomo; kaj ke tiu domo troviĝas en la mezo de vasta arbaro [34].

[dom.logx0o.ARKI]

Domo aranĝita kiel unu aŭ pluraj loĝejoj: la altaj loĝdomoj kreskis kaj kreskis [35].

Domo starigita sur palisoj, kutime super akvo aŭ marĉo; palafito: Sur la insulo Wolin trovitaj estis palisdomoj, karakterizaj por la norda parto de Eŭropo [36]. palafito

[dom.panel0o.ARKI]

Longa, pluretaĝa domo entenanta multajn vicojn de loĝejoj ordinare alireblaj per sinsekvaj enirejoj: ni serĉis nian studentan hejmon, kiu estis inter multaj paneldomoj dekomence nevidebla [37].

[dom.rul0o.AUT]

Radhava veturilo ene aranĝita por loĝo, movata per tirbesto aŭ aŭto: certe vi aŭdis iel pri la vojaĝo de juna paro tra Eŭropo per simpla ruldomo tirata de ĉevalo [38]. loĝaŭto

[dom.somer0o.ARKI]

Eksterurba privata domo, por pli agrabla somera loĝado: la roma imperiestro Klaŭdio havis en Pompejo somerdomon [39].

[dom.staci0o.ARKI]

Konstruaĵo por halto de vagonaroj, eliĝado kaj eniĝado de pasaĝeroj aŭ komercaĵoj: la vagonaro brue venis al la […] stacidomo [40].

[dom.urbo0o.ARKI]

Konstruaĵo funkcianta kiel ĉefoficejo kaj solenejo de urba administro: la mikskolora blazono sur la malnova urbodomo [41].

[dom.vic0o.ARKI]

Loĝdomo¹ ordinare unufamilia, konstruita sammodele kun najbaraj, staranta vice apud ili: la geonkloj loĝis en vicdomo iom sude de la kvartalcentro [42].