³apartament/o

1.

Ĉiu el pluraj apartaj loĝejoj en domo: ŝi nun estas eksterurbe en domo kun du apartamentoj [1]; la nevo de Ĝoja Karal havas ĉambron en apartamento, kiun li kunluas kun tri aliaj studentoj [2]; ŝi havis belan apartamenton, kun konvena kuirejo, malgranda banĉambro, lito-plus-sidoĉambro, kaj manĝoĉambro [3]; la apuda ĉambro, kiu apartigis la geedzan apartamenton el la kuirejo, estis aliformigita en infanejon, en ĝi devis loĝi la guvernistino kun la du infanoj [4]; en la malsupra apartamento, korespondanta al la supra, estas la persono, kiu devas respondi, […] la voĉo iradas de supre malsupren kaj de malsupre supren [5]; unu domo estas uzata kiel pensiono, kies mastro, okupinte por si mem ne pli ol unu ĉambron kaj kuirejeton, forluigas ĉiujn aliajn apartamentojn, ĉu mebloprovizitaj, ĉu sen mebloj [6]; post tri semajnoj fariĝos libera loĝejo nro 46, […] mi rigardis ĝin, nu, ĝi estas ja proksimume kiel ĉiuj aliaj apartamentoj [7]; la novaj posedantoj prizonkamerojn rekonstruus por tie establi komfortajn apartamentojn[8]. etaĝo, mansardo, partero²

2.

Komforta, eĉ luksa, loĝejo el pluraj apartigitaj ĉambroj en hotelo, por dispono de gastoj: fraŭlino Kolardo resupreniris al la apartamento, kiun Maziero al ŝi ĝentile donis, en la dua etaĝo de sia hotelo, por la tuta daŭrado de la gefianĉiĝado [9]; ŝia malgranda apartamento de la Varena strato superis la ĝardenon de la Prelonga hotelo [10]; la rokmuzikisto kaj la aktorino, ĉiam kunaj, tiam kunloĝis en la apartamenta hotelo Domina Plaza [11]. feria apartamento, pensiono¹

3.

Unu aŭ du vicoj da ĉambroj kun kuna funkcio apartigitaj en kastelo, ekz-e por dispono de la reĝa familio, gastoj, por aŭdiencoj, baloj k.s.: la grandoficiroj kaj grandoficirinoj de la Reĝeco kondukis ilin en la apartamenton de Lia Reĝa Moŝto [12]; ili loĝis ankoraŭ en la kastelo, en sia iama apartamento [13]; se vi deziras trairi kelkajn el la plej luksaj apartamentoj de la reĝo, al kiuj oni ordinare ne allasas fremdulojn, mi tre volonte kondukos vin [14].

Unuvicaj apartamentoj apartigitaj per koridoroj en la kastelo de Meudon
PD  [15]

alo^1.c, galerio^1.c