³feri/o

Libera tago, dum kiu oni ne estas devigata labori: la somera kunveno sur la bordo de la lago Chautauque servas sole kaj propre por spirita ripozo, ferioj [1]; mi sopiras [al] kampa vivo kaj ferioj [2]; nun estas la paskaj ferioj [3]; alvenis la someraj ferioj [4]; lernejaj ferioj [5]; la kristnaskaj ferioj [6]; duontaga ferio [7]; israelaj turistoj rezignos pri siaj ferioj en Aŭstrio [8]; revenante el ferioj [9]; escepte de ŝtate deciditaj ferioj (sabato, dimanĉo, festotagoj) la borsoj funkcias de lundo ĝis vendredo [10]. festo

Rilata al la kutima tempo de ferioj, al la por feriado modaj lokoj, aranĝoj, okupoj: la konstruaĵo troviĝas en feria regiono, netaŭga por plentempa loĝado [11]; li sidis sur la larĝa balkono de la feria apartamento [12]; feria vilaĝo meze de la naturo [13]; la feria sezono [14]; en feria vojaĝo [15].

Dum ferioj ĝui ripozon, plezurokupojn, vojaĝojn: ŝia frato […] nun ferias en Madejro [16]; miloj da homoj troviĝis en eksterlando […] por ferii [17]; vi antaŭe feriis kelkajn somertagojn [18]; en julio kaj aŭgusto, ĉefa libertempa periodo en Eŭropo, ankaŭ eldonejaj oficistoj volas feriadi [19].

Homo, kiu en la koncerna tago havas ferion kaj ne laboras: edukisto […] estras la junajn feriantojn [20]; post la aniĝo de Litovio en Eŭropa Unio kreskis je 30 % la nombro de feriantoj, kiuj direktas sin al landoj de Eŭropo [21].