^*fest/i ^PV

(x)

Fari feston pro: festi la geedziĝon [1]; ni festas ĉiujare la memoron de lia naskiĝo [2]; ili aranĝis kuŝejon same kiel lastfoje, kaj por festi la somermezon ili starigis ĉirkaŭ ĝi betulbranĉojn, tiel ke fariĝis malalta laŭbo [3]; dum ses tagoj faru viajn laborojn, kaj en la sepa tago festu [4]; festi la feston de laŭboj [5]; Serebrovskij transloĝiĝis la novan domon marde, kaj dimanĉe li jam festis ĉi tiun feliĉan okazon ^Metrop ; la homoj festis la Silvestran vesperon [6]; por festi tiun festan tagon ili surmetis la livreojn [7]; mi povos baldaŭ festi mian centan naskiĝtagon [8]; vespere ni festos la interedziĝon! [9]; Damono edziĝon de frato forfestis, ⫽ En tria mateno tre frue sin vestis ^FK ; Aŭgusto festis sian triumfon [10]; la loĝantaro de Bamako festis lin kiel heroon [11]; fianĉiĝon festas nevo mia [12]; kun kiu vi festas, tia vi estas ^PrV . celebri, glori, soleni

Publikaj aŭ privataj ceremonioj kaj plezuroj por soleni iun okazaĵon: ĝojan feston! [13]; la festo de Kristonasko ^FK ; geedziĝa festo; tri fojojn festu al Mi dum la jaro, la feston de la macoj […], la feston de la rikolto […] kaj la feston de kolekto en la fino de la jaro [14]; terpomoj kaj malforta biero fariĝos regalaĵo por festoj [15]; du fraŭlinoj […] rigardis almenaŭ kvardekan fojon la feston de Ĉieliro [16]; ili alvenis […] la antaŭtagon de la Sankt’ Johana festo [17]; la festo de Anunciacio falos sur la Grandan Vendredon ^FK ; festotago. pri laboroj maldiligenta, pri festoj plej kompetenta ^PrV ; kies gasto mi estas, ties feston mi festas ^PrV ; post la fasto venas festo ^PrV . festojferio, soleno

(x)

Plurope, komune festi: ĉiujunie mi iras kunfesti unu aŭ eĉ plurajn jubileajn renkontiĝojn [18]; televidaj kaj radiaj steluloj kuniĝu por koncerte kunfesti la datrevenon [19]; festu, se vi volas, la alvenon de la nova jarmilo […], mi ne kunfestos [20].

(tr)

Festi pro homo, okazaĵo, kiun oni honoras aŭ memorigas: prifesti la jarŝanĝon sole en la naturo, manĝante en nia tendo pastaĵojn kun tomata saŭco neniel romantikas [21].

En orienta kristanismo, ĉiu el la dek du speciale gravaj festoj: Kristnasko kaj Epifanio estas dekduopaj festoj; Pasko estas ekster la listo da dekduopaj festoj, ĉar ĝi estas nekompareble pli grava ol ĉiuj aliaj festoj.

Iu el pluraj kristanaj festoj dediĉita al la Dipatrino (naskiĝo, ĉieliro de Mario): Endormiĝo estas unu el la dipatrinaj festoj.

Privata festo farata okaze de geedziĝo; nupto: la edziĝa festo estos en la domo de liaj estontaj bogepatroj [22]; ŝi surmetis la veston kaj iris al la edziĝa festo [23]; la geedziĝa festo estis luksa kaj belega [24]; onklo por vi pripensas jam edziĝofeston [25]; tiel maljunaj, ke tia geedziĝo tro similus arĝentan edziĝfeston [26]; nia geedziĝfesto estis organizita en la domo de miaj bogepatroj [27].

Festo en kiu homoj surhavas maskojn, alivestojn: ha, kion? Maskofesto? [28]; tri knaboj […] vizitas fantazian maskofeston en kiu okazas strangaj aferoj: la loĝantoj de la domo estas spirito, diablo kaj aliaj fantomoj [29]. karnavalo

En iuj landoj festo al homoj kun sama persona nomo, okazanta en jartago dediĉita al tiu nomo: lia nomfesto estas en la tago de la sankta Antono [30]; li havas hodiaŭ nomfeston, sed vi degnis dormi [31].

Festo solenata en Ĉinujo kaj najbaraj landoj meze de aŭtuno, okazanta en la dekkvina tago de la oka monato: pasis pli ol dek tagoj post la Aŭtunmeza Festo [32], en Japanio oni festas Lunan feston en aŭtuno laŭ japana malnova kalendaro [33].

Festo kutime okazigita en aŭtuno por danki Dion pro la rikolto: la Nordamerikan Dankofeston oni celebras je la 4a ĵaŭdo de novembro en Usono, kaj je la 2a lundo de oktobro en Kanado; la 7an de septembro […] ĉi tie preĝis papo Johano Paŭlo la 2a […], la solenaĵo en Šiluva finiĝis per dankfesto [34]. Dankotago

Somerkomenca festo en la kvina tago de la kvina monato, solenata en Ĉinujo kaj najbaraj landoj: zongzi-o estas tradicia manĝaĵo de la Festo de Duobla Kvino [35]; la kvina tago de la kvina monato laŭ la ĉina kalendaro estas la Drakboata Festo [36].

Septaga judisma vintra festo, dum kiu oni tradicie restas sub laŭbo aŭ en kabano memorige pri la bibliaj Eliro kaj migrado tra la dezerto; ankaŭ nomata Sukoto: diru al la Izraelidoj jene: Komencante de la dek-kvina tago de tiu sepa monato estu festo de laŭboj dum sep tagoj [37].

La juda dankofesto 50 tagoj post Pasko: tri fojojn en la jaro ĉiu via virseksulo devas aperi antaŭ la Eternulo, via Dio […]: en la festo de macoj kaj en la festo de semajnoj kaj en la festo de laŭboj [38]. Pentekosto

Lasta tago de la Printempa Festo, en kiu oni nokte promenas kun ruĝaj lanternoj: la koreaj gastoj povas spekti la lanternofeston, sed ŝajne estos tro malfrue resti ĝis 21:30 por vidi la fajroteknikaĵojn en la sama loko [39]; elirmalpermeso estis ĝenerale efektivigita en antikva Ĉinio, sed la elirmalpermeso estis nuligita dum la Lanterna Festo kaj viroj kaj virinoj povis eliri kaj ludi tutan nokton [40].

Jarkomenca festo laŭ la ĉina kaj orientazia kalendaro, ankaŭ nomata Teto en Vjetnamujo, aŭ simple Novjaro: la 31-an de januaro en la Konfucea Instituto en la Universitato Kartumo en Sudano okazis vespero por bonvenigi la Printempan Feston de la Jaro de Simio [41].

1.

Romia karnavala festo dediĉita al la dio Saturno, kun konfuzo de sociaj roloj kaj diboĉo: longe antaŭ la komenco de la Saturna festo, mi jam sciis, ke alproksimiĝas ia ĝoja okazo [42]; la moderna lotumo […] enradikiĝas en la romiaj saturnofestoj [43].

2.

(figure) diboĉo