^*mur/o ^JED

1.

Vertikala, pli larĝa ol dika konstruo, masonita aŭ alie kunmetita el blokoj aŭ tabulegoj (de ŝtono, betono, vitro, ligno k.a.), subportanta plafonojn kaj tegmenton de domo aŭ apartiganta iun spacon (ĝardenon, bienon, urbon k.a.): domo […] ĉirkaŭita de muro [1]; tiuj urboj estis fortikigitaj per alta muro [2]; ŝia domo estis en la muro de la urbo, kaj ŝi loĝis en la muro [3]; la patro levis sin kaj rigardis la horloĝon sur la muro [4]; [li] nur iris de muro al muro, de muro al muro [5]; timege plorkriis la longnaza Stern kaj alpremis sian vizaĝon al la plej proksima muro [6]; ili staris ĉe la suda longmuro de la brika domo [7]; du junaj viroj sidas sur la randomuro, kiu ĉirkaŭas la plataĵon [8]; rigardante el post la angulmuro, atendi, kio okazos [9]; [li] deprenis unu el la meĉlampoj, brulantoj sur la kamenmuro [10]; sunlumo, filtrata tra la laktaj vitromuroj fakte donis la plej perfektan lumigon [11]; li vagadis de unu domo al la alia, trans la kortomuroj [12]; defendis la kastelon provizora ŝtalmuro tri metrojn alta [13]; la eksteraj lignaj vagonmuroj estas bluaj [14]; vivon privatan kaŝu la muroj ^PrV ; la muro havas orelojn ^PrV ; kiu trans muro aŭskultas, tiun la muro insultas ^PrV ; li mensogas tiel, ke la muroj krakas ^PrV ; alpremi iun al muro (devigi iun respondi aŭ decidi sen elturniĝo) ^PrV . masonaĵo, fasado, vandoflanko²

2.

Io simila al muro: alta muro de verdaĵo kaŝis de la rigardoj la palacon kaj ĝardenon [15]; okcidente la delikataj sed nudaj deklivoj de Libiaj montoj, oriente krutaj kaj fenditaj arabiaj ŝtonegoj estas muroj de ĉi tiu koridoro, sur kies fundo fluas Nilo [16]; neĝtavoloj lavange tondris trans fendriĉajn montmurojn [17]; forkurante en unu direkto [ili] renkontadis neatendite novan flammuron de la kontraŭa flanko [18]; piede de la klifeca rokmuro [19]; sur la muroj de la groto ili ĉizis belajn ĉasbildojn per tajlita fajroŝtono [20]; la knabo nun aŭdis voĉon malantaŭ la libromuro [21]; sur filmmuroj (vd ekranego) eblis spekti la matĉojn [22]. baro, digo, masivo, parieto

3.

(figure) Malfacile transirebla baro, apenaŭ forigebla malhelpaĵo, kontraŭstaro: seninterrompa muro da malamikoj, enviantoj kaj malkleruloj [23]; [li] unuigis ambaŭ kaj rompis la intermuron de disigo [24]; la maksimuma rapideco de la falo atingis 1342 km/h, tiel ke Baumgartner trarompis la sonmuron (1062 km/h) [25].

Granda, fortika muro por ŝirmo kontraŭ naturaj aŭ homaj danĝeroj: la muregoj de Jerusalem [26]; vico super vico […] atakis la deklivojn, premis sin al la kastela murego [27]. remparo

1.

Vando: sur la muretoj, kiuj estis inter la listeloj, estis leonoj, bovoj, kaj keruboj [28]; Josefino aŭdis tra la mureto la voĉon koleriĝantan de la juna Amerikanino [29]; ili estis starantaj en fumejo, apoginte sin kontraŭ la mureto, kaj Ivagin klarigis al la germano laboron de la murgazeta redakcio ^Metrop .

2.

Malalta muro, ofte uzata kiel limo de ĝardeno, kampo aŭ paŝtejo: [ŝi] iris al la ludeja mureto por tie sidi kun li [30]; ni sidiĝis ĉe iu mureto kaj flaris cipresan odoron de Mediteraneo [31]; li eĉ sukcesis rektigi sin, kvankam ne sen apogo je la mureto apud la rulŝtuparo [32]. krenelo, parapeto¹

Ĉirkaŭanta muro: [la hom-amaso] puŝante unu alian nevole piedpremis liajn herbejojn, rompis liajn arbojn, eĉ difektis la ĉirkaŭmuron [de lia domo] [33].

Pli ol 6000 kilometrojn longa murego en la nordo de Ĉinujo, poparte komencita por defendo de pli sudaj landoj, interligita en la 3a jarcento a. K. kaj plue konstruata en la sekvaj epokoj: la Granda Muro [...] proksime de Pekino estas 7-8 metrojn alta, 6-7 metrojn dika kaj 5 metrojn larĝa ĉe la supro [34]