^*ĉambr/o ^PV

1.

[cxambr.0o.doma]

Ĉiu el la apartaj ejoj de domo, disigitaj per muroj aŭ vandoj, kaj komunikiĝantaj per pordoj: ĉirkaŭ la templo kaj la plejsanktejo, kaj li faris flankajn ĉambrojn [1]; ĉambregon el kolonoj li faris, havantan la longon de kvindek ulnoj kaj la larĝon de tridek ulnoj [2].

a)

[cxambr.0o.logxeja]

Ĉambro en loĝejo: la patro estas en la ĉambro [3]; en la ĉambro sidis nur kelke da homoj [4]; li eniris en internan ĉambron kaj ploris tie [5]; en la dometo estis malgranda vestiblo, bela ĉambro kun kamero [6]; post mia morto vi montros al li la tutan kastelon, ĉiujn ĉambrojn, salonojn kaj kelojn [7]; Karal havas ĉambron en apartamento, kiun li kunluas kun tri aliaj studentoj [8]. ĉelo¹, kabineto^1.a, kamero¹

b)

[cxambr.0o.ofica]

Ĉambro ofica: koran dankon al la glora Kembriĝa universitato, kiu pruntis al ni siajn ĉambrojn [9]; tiu ĉambro havis ŝajnon de saloneto, sed en efektiveco ĝi estis komercejo tia sama, kiaj estas ĉiuj aliaj komercejoj ^Marta ; ĉambro 150 estas ŝia oficejo [10]; psikologino vizitos la knabon en ties hospitala ĉambro [11]. aŭlo, oficejo, salono, solenejo

2.

[cxambr.0o.POL]

Ŝtata aŭ publika institucio, precipe asembleo, kaj ties oficejo aŭ kunvenejo: elektiĝis 480 parlamentanoj al la Ĉambro de Deputitoj [12]; la supera ĉambro ― la Ĉambro de Lordoj ― ĉiam kontraŭis reformojn proponitajn kaj de liberalaj kaj de laboristaj registaroj [13]; la dua ĉambro de la parlamento de Nederlando per 109 kontraŭ 33 voĉoj akceptis la leĝoproponon [14]; li ne sukcesus realigi reformon sen la helpo de kristandemokrataj partioj, laŭ la nuna konstelacio en la du ĉambroj, federacia parlamento kun plimulto de regantaj partioj socialdemokrata kaj verdula kaj ĉambro de (federaciaj) landoj [15]; iom pli ol kvinono de la balot-rajtigitoj en Ĉeĥa Respubliko voĉdonis dum elektoj por la senato, la supera ĉambro de la parlamento [16]; IKEF organizis viziton de Humboldt-Universitato kaj de la Komerca Ĉambro [17].

Servisto, kiu servas en loĝoĉambroj: eniris en la salonon la ĉambristo de la faraono kaj murmuretis, ke la sinjorino Hebron grave ekmalsanis [18]; kiam li estis sola kun la ĉambristo Benedikto, li demandis […] [19]; la ĉambristo de Maziero, maljuna servisto […] eniris rapide kun mireganta mieno [20]; dum lia ĉambristo lin razis, la duko kredis rimarki ke la vizaĝo de Laŭrento ŝajnas pli malgaja ol kutime [21]; li venis en tiu tempo, kiam la generalo nur ellitiĝis kaj kiam lia ĉambristo eble portis al li arĝentan ujon por lavado [22].

Servistino, kies laboro estas purigi kaj ordigi loĝoĉambrojn: ni havas diversajn servantojn: kuiriston, ĉambristinon, infanistinon kaj veturigiston [23]; ĉiu volas posedi kiel eble plej multe da ĉambristinoj, modistinoj, frizistoj, sklavoj por la portiloj […] [24]; ĉu vi vidis la ĉambristinon aŭ la kuiristinon [25]? de dek du jaroj ŝi kudras por la bona sinjorino elegantajn vestojn dum tutaj noktoj, akre admonas ŝiajn ĉambristinojn kaj lakeojn [26].

1.

[cxambr.antaux0o.porMantelo]

Parto de loĝejo, ĉe la enirejo, kie oni demetas la mantelojn, ĉapelojn, pluvombrelojn, ktp. ni enrigardu iom en la antaŭĉambron, kie trovis rifuĝon la supervestoj, bastonoj, pluvombreloj kaj galoŝoj [27]. koridoro, vestiblo

2.

[cxambr.antaux0o.porAkcepto]

Salono, en kiu la vizitantoj de oficialulo aŭ eminentulo atendas la akcepton: (figure) mi ne komprenis mian naturon, nur en la antaŭĉambro de la poezio mi ĝin ekkonis [28]; la polica oficiro […] anoncis, ke en la antaŭĉambro atendas kelke da palacaj servistoj [29]; la antaŭĉambro […] estis inkrustita nur el rubenoj kaj smeraldoj, sed la ordo laŭ kiu ĉio estis aranĝita, bone kompensis tiun tre grandan simplecon [30]; interese estas enrigardi en mian antaŭĉambron, kiam mi ankoraŭ ne vekiĝis: grafoj kaj princoj tie sin puŝas kaj zumas, kiel burdoj [31]; en la antaŭĉambro eksonis la sonorilo, anoncante la venon de ia nova persono, la mastrino de la oficejo volis fini la paroladon kun la juna vidvino ^Marta . akceptejo, atendejo, fojero

[cxambr.atendo0o.ARKI]

Atendejo, ĉambro, ĝenerale kun seĝoj, por atendado: mi atendis la kuraciston en atendoĉambro dum duonhoro; li kondukis lin al atendoĉambro, klarigante, ke bedaŭrinde la ambasadora moŝto pro oficialaj devoj iom malfruos, sed ke dume la estimata gasto ne hezitu drinki el la bufedo [32].

[cxambr.ban0o.ARKI]

Ĉambro por bano, duŝo, korpa purigado kaj flegado: deĵorantinoj akceptis Kandid kaj Kakambo ĉe ilia elkaleŝiĝo, kondukis ilin en banĉambrojn [33]; puriĝi sub la duŝo en la apuda banĉambro [34]; Karlo ĝis nun neniam povis esti sola kun si mem pro sia familio kaj sekve li eĉ ĝojis pro sia ekskluziva propra banĉambro [35]. banejo

[cxambr.dormo0o.ARKI]

Ĉambro ordinare kvieta kaj taŭge ekipita por dormado: li eliris el la dormoĉambro kaj eniris en la manĝoĉambron [36]; ŝi iris en la dormoĉambron, elprenis ĉiujn litaĵojn kaj metis unu pizon sur la fundon de la lito [37]; la lampo en la komforta dormoĉambro estis duone kovrita, pezaj silkaj kurtenoj el multekostaj ŝtofoj pendis tute kuntiritaj antaŭ la fenestroj [38]; je la deka vespere ĉiuj estis en la dormoĉambroj, je la deka kaj duono la domo dormadis [39].

[cxambr.klas0o.ARKI]

Ĉambro en lernejo, kie klaso lernas: kiam ili estas en la klasĉambro, ili ne rajtas interparoli, kaj ili ankaŭ devas sidi senmovaj [40]; mi reiras en la klasĉambron, kie komenciĝas la leciono […] pri historio [41]; la klasĉambroj havis multajn fenestrojn por havigi sufiĉe da lumo [42].

[cxambr.komerca0o.POL]

Komuna asocio de komercaj kompanioj, kiu servas ilin per reprezentado, informado, perado; ties oficejo: mian glason mi levas pro la bona stato, la gloro kaj la honoro de la urbo Bulonjo, la sano de la urbestraro, kaj de la reprezentanto de la komerca ĉambro [43]; bonveniga bankedo aranĝita de la Singapura Komerca Federacio kaj la Singapura Ĉina Ĉambro de Komerco kaj Industrio [44]. borso

[cxambr.lav0o.ARKI]

Ĉambro en kiu oni lavas sin aŭ tolaĵon: Adamo estas en lavĉambro kaj lavas sin [45]. lavejobanĉambro

[cxambr.mangxo0o.ARKI]

Ĉambro por manĝado: li eliris el la dormoĉambro kaj eniris en la manĝoĉambron [46]; Samuel […] enkondukis ilin en la manĝoĉambron, kaj donis al ili lokon supraloke [47]; Tafet en la manĝoĉambro kovris la tablon per blanka tuko, starigis la kandelingon […] alŝovis tri seĝojn [48]; oni estis finantaj la tagmanĝon en la malgranda salono, kiu estis samtempe manĝoĉambro [49]; koridoro […] kondukis de la vizitĉambro al la manĝoĉambro [50]. bufedejo, kantino, manĝejo

[cxambr.masxin0o.TEK]

Ĉambro en ŝipo kie estas la maŝinoj: oni enhejmiĝas, por tiel diri, en la maŝinĉambro [51].

[cxambr.sam0ano.KOMUNE]

Uzanto de sama vivo- aŭ dormo-ĉambro, ekzemple en lerneja aŭ alia komuna loĝejo: ili ne kuraĝis havi mortinton kiel samĉambranon [52]; nia ŝipo kliniĝis je 30 gradoj […] mia juna samĉambrano eĉ falis sur la plankon [53]; mia samĉambrano respondis al mi, ke ŝajne li estas membro de la laborista klaso [54].

[cxambr.skribo0o.ARKI]

Ĉambro por skriba, pensa laborado: Linŝardo, enfermata en sia skriboĉambro, ekbruligis cigaredon kaj pripensis [55]; la tiel fermita kabineto estis antaŭe skriboĉambro de Dusadad, kaj enhavis grandan nombron da dokumentoj [56]; kiam eliris el patra skriboĉambro malfeliĉa kulpuleto, li preskaŭ ĉiam renkontis survoje, kvazaŭ hazarde, la patrinon pretan por lin ankaŭ „severe“ admoni [57]. kabineto^1.a, skribejo, stabejo

^EBV

[cxambr.vivo0o.ARKI]

Familia ĉambro, ĉefa parto de la loĝejo, kie la familio kunvenas: en nia vivoĉambro ĉiam renkontiĝis la lokaj samideanoj, kaj ne malofte dormis sur la sofo iu fremdlanda preleganto [58]; [li] unue vidis nur la kvadraton de la pordo ruĝe prilumantan la kahelojn de la vivoĉambro [59].

[cxambr.vizit0o.ARKI]

Ĉambro, kie oni ricevas vizitantojn: koridoro […] kondukis de la vizitĉambro al la manĝoĉambro [60]; mia avo fumadis en la korto, dum mia patro bruligis cigaredojn en la vizitĉambro antaŭ la televidilo [61]. salono