^*ofic/o ^PV

Okupo, profesio, konsistanta en plenumo de publika aŭ privata servado: ofico de kasisto, kontisto, poŝtisto, urbestro, ministro; ofico de rabeno, de kantoro ^RBa ; de la aĝo de kvindek jaroj ili retiriĝos el la ofico […] kaj ne servos plu [1]; post tri tagoj Faraono levos vian kapon kaj redonos al vi vian oficon [kiel] antaŭe, kiam vi estis lia vinisto [2]; kandidatinoj por ofico de instruistino ^Marta ; mi ricevos oficon en la oficejo de la arĥitekturisto de la urbo ^Marta ; en siaj bienoj li facile trovos por vi oficon malpli lacigan ^IK ; oni nomis vezirojn, kies ofico estis juĝi pri diversaj ŝtataferoj ^Kandid ; Emilo ricevis oficon de pastro [3]; mi havas sekretarian oficon kaj akompanis mian mastron eksterlande ^ChR ; eksigo el ofico ^EeP ; [ili] malbone plenumis oficon al ili konfiditan de la Asocio ^EeP ; granda ofico, grandaj zorgoj ^PrV ; Dio donis oficon, Dio donas kapablon ^PrV ; antaŭ ĉio zorgu oficon, plezuro atendos sian vicon ^PrV . posteno³fako, funkcio, metio, profesio, rolo

(ntr)

Plenumi oficon: informiĝi pri iu en tia domo estis treege malfacile, precipe, se ĉe la pordego ne oficis pordisto [4]; en la vilhelma kastelo […] kiel gvidanto oficas maljuna imperiestra pordisto ^Metrop ; oni malpermesis al vi ofici, esti membro de l’ partio ^Metrop ; antaŭ ol ĉe la nuna notario mi oficis ĉe advokato ^ChV ; sur [la ŝipo] oficas preskaŭ nur finnoj [5]; en la Festo de Britio oficis nombro da interpretistoj ankaŭ por Esperanto ^EeP .

Loko, kie oni plenumas oficon: la reĝa oficejo [7]; oficejo de la milita ministrejo [8]; vojkonstrua oficejo [9]; la poŝta oficejo [10]; la polica oficejo ^FK ; la patro estis en la oficejo, la frato en la lernejo, la fratino en la kudrejo ^IK ; la mastrino de la informa oficejo intencas fini la interparoladon kun ŝi, doninte al ŝi nenian informon ^Marta ; la oficejo de la sinjoroj Snitchey kaj Craggs kuŝis tre oportune sur la foirejo [11]. centra oficejo, redaktejo, skribejo, stabejo

Homo, kiu profesie plenumas oficon: banka, komerca, publika, regna, ŝtata, urba, dogana, polica oficisto; liaj plejaĝuloj kaj oficistoj kaj liaj juĝistoj staris ĉe ambaŭ flankoj [13]; kondukita al la memfisa haveno de la pastroj, plej altaj ŝtataj oficistoj, gvardio de lia sankteco kaj popolamasoj, la kronprinco Ramzes eniris en oritan barkon [14]; la ĉantaĝa dosiero temas pri bankoficisto, kiu mortis kancere ^ChV ; okazis misskribo de iu naskiĝakta oficisto, tiel ke unu parto de la familio fariĝis Verstrata kaj la alia Verostrata ^ChV . funkciulo

(tr)

Per formala ago (ceremonio, rito, prezento) rajtigi aŭ devigi iun plenumi koncernan oficon: ĉiu ĉefpastro estas enoficigita por oferi donacojn kaj oferojn [15]; ili ne enoficigas reĝon super la lando [16]; la postan jaron, tamen, estis akceptita la statuto, kaj enoficigita nova prezidanto ^EeP ; ĉu vi antaŭ laŭleĝe enoficigita pola konsulo en ekstera lando […] persone protokoligis, ke vi volas esti plu pola ŝtatano? ^MortulŜip . enpostenigi, instali³, nomumi

(ntr)

Ricevinte oficon ekagi en la respondaj taskoj: mi estis enoficiĝinta apenaŭ depost ok tagoj, kiam mi renkontis […] junan ikoglanon ^Kandid ; la 15an de decembro en Makedonio enoficiĝis nova prezidento [17].

(tr)

Eksigi¹, senigante je la ofico: la hispana ĉefministro Rajoy dissolvas la Parlamenton, senoficigas la tutan katalunan registaron, prenas rektan regadon de la kataluna administrado pere de la respondaj hispanaj ministerioj [19].

Oficisto laboranta en ŝtata aŭ ŝtat-dependa administrado: la angla ŝtatoficisto Richard John French […] lernis Esperanton en 1939 ^EeP . li estis ŝtatoficisto, profesio kiu verŝajne ne donis al li multan varion [20].

Ĉefa sidejo de organizaĵo: la Centra Oficejo de UEA ^EeP ; vasta reto da personaj rilatoj, inter kiuj troviĝis virineto laboranta ĉe la centra oficejo de tiu taksikompanio ^ChR ; la interbalkana beletra komisiono kun centra oficejo en Sofio [21]; Unesko kreas pli kaj pli da oficejoj ekster la centra oficejo en Parizo [22]. centralo³, establejo, kontoro, reprezentejo, rezidejo², stabejo