^*aĉet/i ^UV

(tr)

[acxet.0i.EKON]
en:

Akiri per mono: mi aĉetis dekon da ovoj [1]; se vi aĉetos el la manoj de via proksimulo, unu ne malprofitigu la alian [2]; li malkare aĉetis la ĉevalon [3]; aĉeti malmultekoste [4]; li aĉetis por la du knabinoj belajn vestojn, perlojn kaj multekostajn ŝtonojn [5]; mi venas al vi kun peto, ke vi volu aĉeti de mi mian tempon kaj la laboron de miaj manoj ^Marta ; ĉu vi volas aĉeti senmortecon per bruligmortigoj [6]? per la fruktoj de l’ farita krimo ⫽ Aĉeti la favoron de la leĝo [7]; la bankiero aĉetis […] kampodomon ĉirkaÅ­itan de granda ĝardeno [8]; mi ĝin aĉetos por la prezo, kiun vi petos [9]; Ove Ramel […] aĉetis per aÅ­kcio la kastelon kaj la tutan meblaron [10]; estis la glora epoko de financistoj kiuj aĉetis, vendis kaj dispecigis kompaniojn [11]; marĉandado aĉeti ne devigas ^PrV ; mankis al Petro klopodoj, li aĉetis al si domon ^PrV . komercigajni¹, lui, pagi¹, perlabori, prunti

[acxet.0o.KOMUNE]
en:

Ago aĉeti, rezulto de la ago: mi prenis la dokumenton de aĉeto [12]; ni devis prokrasti la aĉeton, la transloĝiĝo kostis [tro] multe [13]; aĉeto de akcioj [14]; aĉeto de aŭtomobilo [15]; ni pagos al vi hodiaŭ la sumon de £20 000 por la aĉeto de la tuta entrepreno [16]; la knabinoj […] faris la aĉetojn en la urbo [17]; Vendo de Alasko estis procezo de aĉeto de Alasko fare de Usono de la Rusia Imperio en la jaro 1867 [18];

[acxet.0ajxo.EKON]
en:

Tio, kion oni ekhavas kontraŭ mono: ŝi devis fari en la firmo Louvre kelkajn aĉetaĵojn [19]; sendu tiujn aĉetaĵojn hejmen, ŝi diris al la kasisto [20]; la du oraj moneroj kuniĝis kun la aliaj en la sakon en kiun li enmetis siajn aĉetaĵojn [21]. varo

[acxet.0anto.EKON]
en:

Akiranto de vendata komercaĵo aŭ servo: Jesuo eniris en la templon de Dio, kaj elpelis ĉiujn vendantojn kaj aĉetantojn en la templo, kaj renversis la tablojn de la monŝanĝistoj [22]; junaj, bonmanieraj, belfiguraj komizoj faras bonan efekton, altiras al la magazeno la aĉetantojn, aŭ pli ĝuste la aĉetantinojn ^Marta ; ju pli da aĉetantoj, des pli alta la prezo ^PrV ; se vendisto ne mensogas, li aĉetanton ne allogas ^PrV ; kvankam loknomo povas sugesti al aĉetantoj kvaliton, ĝi tute malsamas al marko, protektata de la ŝtato [23]. konsumanto

Povanta esti aĉetata: tabakujoj, cigaringoj, tabako, cigaroj kaj cetere estis aĉeteblaj [24]; ĉu vi estas la fripono, kiu faras el la justeco aĉeteblan publikulinon [25]? konscienco vendebla, sekve aĉetebla kaj tiu aĉeto dependus nur de la prezo konsentita [26]; vergon oni ne bezonas, sed nur hokon, fiŝŝnuron kaj la larvojn, aĉeteblajn en vendejo aŭ perpoŝte [27].

[acxet.0isto.EKON]
en:

Oficisto, kiu negocas kaj akiradas krudajn materialojn, ilojn aŭ aliajn necesaĵojn por sia kompanio: tiu ĉi sinjoro eble estis siatempe granda aĉetisto de bienoj, kun ĉiaj hipotekoj, depagoj, aĉetaj dokumentoj kaj juĝaj posedigoj [28]; li estis aĉetisto por antikvaĵaj magazenoj [29]; firm-aĉetistoj ĝentile klarigas al ni, ke pro malbona negoco ili ne plu povas aĉeti [30]. makleristo

(tr)

Pagi por liberigi iun el kaptiteco fizika aŭ morala: iu el liaj fratoj elaĉetu lin [31]; elaĉeti el sklaveco [32]; se iu volos elaĉeti ion el sia dekonaĵo, li aldonu al la valoro kvinonon [33]; mi volas min elaĉeti el mia servado, mi estas sufiĉe riĉa por tio [34]! elaĉeti sian liberon [35]; ĉe la Romanoj, la sklavoj povis sin elaĉeti; (vd emancipi) laŭ kristana kredo, Jesuo elaĉetis la homojn per sia morto; Kristo elaĉetis nin el la malbeno de la leĝo, fariĝinte malbeno pro ni [36].

Malaperigi la varojn el la merkato aĉetante ĉiom: foraĉeti por vi la tutan viandon en la tuta urbo [37].

Reakiri ion per mono, kion oni pli frue vendis aŭ perdis: se via frato malriĉiĝos kaj vendos ion de sia posedaĵo, sed venos reaĉetanto, lia proksima parenco, tiam li povu reaĉeti la venditaĵon de sia frato [38]; [li] ordonas al mi reaĉeti de la ŝtelistoj la pakaĵojn, kiujn oni ŝtelis de li [39]; reaĉeti la bienojn, donitajn kiel garantiaĵo [40]; interligo de la okazoj […] kondukis vin en nian galeron, kaj […] vi reaĉetis (elaĉetis) nin [41].

(tr)

[acxet.sub0i.EKON]
en:

Maljuste akiri ies favoron per mono, donacoj aŭ promesoj por faciligi sukceson de afero: la policisto [estis nur] fripono, kiun oni povas facile subaĉeti [43]; li mortigas vin per via amo, li eĉ vian patran koron mem subaĉetis, por fari finon al via vivo [44]; tribunalo, kiun vi neniam povos subaĉeti per skeptika saĝumado, […] faros juĝon kontraŭ vi [45]; mi subaĉetis la gardiston, ke li cedu al ŝi sian ĉambreton [46]; ĉu usonaj kompanioj (kiel tiuj en aliaj landoj) ne subaĉetas funkciulojn por ricevi profitigajn kontraktojn kaj sukoplenajn mendojn [47]? korupti, ŝmiri

[acxet.0opovo.EKON]
en:

Riĉo de homoj mezurata laŭ la aĉetoj, kiujn ili povas fari depende je la prezoj: komputiloj preskaŭ ĉiam havas la saman prezon; eble oni determinas la prezon laŭ la aĉetopovo de la klientoj [48] ilia aĉetpovo rapide erodiĝas dum ĉiuj importitaj kaj la plej multaj rusiaj varoj plikostiĝas, dum la salajroj ne altiĝas [49].