¹ŝanc/o ^PV

Ebleco de sukceso: ŝi havis bonan ŝancon kaj iom post iom regajnis preskaŭ same multe, kiom Kristoforo antaŭe perdis [1]; [tiu] afero […] ne havas eĉ la plej malgrandajn ŝancojn de sukceso [2]; tiuj lingvoj […] la plej multe havas da ŝancoj por esti elektitaj kiel internaciaj [3]; diversaj lingvoj havas por tio ĉi pli-malpli egalajn ŝancojn [4]; post kelkaj monatoj mi havis neesperitan ŝancon [5]; ŝanco al rehonorigo prezentiĝis: mi devis ĝin ekkapti [6]; Pro titol' de ĉampion' // Ĉiu provis sian ŝancon [7]; la ŝanco lin favoris [8]; se estis ia ŝanco fari eraron, li tuj eltrovis ĝin [9]; li pesis en la pensoj la ŝancojn en eventuala batalo kontraŭ la hereda hierarkio [10]. hazardo, probablo, sorto

1.

Hazarde trovanta multajn feliĉigajn okazaĵojn: mi estis bonŝanca, mi vidis lin ĝustatempe [11]; de kiam li ekhavis la bonŝancan ideon forlasi la urbon […], ĉio favoris al li [12]; bonŝanca retrovo de la tiel facilanime forgesita infaneco [13]; Adaha komence sentis sin trankviligita kaj feliĉa pro tiu ŝajne bonŝanca renkonto [14]. feliĉa²probabla, verŝajna

2.

Donanta fortunon: mi alvenas ĝustatempe, dank’ al via bonŝanca stelo [15].

Favora sukceso: se vi bone kondutas kaj havos iom da bonŝanco, vi devas fariĝi almenaŭ iom pli ol farmisto ^HsT ; – kiel lerta vi estas! diris Johano admire, estas ja kvazaŭ magio – bonŝanco, diris Brita [16]; jen […] mi havis la bonŝancon renkonti mian bonamikon, kiu iam enprenis min en sian ŝipon ^Rob ; se iam vi bezonus pluan helpon mi havus la bonŝancon esti en la najbareco ^KKl . fortuno

Hazarde trafata de malfeliĉaĵoj, de malfavora sorto: Jozefino libertempumas sola ĉe la Franca Riviero, sed estas vere misŝanca, ĉar la pluvo ne ĉesas dum tuta semajno [17]; malbonŝanca junulino delasis nesekuran tenon ĉe alta branĉo kaj kraŝfalis teren [18]. mi diros ke mi estis malbonŝanca [19]; la tragedio […] lasis profundan vundon de malplivalora komplekso […] en la animo de la malbonŝanca jura sekciestro [20]; ŝi ĉirkaŭpremis la balailon kaj post unu momento estis super la misŝanca domo [21].

Malfavora malsukceso: ĉiu el la dek-du ludantoj tenis en manoj malgrandan kajeron el kartoj, kornhavan registron por siaj malbonŝancoj [22]; li estis partopreninta diversajn spekulaciajn aferojn […] kaj lia luda malbonŝanco ĉiam akompanis lin ^HsT . malbeno, malfeliĉo, fatalo

Kiu ne havas ŝancojn de sukceso, senperspektiva, senespera: se ekzistus ia Baghy-a skolo, certe ĝi ne estus vana kaj senŝanca [23]; la pozicio estas grava sed ne senŝanca […] mi plene certas pri la fina venko [24]; du senŝancaj admirantoj de bela organizantino [25].