^*Ä¥or/o ^UV

1.

[hxor.0o.kantistaro]

Grupo da homoj, unusone aŭ plurvoĉe kantantaj: virina, knaba ĥoro; la miksita ĥoro alkantadis aŭ respondadis ĉe la destinitaj lokoj [1]; la orgeno ludis, kaj la ĥoro de la infanaj voĉoj sonis milde kaj ĉarme [2]; mi starigis du grandajn ĥorojn kaj procesiojn [3]; ektondris ie alte, de sub la ĉielo, kvazaŭ eĥo de anĝela ĥoro [4]; (figure) neniam antaŭe ŝi aŭdis tian ravan ĥoron de birdoj [5]; (figure) senkuraĝaj voĉoj perdiĝas en la laŭtega ĥoro de la kriistoj kaj mokistoj [6]; (figure) milvoĉa ĥoro de susurantaj kaj trumpetantaj aŭtoj kantadas sian himnon al la vekiĝo de nova tago [7]; membroj de mia ĥoro [8]. koruso

2.

[hxor.0o.MUZverko]

Ĥoraĵo: sinjoro kapelestro, mi devas diri al vi, ke la ĥoroj estis hodiaŭ ekstreme malbonaj [9]; Beethoven enigis ŝanĝon – en lia 9-a simfonio sonas ĥoro [10]; (figure) ĥoro de voĉoj subtenis lian vortojn [11]; (figure) ĉiuj gratulas per brua ĥoro [12].

3.

[hxor.0o.TEA]

En la antikvaj teatraĵoj, kolektiva rolulo kiu prezentas la publikan opinion aŭ emocion: ĥoroj de nimfoj; ĥoro de pastrinoj plenumis solenan dancon [13]; ĥoroj estis necesa parto de la rolantaro en la klasikaj dramoj [14]; vi prenis sur vin la rolon de la antikva ĥoro [15].

[hxor.0ajxo.MUZ]

Muzikaĵo verkita por esti kantata de ĥoro: la enira ĥoraĵo de la Mateo-Pasiono [16]. ĥoralo

[hxor.0ano.MUZ]

Kantisto, kiu partoprenas en ĥoro: la direktanto, alestante ĉe la provo de la ĥoranoj, diras: — vi kriegis hieraŭ kiel brutaro [17]. korusano

[hxor.0ejo.ARKI]

Loko de preĝejo kie kantas ordinare la preĝeja ĥoro: trans la sojlon de la preĝejo ŝi eniris al la ĥorejo [18]; restis nur en la ĥorejo la paroĥestro, kiu sin senvestigis kaj la filo de Valentino, kiu daŭrigis sian nevekeblan dormadon [19]; la ĥorejo, ŝtuparoj, partero, amfiteatro, muroj, ĉio, kio estis kun mi, super mi kaj sub mi, ĉio ektondris en potenca kriego ^Metrop ; en malnovaj kasteloj oni starigis sur ĥorejo orgenon [20].

Rim.: PV, laŭ la franca kutimo, lokas ĥorejon en la altarejon („malantaŭ la altaro“). Tio ne ĉiam ĝustas eĉ por la romkatolikaj kirkoj (kie la ĥorejo povas esti, ekz-e, en la mezo de la navo), kaj ĉiam malĝustas por la ortodoksaj kirkoj, kie la ĥorejo nepre estas ekster la altarejo (antaŭ la ikonostazo kaj en okcidenta galerio). Cetere, ĥorejon povas havi ankaŭ senaltaraj preĝejoj (kapeloj). [Sergio Pokrovskij]

[hxor.0estro.MUZ]

Muzikisto, kiu trejnas kaj gvidas ĥoron: citristoj kaj atenaj kantistoj atendis la signon de sia ĥorestro [22]; malsanis la ĥorestro, kaj la ekzercado ne okazis [23].

[hxor.0isto.MUZ]

Profesia ĥorano: ĥoristoj kune kantis 4-voĉajn melodiojn [24]; temas ne pri ĥoristino, sed pri virino kiu dancas duonnude kaj burleske [25].