^*ĉarm/a ^UV

Delikate plaĉa kaj loga pro sia agrableco: ĉarma virino, vizaĝo, ornamo, vesto, rakonto, kamparo; ĉarma por la okuloj [1]; li ekvidis la portreton de la ĉarma princino, ornamitan per oro kaj diamantoj [2]; [la krono] donos ĉarman ornamon al via kapo [3]; vi estas bela, mia amato, kaj ĉarma [4]; ĉarma, najtingala voĉeto ^Marta ; [la] memoro […] ekridetis nun al la malfeliĉulino kun ĉarma maldolĉeco de perdita paradizo ^Marta ; sur ŝia vizaĝo estis ĉarma decida trankvileco [5]; per neklaraj sed ĉarmaj konturoj, vidiĝis kampara dometo kun verando kovrita de hedero ^Marta ; rigardu tiun ĉi pentrindan pejzaĝon, la ĉarman vesperon [6]; al ĉiu sia propra estas ĉarma kaj kara ^PrV . agrabla, aminda, freŝa, gracila, linda, mirinda, simpatia², vigla²

Kvalito, logo de tio, kio estas ĉarma: ĉarmo estas sur viaj lipoj [7]; li ne atentos ĉarmon de virinoj [8]; vizaĝo preskaŭ virina, al kiu aldonis ĉarmon la kolero kaj la sunbruno [9]; Sara, pli kredeble viaj ĉarmoj ol via kanto dispelos mian ĉagrenon [10]; la knabino ne estis perfekte bela, sed ŝi posedis la freŝecon de deknaŭ jaroj kaj la ĉarmon de siaj vivaj movoj [11]; mi ne donus cent belulinojn por ŝia simpla, modesta ĉarmo [12]; fortepiano kaj violonĉelo […] ĉirkaŭis per ebriiganta ĉarmo la knabinon [13].

(tr)

Delikate plaĉi kaj logi: la malĉastistino […] ĉarmas per sia beleco [14]; muzikistaro ĉarmis la vizitantojn per lerta muzikado [15]; li estis belulo, turnis la kapojn al la virinoj […] bedaÅ­rinde, neniun li povas ĉarmi ĉi tie [16]; lia ŝanĝita animstato sendube ĉarmos vin, malgraÅ­ via emo rigardi ĉion per la okuloj de praktikemulo [17]; la beleco de la pejzaĝo ĉarmis ilin pli ol ĉio alia, kion ili vidis [18]. amuzi, delekti, flati, ĝojigi, kaĵoli, plezurigi, tenti¹, ravi

Havigi ĉarmon al io: agrabla babilado ĉarmigis la vojaĝon; kiam li ĉarmigas sian voĉon, ne kredu al li [19].