^*blind/a ^UV

1.

[blind.0a.MED]

Sen vidpovo: preterirante, li vidis viron blindan de post la naskiĝo [1]; mi aŭdis nur la blindan Petron, ludantan sur sia violono [2]; (figure) supre premiĝas unu al la alia iuj mallumaj blindaj dometoj ^Metrop ; eĉ blinda kokino povas trovi grajnon ^PrV . muta, surda

2.

[blind.0a.FIG]

(figure) Ne kapabla ĝuste kaj kritike juĝi; ne distinganta malsamajn aferojn: blinda kaj senkritika alproprigo de stilo erara [3]; liaj gardistoj ĉiuj estas blindaj, senkomprenaj [4]; sur la tero […] regis la blinda (sendistinga) forto kaj hazardo [5]; plej varmega blinda ŝovinismo [6]; la pika, morda, sagaca ironio de Volter estas […] senkompare taÅ­ga por disbati la malbonojn, kreitajn de la blinda sento, de la stulta tradicio [7]; ĉe kredantoj tion ĉi malpermesas la blinda kredo [8]; blinda (indiferenta, ignora) por ĉiu danĝero [9]; sorto, la krueleco de la blinda okazo ^Marta ; kia blinda (stulta) azeno mi estis [10]! ĉu vere Herbeno estis tiel blinda, ke li ŝin trompis kun malĉastulino [11]. distinga¹

3.

[blind.0a.FIG_netravidebla]

(figure) (malofte) Ne ebliganta la normalan travidon: blindaj fenestrovitroj [12].

Rim.: Laŭ BL: (en la senco de „senfenestra“) prefere diru senfenestra.

1.

[blind.0e.MED]

Kiel blindulo, sen rigardi, sen vidi: ekfajfis kelke da ŝtonoj, blinde ĵetitaj, unu trafis la frunton de Sara [13]; metinte sian malkovritan kapon sur la ĉevalan nukon, li kuris nur en tuniko, blinde, ne rigardante antaŭen kaj ne atentante malhelpaĵojn [14]; nigre vestita virino rapide trapuŝiĝadis tra la amasoj da pasantoj, kurante blinde en la direkto al Nowy Swiat ^Marta ; mi blinde pafos, eble trafos ^PrV .

2.

[blind.0e.FIG]

Sendistinge, senkritike, senplane, trafe-maltrafe: anstataŭ blinde babiladi diversan teorian sensencaĵon, iru kaj rigardu la faktojn [15]; la nunaj lingvoj kreiĝis blinde per si mem [16]; ni agas ankoraŭ blinde kaj riskas, ke nia laborado pereos vane [17]; ni tamen blinde kredu, ke […] [18]; blinde rutina riproĉo [19]; blinde ripetadi frazojn [20]; la stilo Esperanta ne imitas blinde la stilojn de aliaj lingvoj [21].

[blind.0eco.MED]

Nepovo vidi: Li frapis ilin per blindeco, konforme al la vorto de Eliŝa [22]; blindeco, plena aŭ parta surdeco, aŭ alia grava fizika manko povas prezenti seriozajn malhelpojn [23]; (figure) [ŝi] tiel malnoblamaniere min perfidis, trouzante la blindecon, en kiun min ĵetis la tro granda amo al ŝi [24].

(tr)

1.

[blind.0igi.MED]

Senigi momente aŭ definitive je la vidpovo: la fulmoj blindigis ŝiajn okulojn [25]; larmoj blindigis miajn okulojn [26]; li de legado preskaŭ blindigis siajn okulojn, ĉar […] lia patrino ne havis rimedojn, por aĉeti kandelojn [27]; la terura suno de la dezerto […] rostis kaj blindigis [28]. blindumi

2.

[blind.0igi.FIG]

(figure) Konfuzi la juĝpovon, senigi je sagaco: subaĉeto blindigas la okulojn de saĝuloj kaj konfuzas la aferojn de justuloj [29]; la vortoj […] falis en la profundon de ŝia brusto kun forto de narkotaĵo, kiu streĉas la nervojn, blindigas la penson ^Marta ; niaj artifikoj, ruzoj, petoj kaj trompoj ne povis blindigi liajn okulojn de Arguso [30]; nur tiuj, kiuj sin blindigas memvole, ne vidos en tiu okazintaĵo la manon de Dio [31].

(ntr)

1.

[blind.0igxi.MED]

Iĝi blinda, perdi la vidpovon: de tiu tuta brilo la knabo kvazaŭ blindiĝis [32]; li komencis blindiĝi jam en sia infanaĝo, sed eĉ nun li ankoraŭ iom vidas [33]; pro la suna lumo malsaniĝis liaj okuloj, kaj li blindiĝis [34]; li blindiĝis pro eksplodinta mino [35].

2.

[blind.0igxi.FIG]

(figure) Malĝuste taksi situacion, ne vidi la realon, la veron: la maljunulo parolis pri la vivo, vero, amo, Dio, kaj liaj pensoj blindiĝadis (konfuziĝis) [36].

1.

[blind.0ulo.MED]

Homo, kiu ne povas vidi: antaŭ blindulo ne kuŝigu falilon [37]; kiel blinduloj ili vagadis sur la stratoj [38]; neniu blindulo povas imagi sian vivon sen brajlo, foje tio estas la sola maniero skribi aŭ legi ion [39]; inter la blinduloj reĝas la strabuloj ^PrV ; blindulo kartojn ludi ne devas ^PrV . kriplulo

2.

[blind.0ulo.FIG]

Homo ne klarvida pri situacioj, malprudenta: ĉu blindulo povas gvidi blindulon? ĉu ne falos ambaŭ en fosaĵon [40]? edukito ne farus blindulon honorata korifeo [41].

(tr)

[blind.0umi.KOMUNE]

Momente blindigi: julia sunradio posttagmeza blindumis ŝin [42]; kelkaj sinjorinoj skribu en ĉi tiu notlibro iujn ajn nombrojn, kaj Madame Zila, kiu sidas tute blindumita, sumigos ilin [43]; momenta blindumo de sensoj [44].

(tr)

1.

[blind.mal0igi.MED]

Vidkapabligi (blindulon): ili aŭskultis ŝian rakonton kaj estis tre kortuŝitaj de ŝia sindediĉemo al la patro kaj volo fari ion ajn por malblindigi la patron [45].

2.

[blind.mal0igi.FIG]

(figure) Revenigi al iu la prudenton kaj juĝopovon, igi iun ĝuste kompreni situacion pri kiu antaŭe li havis iluziojn.

(ntr)

1.

[blind.mal0igxi.MED]

(pri blindulo) Akiri aÅ­ regajni vidpovon.

2.

[blind.mal0igxi.FIG]

(figure) Retrovi la prudenton kaj juĝopovon, ĝuste kompreni situacion pri kiu antaŭe oni havis iluziojn: subite Vitalij malblindiĝis, – kion li faras ^Metrop ?

[blind.vort0a.MED]

Malfacile leganta kaj skribanta pro konfuzoj pri signoj; disleksia: Iuj vortblindaj legas tre malrapide kaj estas devigataj, literumi vortojn literon-post-litero [46]

[blind.vort0eco.MED]

Konstanta mislegado kaj misskribado pro konfuzoj pri formoj kaj ordoj de signoj; disleksio.