¹balast/o ^JED

1.

[balast.0o.TEK]

Ŝtonoj, sablo aŭ aliaj pezaj materialoj, per kiuj oni ekzemple ŝarĝas ŝipojn por konservi ekvilibron, aŭ aerostatojn por plipezigi ilin: marakva balasto de submaraj ŝipoj; ni ne ricevis kargon, kaj oni ordonis, ke ni veturu hejmen kun balasto [1].

2.

[balast.0o.FER]

Samspeca ŝarĝaĵo ŝutita sur fervoja grundo, por firmigi la transversajn trabojn: niaj fervojlinioj havas balaston el ŝotro […] pli granda ol 25 mm-oj, kaj malpli granda ol 65 mm-oj [2].

3.

[balast.0o.FIG]

(figure) Senutila superfluaĵo, superflua malfacilaĵo: kelkaj formoj, kiuj ŝajnis al mi riĉaĵo, montriĝis nun en la praktiko senbezona balasto ^VivZam ; ni tie ĉi forlasos ĉian superfluan balaston kaj parolos al vi nur en la nomo de la nuda logiko [3]; Renato Corsetti […] opinias la Centran Oficejon financa balasto por la movado [4]. ĵuĵuo, rubo

[balast.0a.FIG]

(figure) Superflua, malnecesa: estas necese ordigi kaj sistemigi tiun internacian lingvomaterialon kaj liberigi ĝin de balastaj akcesoraĵoj kaj absurdaĵoj [5]; li nur sukcesis trudi dubkvalitan aŭ eĉ balastan varon [6]; kiamaniere indiki […] sen balastaj kaj klarigaj frazoj, pri la celata ironio [7]? ĝena, teda

(tr)

[balast.0i.KOMUNE]

Ŝarĝi per balasto: (figure) mi nome trinkas […] dum malvarma vetero por varmiĝi aŭ dum venta vetero por min balasti kontraŭ forbloviĝo [8]; tiu ŝtata aldono balastis pasintmonate per ĉirkaŭ 3,6 cendoj por kilovathoro la prezon postulatan de la energientreprenoj [9]; [tio nur] balastas, se ni regurdas […], kion ni jam scias pri evento jam de longe pasinta [10].

(tr)

[balast.sen0igi.KOMUNE]

Forigi de io la balaston, malembarasi: la Majstro emis pli kaj pli senbalastigi sian stilon [11]; oni povas ege senbalastigi la lingvon: anstataŭ ministerio oni diras ministrejo, anstataŭ sekretariato, sekretariejo, anstataŭ redakcio, redaktejo, ktp [12]; senbalastigi terure ebriajn maristojn je kelkaj kilogramoj, en tiuj kazoj, kiam la sitelo sufiĉe frue estis atingita [13]. kribri, malpezigi, malŝarĝi

Seniĝi je balasto, forigi pezaĵon, embarasaĵon; malpeziĝi: viro rakontas pri utopio, insulo Klaŭstralio, en kiu la socio senbalastiĝis je kelkaj ĝenaĵoj [14].

(frazaĵo)

[balast.lastesedne0e.KOMUNE]

En la fino, sed tamen grave: laste sed ne balaste, refreŝigaĵoj atendis en la babilemiga kaf-ĉambro [15]; ne forgesu viajn aŭskultantojn kaj laste, sed ne balaste, vian voĉon! [16]; ĉirkaŭ mil personoj […] laboristoj, mediaktivuloj, studentoj kaj artistoj, kaj laste sed ne balaste sep maldekstraj senatanoj [17].