^*rub/o

1.

Rompitaĵoj el ruinigita konstruo: el la rubo de la vilaĝana domo elstaris nur kelke da nigraj karbigitaj traboj kiuj apogis sin al la kamentubo [1]; la remparon oni povis ankoraŭ vidi, sed ĉirkaŭe estis rubo, nenio krom rubo [2]; en barelo de balaaĵoj […] kuŝis diversaj forĵetaĵoj: trunketoj de brasiko, balaaĵo, ankaŭ musko kaj rubo, kiuj defalis de la tegmento [3]; Kapitolo falos en rubojn, Palatino falos en rubojn, ho Zeŭso ^QuV ! ruinaĵo

2.

Forĵetaĵoj; rompitaĵoj el iu ajn objekto: vizitinte la subterajn galeriojn de la kastelo, li trovis en amaso da ruboj kupran vazon plenan da […] moneroj ^KPr ; kuirejaj ruboj ^Lanti ; ruboĉaro [4]; aluminia rubo [5]; nuklea rubo [6]; rubodeponejo (vd rubejo) [7]; rubobruligejo [8]; por produkti unu tunon da papero, oni bezonas 1,8 tunojn da rubopapero [9].

3.

(figure) Senvaloraĵoj, balaaĵo² ks: [mi] rigardas ĉion kiel rubon, por ke mi gajnu Kriston [10]; liberigi la vojon el la ruboj de la superstiĉoj [11]. koto

Loko, kien oni forĵetas la rubon: nerecikligeblajn rubaĵojn […] oni forportas al regiona rubejo [12]; ĉiujare en Japanio estas produktataj 450 milionoj da tunoj da rubo: rubejoj tre rapide pleniĝas [13].

Ujo en kiun oni forĵetas rubon: stratoj kaj domoj estas kvazaŭ rubujo ― granda rubujo [14]; vi tre verŝajne preferus ĵeti la libron en la rubujon, anstataŭ legi post la unuaj kelkaj paĝoj [15]; iuj traserĉas rubujojn de ĉiovendejoj kaj vivas de forĵetitaj sed ankoraŭ konsumeblaj manĝaĵoj [16]; (figure) la lastaj agoj de diktatoro, staranta antaŭ la rubujo de historio [17].

Rubo konsistanta precipe el feraĵoj: li eniris […] ŝarĝita per tintanta ferrubo [18]; post la dua mondmilito oni vendis ambaŭ kanonojn por ferrubo [19].