¹rutin/o ^PV

1.

Lerto akirita per ripetado kaj longa kutimo: li jam laboras kun certa rutino, li ne bezonas plene atenti pri ĉiuj detaletoj en la manmovoj [1]; ili akiris fakte grandegan rutinon, iliaj metodoj estas preskaŭ mirindaj pro sia sagaco [2]; oni devos ree fidi al rutino: pacienca serĉado fare de tuta taĉmento da policanoj [3]. sperto¹

2.

Nevenkebla kutimo, pro kiu oni konstante kaj senpense plenumas sammaniere samajn agojn; manio¹: en la afero de lingvo internacia la rutino kaj spirita inercio komencas iom post iom cedadi al la sana prudento [4]; la parolarto malsupreniris al la nivelo de ordinara rutino [5]; eliĝu el la malvasta rutino de via vivo, eliĝu el vi mem [6]! ne plu plaĉas al ili la vojsulko de la rutino [7]; klera virino, kiu ne povas travivi en palaco katenita al rutino kaj tradicio [8].

1.

Lerta per rutino: ilia klakado superis la laboron de la plej rutina regiment-tamburisto [9]; urĝa kaj ege kompleksa tasko estos remeti la rutinan funkciadon de la oficejo sur bonajn relojn [10]. normala, regula², suverena²

2.

Fariĝanta laŭ rigida maniero, laŭ senpensa rutino: senutila sensencaĵo, [sed ja] konforma al la rutinaj ideoj de la amaso [11]; blindigita per la rutinaj kutimoj [12]; mi ne povas skui lin en lia rutina proceduro [13]; li demandis min, ĉu mi volas partopreni lian rutinan matenbanon [14]. monotona, stereotipa², ŝablona²

Volonte aganta laŭ rutino, ĉiam senŝanĝe: „ĝentiluloj“ […] estas ceremoniemaj kaj rutinemaj eĉ en parolo kaj paŝado [15]; ili informiĝis pri la veturkutimoj de l’ junulo, kiu, pri similaj aferoj, estis tre rutinema [16].

(ntr)

Iĝi konstanta, malfacile ŝanĝebla agmaniero: kiam ni konstante faras la samon, nia agado rutiniĝas kaj iĝas ne interesa [17]. gurdi², kuntreni

Tiu, kiu prefere agas laŭ rutino, ne ŝanĝante sian manieron, siajn kutimojn: obstinaj rutinuloj kaj malamikoj de ĉio nova ^EE ; la enkonduko de lingvo internacia pli aŭ malpli frue nepre kaj sendube efektiviĝos, kiom ajn la rutinistoj batalus kontraŭ tio ĉi ^EE ; li ne estas rutinulo kaj malprogresema formalisto, […] neniu grava fenomeno de la socia vivo preterpasas lian atenton [18]. frekventulo, kutimulo