^*rigid/a

1.

Malfacile fleksebla: rigida tola jupo [1]; li havis kapdoloron, lia kolo estis tute rigida [2]; predikistoj […] kun la rigidaj kolumoj kaj longaj nigraj roboj [3]; Gerda estis tiel rigida de malvarmo, ke ŝi ne povis paroli [4]; la dorso fariĝis rigida, la brakoj kaj manoj estis rigidaj, ŝia tuta korpo estis kiel statuo [5]; ŝi […] sidiĝis en la apogseĝo malproksime de la torĉo kaj pasigis kelke da horoj en duondorma rigideco [6]. fiksa, firma¹, katalepsio, paralizita, senmova, ŝtonigita

2.

Obstine sama, necedema, ne adaptiĝa al la bezonoj kaj cirkonstancoj: rigida karaktero; tio ĉi povus naski la penson, ke nia lingvo restos ĉiam rigida [7]; la rigidmiena mastrino de la oficejo ^Marta ; rigida stilo. rigora, severa

En fiksa, necedema maniero: tie sidis hundo […] kaj rigide lin rigardis [8]; sur la supro de la tegmento rigide kaj senmove staris la cikonio [9]; [li] tenis la kapon alte kaj staris fiere kaj rigide [10]; malsano venas rapide, foriras rigide ^PrV ; promesi mi ne povas, respondis la mastrino monotone, ĝentile, sed rigide ^Marta .

(ntr)

1.

Iĝi malelasta, sengesta, malfacile fleksebla: la dika ŝafa pelto, malsekigita de sango, rigidiĝis de frosto [11]; pro la terura spektaklo Adamson rigidiĝis kaj mutiĝis [12]; la haroj sur mia korpo rigidiĝis [13]; lia edzino rakontis al li tion, kio okazis, tiam rigidiĝis en li lia koro, kaj li fariĝis kiel ŝtono [14]; la birdo ne estis mortinta, ĝi estis nur rigidiĝinta, nun ĝi varmiĝis kaj denove ekvivis [15].

2.

Persisti en sia necedemo: en la decid’ kruela rigidiĝis ^Ifigenio ; mia popolo rigidiĝis en la defalo de mi [16].

Firme, spasme fiksiĝi ĉe io: li leviĝis kaj frapis la Filiŝtojn, ĝis lia mano laciĝis kaj alrigidiĝis al la glavo [17]. kroĉiĝi

Fleksebla, elasta: junkoj […] ekstreme […] malrigidaj [18]; signoj de malrigidigo de la planata ekonomio [19].

kontrakturo