^*registr/o ^PV

Listo, paĝo, libro, dosiero... en kiu oni registras: en la fino de la verko estos presita alfabeta registro de temoj ^PrV ; ili havis apartan genealogian registron [1]; mi enskribas ĉiujn naskitajn infanojn, post kiam mi baptis ilin […en] la preĝejan registron [2]; ĝi estas tro granda kalkula problemo, se oni volus kunmeti plenan registron de liaj bonaj ecoj [3]; [mi] iris rekte al la poŝtoficejo kaj enrigardis la registron de urbaj komercaj adresoj [4]; ni konas el la registro la diversajn en- kaj elvenojn [5]; [vi] ne troviĝas en la registroj de balotintoj [6]. etato, indekso, matrikulo, statistiko³

Rim.: La vorto devenas el latina ‚regerere‘, t.e. alporti, enskribi.

registro (muz.), reĝistro (komp.)

(tr)

1.

Orde kaj metode skribi en tiucela libro aŭ kajero ciferojn, notojn pri faktoj, dokumentoj ks, pri kiuj oni volas konservi memoron: la restaĵo de la arboj […] estos malgrandnombra, kaj knabo povos ilin registri [7]; la popolon […] registri [8]; ĉiuj iris, por esti registritaj, ĉiu al sia urbo [9]; ĉiuj ili estis registritaj laŭ siaj nomoj [10]; kiu ankoraŭ ne enregistris sin ^Metrop ? la pakaĵojn oni n[…]registris en notlibroj [11]; li promesis zorge registri ĉiujn kritikojn kaj post ilia esploro enkonduki en la lingvon ĉiujn ŝanĝojn necesajn [12]; [tiu kreskaĵo] estas variaĵo! li diris […], ĝi ne estas registrita en la sistemo [13]! nenie estis registrita lia alveno, al neniu li prezentis sian pasporton aŭ alian paperon [14]; registrita letero [15]; ŝi sendis sian koverton en pli granda koverto per registrita poŝto [16]; la kvanto de registritaj TTT-ejoj atingis 101 435 253 [17]; la malsano estas registrata preskaŭ en ĉiuj kontinentoj [18]. enlistigi

2.

(figure) Atenti por memori pri io: la lingvo […] estas produkto, kiun la individuo registras pasive [19]; li rigardis ŝian vizaĝon, sed ne sukcesis registri tremeton en ŝia mieno [20]; Jano registris tiujn faktojn sen granda surprizo, li pri tio interesiĝis nur pro kompleteco [21]; tion mi duonkonscie mense registris, kiam mi legis la leteron [22]. rimarki, noti

3.

Aŭtomate ekkonservi per spuroj, signoj aŭ kodoj.

a)

Tiel spuri la variojn de iu fenomeno: per videa kamerao oni registras la ir-vojojn de la vezikoj [23]; la skanilo registris la respondan cerban aktivecon, mezurante la sangan fluon [24]; ĝian eksplodon registris eĉ sismografoj en Bavario [25]; tiujare en Britio staris 4,2 gvataparatoj, do unu kamerao por 14 loĝantoj, ĉiu civitano estas registrata meznombre 300 fojojn tage [26]! detekti

b)

Tiel fiksi ricevatajn datumojn: Onezimo certe estis registranta sur kasedon sian tamtaman dancprogramon [27]; sonbende registritaj prelegoj, radioelsendoj, kantoj [28]; la parolistoj […] registris tiujn sondosierojn [29].

filmi, skribi², surbendigi

Ago registri: eliris dekreto de Cezaro Aŭgusto, ke la tuta mondo estu registrita, ĉi tiu estis la unua registrado, farita, kiam Kirenio estis reganto de Sirio [30]; Berg eksigis tri laboristojn, agitintajn kontraŭ nova formo de laborregistrado ^Metrop ; en pli ol dudek jaroj da atenta aŭskultado kaj da registrado de parola esperanto mi neniam spertis unu miskomprenon ŝulditan al mal- [31]; poŝkomputiloj ebligas eĉ registradon de sono [32].

Tio, kion oni registras: magnetofona registraĵo de intervjuo kun la aktoro [33]; kompleta eldono de ŝiaj registraĵoj sur 72 kompaktaj diskoj [34]; spekti la koncertajn registraĵojn de la egipta kantistino [35].

(ntr)

Enmeti sian informon, nomon kaj ceterajn, en liston, en registron por konservo; enskribiĝi: enigu vian retpoŝt­adreson per kiu vi registriĝis kaj ni retpoŝte sendos instrukciojn [36]; Wadjda, estas ribelema 14-jaraĝa knabino, kiu enregistriĝis por loka konkurso de legado de la Korano [37].

Aparato, kiu povas registri kaj konservi sonojn: mi ĵus akiris sonregistrilon Olympus LS11 [38]. diktafono, magnetofono

Mezura planaro de la bienoj kaj terposedoj, starigita por difini la terimpostojn kaj eviti koliziojn inter terposedantoj: en regiono „Alsace-Lorraine“ validas la sistemo de la germana juro: la proprieton transdonas la enskribo en terenregistron [39]. bienetato, katastro

Aparato aŭ parto de aparato por videa registrado de bildoj: fabrikanto inventis aparaton, kiu […] malebligas rapidigi videoregistrilon dum la reproduktado de reklamoj [40]; la procedo de la ekzameniĝo fiksiĝas per videoregistrilo [41].

Libro uzata kiel registro¹: la hotelmastro […] montris al mi sur sia registrolibro la nomojn de du vojaĝantoj [42]; personoj listigitaj en la registrolibro kiel elirintaj inter la 17-a kaj la 19-a [43].