^*lang/o ^PV

1.

Movebla mola karna organo en la buŝo, servanta por gustumi kaj paroli: [li] lektrinkos akvon per sia lango, kiel lektrinkas hundo [1]; se vi volos rajdi rapide, klaku per la lango kaj kriu hop hop! [2]; estis tiel varmege, ke la lango de Joĉjo algluiĝis pro soifo al la palato [3]; [li] akceptis lin kore kaj donis al li sur la tablon bovan langon kaj kruĉon da biero [4].

2.

Tiu organo, ĉe la homo, konsiderata kiel sidejo de parolkapablo: ili parolas kun mi per mensogema lango [5]; mi havas nelertan buŝon kaj nelertan langon [6]; [nenio] povis konkuri […kun] la perfekta ekzerciteco de iliaj langoj ^Marta ; kvankam ŝi estis malbela, tamen, havante […] lertan langon, ŝi iam turnis sur sin la okulon de la sinjoro ^Marta ; mia koro ne aŭdis, kion mia lango fanfaronis [7]; vendis min la malbenita lango, vendis [8]! vi estas decidema homo, — soldata koro, haroj sur la lango [9]! vi tie murmuras inter la dentoj, kvazaŭ ia monstra sekreto sidus sur via lango [10]; mi elŝiros al vi el la buŝo vian malbenitan langon [11]! [li] gardas sian buŝon kaj sian langon (silentas) [12]; (figure) lia nomo estas sur ĉies lango (li estas tre fama); „Fajro sur mia lango“ (poemaro de Edwin de Kock) [13]; plej bona gvidilo estas la lango ^PrV ; kion koro sentas, lango prezentas ^PrV ; la lango de virino estas ŝia glavo ^PrV ; antaŭ la lango laboru la cerbo ^PrV .

3.

(figure) Io simila al lango: la flamoj elŝovas siajn langojn supren [14]; meze de fajraj langoj […] brulis la pasinteco kaj la animo de Romo [15]; foldo kaj lango (vd junto) estas sistemo por kunigi similajn objektojn rando al rando [16]; kelkaj rokplatoj kuŝis kiel malgrandaj terlangoj en la neprofunda akvo [17]. tenono

Rilata aŭ apartenanta al lango: langa kiso; langa arterio; langa kolbaso; langa konsonanto; langa radiko, dorso [18]; fortikiĝadis la langaj muskoloj, kiuj bezonis sufiĉe da spaco [19]; rea kisado […], ŝtormaj ekscitoj, langaj, okulaj plezuroj, infanoj ili ja ne plu estis [20]; (figure) (frazaĵo) langa vundo plej profunda ^PrV .

1.

Malgranda, mallonga lango: Aleksandro […] elŝovis sian gracian langeton, iom ĉirkaŭdancis kun majestaj movoj [21]; balanciĝis la flamlangetoj de la kandeloj [22].

2.

Elstaraĵo de komputila fenestro, facile alklakebla. Firefox estas kompakta versio de la programo Mozilo; ĝi inkluzivas ŝildon kontraŭ ŝprucfenestroj, Guglo-serĉejon kaj la eblon navigi per langetoj [23].

Centre pendanta, pendola parto de sonorilo, kiu, agitate, frapas la vandon kaj ĝin sonigas: la sonorillango frapis la vandon de sonorilego [24]. frapilo, svingilo^1.a

(tr)

Trinki elprenante fluaĵon per la lango, kiel hundo; lektrinki. leki