tambur/o

^*tamburo

serĉi 'tamburo'

[tambur.0o]

: [tambur.0o.MUZ]; Muzika frapinstrumento konsistanta el malplena cilindro, kies ambaŭ bazaj flankoj estas fermitaj per du maldikaj streĉitaj membranoj el ledo, kiujn oni frapas ordinare per bastonoj: ĉu vi aŭdas la tamburon? bum, bum [1]! promenadi laŭ la takto de tamburo [2]; [li] frapadis sin sur la ventron, ĉar [l]i ne havis tamburon [3]; unu […] komencis ludi duoblan fluton, la alia akompanis ŝin per tamburo, kaj du pli junaj dancis [4]; li metis la manojn kun du bastonetoj sur la tamburon ^Metrop; marŝis soldatoj, blovis trumpetojn kaj batis tamburojn [5]; Margarita postrigardis la procesion, aŭskultante silentiĝi en la foro la melankolian turkan tamburon [6]; tondrigante tamburojn pro bagatelo [7]; malsaĝulo, kiel tamburo ― kiu pasas, lin batas ^PrV. bongo, tamburino, timpano²

1. H. C. Andersen, trad. L. L. Zamenhof: Fabeloj, vol. 2, Neĝa reĝino
2. Frederiko Schiller, trad. L. L. Zamenhof: La rabistoj, Akto Unua
3. H. C. Andersen, trad. L. L. Zamenhof: Fabeloj, vol. 1, Vojkamarado
4. B. Prus, trad. Kazimierz Bein: La Faraono, vol. 1, Ĉapitro XIX
5. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Fiŝkaptisto kaj lia edzino
6. Mihail Bulgakov, trad. Sergio Pokrovskij: La majstro kaj Margarita, 19
7. Cao Xueqin, trad. Xie Yuming: Ruĝdoma sonĝo, ĉapitro 62a, p. 330a

serĉi 'tamburi'

[tambur.0i]

1.: [tambur.0i.SON]; (ntr)
Sonigi tamburon; ritme sonigi ion kvazaŭ tamburon: soldatoj tamburas kaj ludas flutojn [8]; Erich tamburas per la fingroj sur la tablon ^Metrop; (figure) en li vibras printempo, lia koro tamburas [9]; tondro longeĥe tamburis [10]; komerca vojaĝisto tamburis per la piedoj por lin urĝigi [11]; la tamburisto […] transponis la kanton por tamburo kaj tamburis ĝin en la urbo, sur ĉiuj stratoj kaj stratetoj [12]; la kvar edzinoj de Umka tamburas laŭvice sian familian tamburinon kaj kantas [13]. frapi², marteli¹, perkuti²
2.: [tambur.0i.anonci]; (tr)
Anonci tamburante: tamburi alarmon; li ĵetis sin al la najbaro kaj tamburis la pordon ^Metrop; tamburu, tamburu! danĝero, danĝero [14]! alarmi, signali, tamtami², trumpeti²

8. B. Prus, trad. Kazimierz Bein: La Faraono, vol. 2, Ĉapitro XIII
9. Ferenc Szilágyi: La Granda Aventuro, II.
10. Johán Valano: Ĉu li venis trakosme?, 26
11. trad. Ferenc Szilágyi: Vespera ruĝo anoncas ventegon, Harald Beijer
12. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
13. Vasilij Eroŝenko: El vivo de ĉukĉoj, Dua skizo:
14. Henri Heine: La Rabeno de Baĥaraĥ, Ĉapitro II

serĉi 'tamburisto'

[tambur.0isto]

: Iu kies okupo estas tamburado: en plena sunlumo sidis la tamburisto kaj fantaziis sur sia granda tamburo [15]; en la centro estas la obsedoj de la tamburisto, ties ŝamana elvoko de la pasinteco per la tamburo, la serĉado de la origina harmonio [16].

15. Henri Heine: La Rabeno de Baĥaraĥ, Ĉapitro II
16. La Ondo de Esperanto, 2001, №8-9

serĉi 'tamburumo'

[tambur.0umo]

: [tambur.0umo.ARKI]; Cilindra peco aŭ parto de konstruaĵo, ekzemple bazo de kupolo: luksegaj mozaikoj kun ora fono […] tegas la kupolon kaj ĝian tamburumon [17].

17. G. Waringhien: Ni kaj Ĝi, 1972

serĉi 'oreltamburo'

[tambur.orel0o]

(komune)

: [tambur.orel0o.timpano]; Timpano: li enŝovis la fingrojn pli profunden en siajn ambaŭ orelojn, ĉiam pli profunden, kaj fine krevis al li oreltamburoj, kaj nun li jam plu nenion aŭdis [18].

18. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj