^*trumpet/o

Brilsona latuna blovinstrumento kun longa ordinare kunrulita tubo, senvalva aŭ kun tri valvoj: faru al vi du arĝentajn trumpetojn [1]; se la trumpeto donos necertan voĉon, kiu pretiĝos por batalo [2]? sonoris kornetoj, trumpetoj kaj flutoj [3]. ĉaskorno, korneto¹, trombono, tubjo

(tr)

1.

Ludi per trumpeto; signali per trumpetsono: du arĝentaj trumpetoj […] servu al vi por kunvokado […], kiam oni simple trumpetos per ili, tiam kolektiĝu al vi la tuta komunumo [4]; la gardostaranto de la turo […] trumpetis melankolian melodion [5].

2.

Signali trumpetsone, i.a. per korno^1.b: oni trumpetis por batalo [6]; li ektrumpetis per korno sur la monto [7]; kial vi trumpetas alarmon, anstataŭ marŝi [8]? la ŝipo komencis trumpeti sian potencan signalon ^FdO . alarmi, kunvoki

3.

(figure) Disanonci, distrumpeti: ĉu vi volas kuŝi en la malliberejo […] ĝis oni trumpetos la tagon de lasta juĝo [9]? trumpeti pri [invento] al la leganta mondo — ĉio tio ĉi estas tre facila [10]; simio staris sur alta trabaĵo, energie trumpetis pri sia propra lerteco [11]; [li] senĉese trumpetis en niajn orelojn [sian reklamon] [12]. fanfaroni, propagandi

(tr)

Brue disanonci, disfamigi: fiera postiljono de sur pompa kaleŝo kornotone distrumpetis sian alvenon [13]; li distrumpetis, ke mi aĉetis la loĝejon el mono, akirita per banditismo [14]; ĉu ne ĉiuj, ankaŭ Usono kaj Ruslando, distrumpetas sian pacemon [15]? li distrumpetis mensogojn pri [la] filo de la murdita pakistana eksĉefministro [16]. diskonigi, fanfaroni, klaĉi, misfamigi, proklami