ceter/a

^*cetera

serĉi 'cetera'

[ceter.0a]

: Ĉiu restanta, ĉiu alia; ĉiu, kiun oni ankoraŭ ne menciis: ĉemizojn, kolumojn, manumojn kaj ceterajn similajn objektojn ni nomas tolaĵo [1]; la urbestro kaj la ceteraj (ĉeestantoj) kun timo leviĝas de siaj seĝoj [2]; [por] fariĝi akrigisto […] oni bezonas […] nur ŝtonan akrigilon, ĉio cetera troviĝos per si mem [3]; gravuru […] ses el iliaj nomoj sur unu ŝtono kaj la ses ceterajn nomojn sur la dua ŝtono [4]; la dancado, kiel la cetera vivo, estas farata al la homoj tro facila [5]. alia², kroma

1. L. L. Zamenhof: Fundamento de Esperanto, Ekzercaro, § 35
2. N. V. Gogol, trad. L. L. Zamenhof: La Revizoro, Akto tria
3. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Feliĉa Joĉjo
4. trad. L. L. Zamenhof: La Malnova Testamento, Eliro 28:10
5. Charles Dickens, trad. L. L. Zamenhof: La Batalo de l' Vivo, La Batalo de l' Vivo

serĉi 'cetere'

[ceter.0e]

: Krom tio, aliflanke: ili venu […], cetere mi estas tiel laca, ke mi ne povas plu iri [6]; oni ĉesos konstante sin turnadi al mi, […] kiu cetere havas nek rajton nek deziron solvi ĉiujn disputojn propradecide [7]; ŝiaj sekaj okuloj kun flama brilo kaj profunda esprimo senmove rigardis al la blua ĉielo, cetere ŝia tuta figuro estis senmova ^Marta; la supre citita verkisto, en siaj cetere tre belaj rakontoj, volas kredigi, ke ĉiam kaj senescepte tio estas nur akto de prikalkulo [8]. ekster² (tio), krome, parenteze

6. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Tri oraj haroj de la diablo
7. L. L. Zamenhof: Paroloj, Parolado antaŭ la Sepa Kongreso Esperantista en Antwerpen en la 21a de aŭgusto 1911
8. Eliza Orzeszkowa, trad. L. L. Zamenhof: Marta, Antaŭparolo

beloruse:: зрэшты, аднак
ĉeĥe:: beztak, beztoho, ostatně, vlastně
ĉine:: 順便提一下 [shùnbiàntíyīxià], 順便說一句 [shùnbiànshuōyījù], 順便問 [shùnbiànwèn], 对了 [duìle]
france:: d'ailleurs, au reste, du reste
germane:: übrigens, im Übrigen, außerdem, beiläufig bemerkt
hebree:: לעומת זאת
hispane:: además
hungare:: egyébként, egyébiránt, különben
indonezie:: selain itu, sisanya, di sisi lain
itale:: peraltro, inoltre, poi (inoltre)
japane:: そのほかに
nederlande:: overigens
pole:: oprócz tego, poza tym, zresztą, dodatkowo
rumane:: în plus
ruse:: впрочем
slovake:: konečne, koniec koncov, nakoniec, napokon, ostatne
svede:: för övrigt
ukraine:: а втім, зрештою

serĉi 'cetero'

[ceter.0o]

: Ĉio restanta: se iu malsatas, li manĝu […] la ceteron (krom tiu instrukcio) mi ordigos, kiam mi venos [9]; li povis doni pruvon nur pri sepdek unu gradoj da nobeleco kaj ke la cetero de lia generacia tabelo forperdiĝis [10]; la junaj geedzoj tiel freneze sin amegis reciproke, ke la cetero de l’ mondo por ili ne ekzistis [11]; faru vian aferon, Dio zorgos ceteron^PrV. resto¹

9. La Nova Testamento, I. Korintanoj 11:34
10. Volter, trad. Eugen Lanti: Kandid aŭ la optimismo, Ĉapitro I
11. Henri Vallienne: Ĉu li?, Ĉapitro Dua

serĉi 'kaj cetere'

[ceter.kaj_0e]

(frazaĵo)

: Kaj aliaj, ne aparte menciitaj, aferoj: respondoj je ĉiuj demandoj, kiuj tuŝas la lingvon mem, ĝian konstruon, ĝian estontecon, kiel ĝin bone kaj fonde ellerni, […] kaj cetere [12]; oni jam povus komenci la eldonon de plenaj vortaroj, libroj, gazetoj kaj cetere [13]; vi povas aĉeti vestojn, poŝhorloĝon aŭ vi povas iri per via mono en teatron, vi povas vojaĝi per la vagonaro kaj cetere kaj tiel plu [14]; kaj cetere, kaj cetere, daŭris tio ĝis mateno [15]; kaj similaj, kaj tiel plu

12. L. L. Zamenhof: Dua Libro de l’ lingvo Internacia, Dua Libro de l' Lingvo Internacia
13. L. L. Zamenhof: Dua Libro de l’ lingvo Internacia, Dua Libro de l' Lingvo Internacia
14. Hendrik J. Bulthuis: Idoj de Orfeo, Unua Parto
15. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto