^*stang/o

Ĉiaspeca, multe pli longa ol dika, peco el fortika materialo: faru la stangojn el akacia ligno [1]; metu la stangojn en la ringojn sur la flankoj de la kesto, por porti la keston per ili [2]; armi sin per […] stango de lanco [3]; dikaj feraj stangoj estis antaŭ la fenestroj [4]; ŝi estis maldika kiel stango [5]; la ŝipisto kaj lia servanto per siaj stangoj puŝis la ŝipon antaŭen [6]; la giganto […] prenis grandan feran stangon kaj per unu bato disrompis la liton [7]; inter tri-kvar domoj, estis starigita stango, alta kiel masto, kaj sur ĝia pinto pendis florkronoj kaj rubandoj, tio estis la Maja stango [8]. fosto, masto, paliso, ŝtipo, trabo

Peco el iu ajn fortika materio, kiu multe pli longas ol dikas: mi vidis inter la militakiraĵo […] unu stangeton da oro, havantan la pezon de kvindek sikloj [9]; mi komencis pripensadi, kiujn historiojn oni povas ligi kun kolbasa bastoneto, kaj baldaŭ en mia kapo turniĝadis nur bastonetoj, stangetoj kaj najloj [10]; en malnovan rompitan lignan ŝuon […] la knabo starigis […] stangeton kiel maston [11]; miaj manoj doloras pro la senĉesa malvolvado de la rulaĵoj de l’ stangetoj... ĉar se oni foje estas en librovendejo, oni scivolas vidi tion kaj ion ^QuV ; li konstruis tendon […] el stangetoj kaj malnovaj sakoj ^InfanTorent2 ; skrapeti la ungojn per pinta stangeto ^VRA . bastono, vergo

Alta stango kiu supre tenas flagon: li havis flagstangon kaj hisis la svedan flagon ^ViV ; nacia flago [estas] kutime portata ĉe la posta flagstango aŭ ĉe la pinto de gafo sur la postmasto ^MortulŜip ; ĉe la enirejo de IKEA staras du flagstangoj, unu kun la flago de Svedio, unu kun tiu de Rusio [12].

Bastono kun hoko ĉe la ekstremaĵo: laboranto kaptis per hokstango la dikan ŝnuron pendantan je mia talio kaj tiris min sur la bordon [13]; li ordonis, ke Koonen forŝovu de la bordo per hokstango ladujojn, de jaro al jaro ĵetitajn de ili en la maron apud la ŝirmejo [14]; la hokstangisto, kiu staras ĉe la antaŭo, [la barkon] foririgu de la ŝipflanko per sia hokstango [15].

Stango, kiun oni ŝovas sub pezaĵon, mezlonge apogas, kaj ekstreme subpremas por levi la pezaĵon; levilo¹: kvazaŭ mi povus kaŝi […] levstangon sub palpebro [16]!

Stango per kiu oni trapikas manĝaĵopecojn aŭ tutan beston, kaj kiun oni turnas super fajro por kuiro: cervo kun majesta kornaro troviĝis sur rostostango kaj malrapide estis turnata inter du dehakitaj abioj [17]; leporoj kaj kunikloj estis turnataj sur rostostango [18]; dumnokte ŝi kraĉas fajron, trapikas senhelpajn hometojn kaj ilin rostas uzante sian pluvombrelon rostostange ^CKv .

Fera stangeto, per kiu iam (ĝis la mezo de la 19-a jc) oni enŝovadis pafaĵon en la tubon de fusilo: la soldatoj preskaŭ finis reŝargi, ĉiuj metalaj ŝargostangoj ekbrilis subite en la sunlumo dum ili estis tiritaj el la tuboj, turnitaj en la aero, kaj ŝovitaj en siajn ingojn [19].

Iu el la stangoj al kiu estas fiksata velo (bumo, gafo, jardo): la ŝipo […] fariĝis granda, belega, kun silkaj veloj kaj oritaj velstangoj [20]. ni levis tiom da veloj, kiom niaj velstangoj povis elporti ^Rob ; ĉar en la ŝipo troviĝis kelke da ekstraj velstangoj, tri aŭ kvar grandaj traboj el ligno, kaj unu ekstra masto aŭ du, mi komencis fari floson ^Rob ; velstangaro de velŝipo [21]. masto, rigilo