interfer/i

interferi

(ntr)

1.: (pri elektromagnetaj k.a. ondoj) Montri ŝanĝojn de la amplitudo pro interkruciĝo: metaloj per la induktado en la tera magnetkampo […] mem fariĝas magnetoj, ilia magnetkampo interferas kun tiu de la Tero kiel perturba kampo [1].

varia interferado de regulaj cirklaj ondoj
CC-BY-SA-3.0 [2]
2.: (figure) Interinflui, konflikti: la romano havas kvin ĉefajn temliniojn, kiuj interplektiĝas, interferas, disiĝas kaj denove kuniĝas, kreante stereoskopian bildon de la vivo [3]; ĝis nun Sirio interesis Usonon do nur en la mezuro en kiu ĝi interferas kun la interesoj de Israelo kaj de la petrolmonarĥioj [4]; spekuladaj kapitaloj […] interferas kun la lokaj popolaj movadoj, kiuj estas tradicie sendependaj [5]. interagi, interbatali, perturbi

1. Vikipedio, Geomagnetiko
2. https://commons.wikimedia.org/wiki/File:Wavepanel.png
3. , Libroj ― Sagao pri disfloro kaj pereo
4. Diversaj aŭtoroj: Le Monde diplomatique en Esperanto 2011-2013, Unu piedo en Azio, alian en Proksim-Oriento
5. Diversaj aŭtoroj: Le Monde diplomatique en Esperanto 2002-2004, La danĝeroj de la internacia helpismo

1.: Interinfluo de kruciĝantaj elektromagnetaj k.a. ondoj: la frekvenco-mastrumado, kiu celas redukti la interferojn inter satelitoj – ĉiu horo da komunikado perdita pro teknika kialo ja kostas dekojn da milionoj da eŭroj [6].
2.: (figure) Interinfluo pro interago: [tiuj] noveloj estis kreitaj por demonstri la svagan limon inter la reala kaj fantazia mondoj, ilian interferon, reciprokan influon kaj efikon je la protagonisto [7]; [pro] RNA-interfero […], helpe de duĉena RNA, povas okazi ĉeso de transdono de genaj informoj [8].

6. Diversaj aŭtoroj: Le Monde diplomatique en Esperanto 2011-2013, Eta lando, kiu ne havas universitaton
7. La Ondo de Esperanto, Libroj
8. Monato, Vladimir Lemelev: Lastaj opinioj pri la origino de vivo, 2008

: Rilata al interfero: ekestas interfera bildo, en kiu estas lokoj kun pli alta intenseco, kie la ondoj estas samfazaj [9]; interfera konkurado [10]. muara, ondobrila

9. Vikipedio, Interfero
10. Vikipedio, Intraspecia konkurenco

: Perturba influo de lingvo al alia lingvo ĉe ambaŭlingva parolanto: la analizo […] helpas elekti kiujn vortojn enigi en la Esperantan programon kaj kiujn eviti pro la interlingvaj interferoj [11]; la klarigoj kaj la ekzemploj atentas la eblajn lingvajn interferojn ĉe hungaroj [12].

11. K. Smidéliusz: La propedeŭtika valoro konkrete, [Internacia Pedagogia Revuo, 1995:2]
12. -: Eszperantó - Nemzetközi Nyelv [recenzo], 2004

: Iu el la mallumaj strioj, kiuj aperas en luma interfero: kiam oni ricevas la lumfaskojn sur blanka ekrano, aperas brilaj kaj malbrilaj strioj nomataj interferaj franĝoj.

: Speciale aranĝitaj speguloj, per kiuj oni reflektigas la radiojn de la fasko, por ke interfero okazu.