^*bud/o

Senluksa barako aŭ butiketo el lignaj tabuloj: sur la pordo de sia budo li skribis: „eniro senpaga“, granda amaso da publiko plenigis baldaŭ la budon [1]; budo plena de mielkukoj [en] la foiro [2]; kelkaj mizeraj lignaj budoj por Holandaj ŝipistoj […] staris sur la transa bordo [3]; [ili] loĝadis en la lignaj budoj de la Hüskestrato kaj vendadis bieron kaj spicojn [4]; provizore konstruitaj lignaj butikaj budoj [5]; ĉie aŭdiĝis muziko kaj staris budoj kun refreŝigaĵoj [6]; preteriri kradrostbudon [7]; frukto-vendejoj kaj trinkbudoj ^Metrop ; budo sur kukumkampo [8]; budo de selfaristo [9]; bariloj kun gardobudoj (vd posteno, gardistejo) [10]; [ili] alveninte al la pagobudoj (kp kasejo), tutsimple deklaris: „saluton! mi ne volas pagi“ [11]; dum la konferenco Korea E-Asocio funkciigis informbudon [12]. kabano, kajuto, kiosko, laŭbo, pavilonostando, tendo

Budo lokita en balotejo por kaŝi la elekton de partoprenantoj en sekreta voĉdonado: La balotbudo estis adoptita en 1872 de Unuiĝinta reĝlando, en 1877 de Belgio kaj en 1903 de Germanio. [13]

Budo kun podio kaj tegmento, ordinare enĝardena aŭ surplaca, en kiu oni muzikas por la ĉirkaŭa publiko; muzikkiosko: Winston posedas la muzikbudon en la Ponta Strato [14].

Budo en vestvendejo, en kiu oni povas lasi la vestojn kaj surmeti aliajn por provo: „mi volus provmeti tiun mamzonon en la montrofenestro.“ „Nu vidu, sinjorino“ respondas la vendistino, „prefere vi faru tion en la provbudo...“ [15].

Budo en publika loko, en kiu oni povas uzi telefonon: la instruistoj subite aŭdas la voĉon de Susano ene de la telefonbudo [16]; [li] notis la numeron de l’ taksio kaj eniris telefonbudon [17].

Budo ĉe kiu oni vendas ion, precipe en bazaroj kaj foiroj: multegaj […] forkuris el la vendobudoj [18]; en la placo antaŭ la ĉefstacidomo ni preterpasis vendobudojn [19].