^*sufer/i

(x)

1.

[sufer.0i.dolore]

Senti doloron korpan aŭ mensan: la popolo tie suferis pro manko de akvo [1]; suferi malsaton [2] [3] [4]; suferi de la suno [5]; ŝi […] suferis de la frosto [6]; li dum longa tempo suferis en malliberejo kaj malvarmo [7]; mia knabo kuŝas paralizulo en la domo, kaj terure suferas [8]; kapo pekas, piedoj suferas ^PrV ; suferilo [9]; suferplena ĝemo ^Marta . doloro, turmento

2.

[sufer.0i.malfacilon]

Sperti malfeliĉaĵon, malagrablaĵon, malprofiton: ni suferis sufiĉe da malestimo [10]; ili estis juĝitaj indaj suferi malhonoron [11]; longa vico da suferitaj humiliĝoj ^Marta ; vidu, kion mi suferas de miaj malamikoj [12]; li multe suferis pro siaj opinioj; multe ni devis suferi de tiu malvasta pseŭdopatriotismo [13];

a)

[sufer.0i.mankon]

Esti en malbona stato pro nenormala manko de bezonaĵo: junuloj ofte tro suferas je absoluta manko de singardo ^Hamlet ; la krimromanoj laŭ li suferas pro similaj mankoj kiel aliaj Esperantaj verkoj: mallerta tekniko de literatura kreado, stranga lingvaĵo [14]; ni estas nur homoj kaj suferas pro homaj difektoj.

b)

[sufer.0i.difektigxon]

Difektiĝi, malprosperi: nia negoco tre suferas de tia situacio; suferi pro, sub krizo; la internaciaj interrilatoj tre suferas pro la multeco de lingvoj; la reputacio de la nomitaj landoj nun grave suferis ^Monato ; pro la dioksina skandalo en majo 1999 la belga terkultura industrio forte suferis [15]; en julio erupciis Oyama, sur la insulo Miyake, kaj damaĝis rikoltojn, same suferis turismo [16]; la papeco de Romo suferis gravan krizon depost la komenco de la 14a jarcento [17].

mizero, porti, sperti, viktimo

3.

[sufer.0i.akcepti]

Ricevi la efikon de ago, esti trafita de iu ago: la akuzativon ni uzas nur en tri okazoj: a) por montri la suferanton de la faro (t.e. post verboj havantaj sencon aktivan) […] [18]; la konferenco suferis interrompon (estis interrompita).

[sufer.0o.KOMUNE]

Sento, damaĝo de tiu, kiu suferas: elporti tiom da feliĉoj kaj tiom da suferoj mi ne povas ^Ifigenio ; mieno lia montris pli suferon, sed ne koleron ^Hamlet ; suferego lin atakis, doloro kiel ĉe naskantino [19]; transiro de suferoj al ĝojo ^Ifigenio ; longa konsidero savas de sufero ^PrV ; ilia animo konsumiĝas de sufero [20]; sufero kaj mizero min trafis [21]; la suferoj de vaga vivo, malriĉegeco ^FK ; la suferoj de soleco ^Marta ; kelkaj homoj sentas sin la plej feliĉaj, kiam ili vidas la suferojn de siaj najbaroj [22]; la infano ekkomprenis lian grandan korsuferon ^VivZam ; [li] respektis la silentan suferon de la malriĉa virino ^Marta ; la juneco kaj sano daŭris ne longe, baldaŭ venis malsanoj kaj suferoj, kiuj turmentis lin tage kaj malhelpis lin dormi nokte [23].

Iu, kiu suferas: Li savas la suferanton en lia mizero [24]; malvarma akvo por suferanto de soifo [25]; suferanto ne reiru hontigita [26]; ŝi venadis al la suferantoj kaj parolis al ili vortojn de konsolo [27]; korsuferanto [28]; [li] mortas kun animo suferanta [29].

(tr)

[sufer.0igi.KOMUNE]

Kaŭzi suferon: tranĉi al si la piedojn kaj sin suferigi [30] (vundi); ne estas bone suferigi virtulon, nek bati noblulon, kiu agas juste [31]; al li ŝajnis, ke li sidas en brulanta forno, ĉi tio lin tro suferigis [32]; Japanio konsistas el vulkana arkipelago kun 86 aktivaj vulkanoj, kiuj dum la jarcentoj suferigis la popolon [33]; tiu ĉi katastrofo suferigis ses landojn [34]; la insulo estas suferigita de la tertremo.

Iu, kiu suferis: nur suferinto ŝatas feliĉon ^PrV ; suferinto pli valoras, ol lerninto ^PrV ; Mi faros […] la suferintojn potenca nacio [35]; tiu fontano estis konstruita memore al la suferintoj [36]; dum la vintro la paseroj estis suferintaj de frosto [37].

(tr)

[sufer.tra0i.KOMUNE]

Suferi konstante dum difinita tempo: se li estas senkulpa, Dio mia, kion li trasuferis dum duono de sia vivo [38]!