liberal/a

liberala

serĉi 'liberala'

[libera.0a]

1.: [libera.0a.POL]; Favora al libero kaj toleremo en sociaj, politikaj, religiaj aferoj: liberalaj partioj, doktrinoj, opinioj, institucioj; liberala spirito; serĉadi pseŭdo-liberalajn kompromisojn inter la plimulto kaj la malplimulto [1]; la multjare regantaj liberaldemokratoj perdis kaj suferas splitiĝon [2]; kun la religia liberaleco kontrastas du sintenoj, kiuj estas ofte konfuzataj […]: por la fundamentistoj tre gravas la sanktaj tekstoj, kiujn ili interpretas kiel laŭvortan veron […], por la nefundamentismaj konservemuloj, aliflanke, tre gravas la tradicio de ilia religio, kiun ili ne volas ŝanĝi [3]; la ekonomia liberaligo ebligis revigligi la ekonomion de la lando [4].
2.: [libera.0a.liberula]; (evitinde) (p.p. antikvan profesion, vd libera profesio, rim.) Liberula.

1. L. L. Zamenhof: Homaranismo, Homaranismo
2. Stefan Maul: Alarmsignalo el Italio, Monato, 1993/08, p. 5
3. Diversaj aŭtoroj: Kontakto 2011-2019, Ĉefartikolo
4. Maryvonne kaj Bruno Robineau: Laŭ ritmo de la rizejoj, Monato, 2000/02, p. 18

serĉi 'liberalismo'

[libera.0ismo]

1.: [libera.0ismo.POL]; Politiko celanta permesemon rilate al la individuoj kaj forigon de privilegioj: liberalisma socio [5].
2.: [libera.0ismo.EKON]; Ekonomika doktrino malaprobanta ŝtatismon kaj favoranta memregantan liberan merkaton kaj konkuradon: liberalisma ideologio [6]; oni proklamos vin malamiko de la nura valora nuna kapitalisma liberalismo [7]. protektismo

5. Monato, Alexander Gofen: Brave, prezidanto Putin!, 2003
6. Monato, Claude Piron: Francio invitas, Svislando suferas, 2003
7. Monato, Zlatko Tišljar: Kial fieri pri iu patrujo kaj ne pri alia?, 2004

serĉi 'liberalulo'

[libera.0ulo]

: Iu de liberala pensmaniero, politiko ks: liberaluloj malbenitaj [8]! tiuj unuaj esperantistoj jam estis pacifistoj, kleristoj aŭ liberaluloj, antaŭ ol ili konatiĝis kun Esperanto [9]; atentu pri la diferencoj inter religiaj fundamentistoj, konservemuloj, moderuloj kaj progresemaj liberaluloj [10].

8. N. V. Gogol, trad. L. L. Zamenhof: La Revizoro, Akto kvina
9. Ivo Lapenna, Tazio Carlevaro kaj Ulrich Lins: Esperanto en Perspektivo, Kvara Parto
10. Diversaj aŭtoroj: Kontakto 2011-2019, Ĉefartikolo

serĉi 'malliberala'

[libera.mal0a]

: Malfavora al libero kaj toleremo en sociaj, politikaj, religiaj aferoj: en 2014 Orbán malferme deklaras ke Hungario nun estas malliberala demokratio [11]; kvankam Schleyer estis politike reakcia kaj mallibera, li persone estis ĝentila kaj tolerema [12]; li starigas sian unusolan praktikan proponon por alirebligi kaj demokratiigi la anglan, tute laŭ lia prefero de „natura“ memlernado: malpermesi voĉtradukadon en kinejoj, televidkanaloj, DVDoj kaj interreto, – amuze, kiel lingva liberalismo kondukis nin al malliberala solvo [13]!

11. Minacas Eŭropon faŝismo en Hungario, Sennaciulo, sept-okt 201 6, p. 14
12. Jens Stengaard Larsen: La neeltenebla pezeco de la libero, Beletra Almanako 17, jun 2013, p. 143
13. Rubén Fernández Asensio: Lingva justeco: lingvoscienco estas la ŝlosilo , Libera Folio, 2014-08-08

serĉi 'novliberalismo'

[libera.nov0ismo]

: [libera.nov0ismo.EKON]; Ekonomika doktrino favora al libera interregna komercado tutmonda: la laboristpartiaj gvidantoj glitis kun surpriza facileco al la novliberalismo, bazita sur la ideo laŭ kiu la merkata libereco garantias la individuan liberecon [14]; rigora nov-liberalismo: ĝi privatigis la ĉefajn ŝtatajn entreprenojn – […], draste faciligis la maldungon de laboristoj kaj la disvastigon de portempaj laborkontraktoj [15].

14. Z. Sternhell: Ĉe la lito de mortanto..., [vidita en 2014]
15. Monato, Hektor Alos I Font: Amarega venko, 2004